Jańa oqý jylynyń alǵashqy toqsanynda oqýshylar qandai formatta bilim alady? Bilim jáne ǵylym ministrligi Mektepke deiingi jáne orta bilim komiteti tóraǵasynyń orynbasary Jomart Qarambaevqa Ortalyq kommýnikatsiialar qyzmetinde BAQ ókilderi osyndai saýal qoidy, dep habarlaidy "Ult aqparat".
«Bul epidemiologiialyq jaǵdaiǵa bailanysty. Sheshimdi koronavirýsty taratpaý jónindegi vedomstvoaralyq komissiia shyǵaryp, ol sheshim Memlekettik sanitarlyq dárigerdiń qaýlysymen bekitiledi. Epidemiologiialyq jaǵdai jaqsarǵan kezde ministrlik dástúrli oqytý formatyna kóshýge daiyn», - degen Jomart Qarambaev qalypty oqý formatyna aýysý úshin pedagogterge vaktsina alý talaby qoiylmaitynyn aitty.
«Mundai talaptar qoiylmaidy, muǵalimder erikti túrde ekpe alyp jatyr. Eń bastysy, ujymdyq immýnitet qalyptasýy kerek. Sol úshin ustazdardyń 100 paiyz vaktsina alǵany jón bolar edi», - dedi vedomstvo ókili.
