وقۋ جىلىنىڭ العاشقى ەكٸ اپتاسىندا قازاقستاندىق وقۋشىلاردىڭ شامامەن 1 پايىزى كوروناۆيرۋس جۇقتىردى. بۇل تۋرالى قازاقپارات بعم سٸلتەمە جاساپ حابارلايدى.
قازاقستاندىق وقۋشىلاردىڭ جالپى سانىنىڭ 0,07%-ى وقۋ جىلىنىڭ العاشقى ەكٸ اپتاسىندا كوروناۆيرۋس جۇقتىردى.
«1 قىركٷيەكتە مەكتەپتەردە وقۋ دەستٷرلٸ فورماتتا باستالدى. بالالاردىڭ دەنساۋلىعىن قورعاۋ ماقساتىندا بٸلٸم بەرۋ ۇيىمدارىندا قاجەتتٸ سانيتارلىق شارالار قابىلداندى. ساباق كەستەسٸ, ٷزٸلٸستەر مەن بۋفەتكە بارۋ ۋاقىتتارى دەلٸزدە بالالاردىڭ كٶپ جينالماۋى ٷشٸن رەتتەلگەن. سونىمەن قاتار, بالالاردىڭ بٸر كابينەتتەن ەكٸنشٸسٸنە اۋىسۋى شەكتەلدٸ. ياعني وقۋ پروتسەسٸ «بٸر سىنىپ – بٸر كابينەت» قاعيداتى بويىنشا ۇيىمداستىرىلىپ, اۋىسىم سانى ارتتى. بٸر وقۋشى اۋىرىپ قالاتىن بولسا, بارلىق سىنىپ كارانتينگە جٸبەرٸلەدٸ. وسى ەكٸ اپتا ٸشٸندە قازاقستاندىق وقۋشىلاردىڭ جالپى سانىنىڭ 0,07%-ى كوروناۆيرۋس جۇقتىرعان. قىركٷيەك ايىنىڭ باسىندا كارانتينگە جٸبەرٸلگەن سىنىپتار وسى اپتادان باستاپ دەستٷرلٸ وقۋعا قايتا ورالدى», – دەدٸ قر بعم مەكتەپكە دەيٸنگٸ جەنە ورتا بٸلٸم كوميتەتٸنٸڭ تٶراعاسى گٷلميرا كەرٸموۆا.
سونداي-اق, ۆاكتسيناتسييانىڭ ارقاسىندا پەداگوگتەر اراسىندا كوروناۆيرۋستى جۇقتىرۋ سانى ازايدى. جاڭا وقۋ جىلى باستالعالى ەلٸمٸزدەگٸ مۇعالٸمدەردٸڭ جالپى سانىنىڭ 0,09%-ى اۋىرعان.
ەلەمنٸڭ كٶپتەگەن مەملەكەتتەرٸندە سيياقتى جاڭا وقۋ جىلى ەلٸمٸزدە دەستٷرلٸ فورماتتا ٶتٸپ جاتىر.
سونداي-اق, الماتى قالاسىنداعى ەپيدەميولوگييالىق جاعدايعا بايلانىستى جاڭا وقۋ جىلىنىڭ الدىندا اتا-انالارعا وقىتۋ فورماتىن تاڭداۋ مٷمكٸندٸگٸ بەرٸلگەنٸن ەسكە سالامىز.
سول كەزدە ونلاين-فورماتتى ٶتە از بٶلٸگٸ – الماتىلىق وقۋشىلاردىڭ جالپى سانىنىڭ 5,6%-ى عانا تاڭداعان بولاتىن. بٷگٸنگٸ تاڭدا ەكٸ مىڭنان استام بالا ونلاين-فورماتتان دەستٷرلٸ وقۋعا ورالدى. ەپيدەميولوگييالىق جاعدايدىڭ قالىپقا كەلۋٸنە بايلانىستى اتا-انالار قاشىقتان وقىتۋدان باس تارتىپ, بالالارىن مەكتەپتەرگە جٸبەرٸپ جاتىر.
«مەنٸڭ نەمەرەم بيىل بٸرٸنشٸ سىنىپقا باردى. باسىندا بٸز دە ۋايىمداپ, ونلاين-وقىتۋدى تاڭدادىق. بٸراق ول ٷيدە وتىرعىسى كەلمەيدٸ, سىنىپتاستارىمەن بٸرگە وتىرىپ وقىعىسى كەلەدٸ. بەرٸبٸر بالا كٶشەگە شىعىپ وينايدى, دٷكەنگە, قوناققا جەنە ٷيٸرمەلەرگە بارادى. سوندىقتان بٸز دەستٷرلٸ وقىتۋ فورماتىن تاڭداۋدى ۇيعاردىق. ٷيدە وتىرعان بالانىڭ بار ىنتاسىن ساباققا بٶلۋٸ ەكٸتالاي. ەر نەرسەگە الاڭداپ, وقىتۋ باعدارلاماسىن تولىق مەڭگەرە المايدى. پاندەمييا قاشان اياقتالاتىنى بەلگٸسٸز. سوندىقتان پاندەمييانىڭ اياقتالۋىن كٷتٸپ, بٸلٸم ساپاسىن تٷسٸرٸپ الماۋ ماڭىزدى», – دەپ اتاپ ٶتتٸ الماتى قالاسىنىڭ تۇرعىنى گٷلباحار ۋەليەۆا.
