قازاقستاندا ٶكپە قابىنۋىنان قايتىس بولعاندار سانى 1,9 ەسە ارتىپ وتىر. بۇل تۋرالى قر دەنساۋلىق ساقتاۋ ۆيتسە-مينيسترٸ اجار عينييات ايتتى, دەپ حابارلايدى "ۇلت اقپارات".
«ٶكپە قابىنۋىمەن اۋىرعان ادام سانىن جاسىرىپ وتىرعان جوقپىز. ول ەلەكتروندى جٷيەدە تۇر. 1 قاڭتاردان 2 تامىزعا دەيٸن اۋىرعانداردىڭ سانى 3,3 ەسە ٶستٸ. ال قايتىس بولعان ادامداردىڭ سانى 1,9 ەسە ارتىپ وتىر», - دەدٸ ول ورتالىق كوممۋنيكاتسييالار قىزمەتٸندەگٸ باسپاسٶز مەسليحاتى بارىسىندا.
وسى رەتتە اجار عينييات ٶكپە قابىنۋىنان قازا تاپقانداردىڭ نەلٸكتەن ستاتيستيكاعا قوسىلماعاندىعىن تٷسٸندٸرٸپ ٶتتٸ.
«ٶيتكەنٸ, 1 تامىزعا دەيٸن ٶكپە قابىنۋى بٷكٸل دٷنيەجٷزٸ قولداناتىن اۋرۋلاردىڭ حالىقارالىق جٸكتەمەسٸنە ساي پنەۆمونييا اۋرۋى رەتٸندە جٸكتەلگەن. سٶيتٸپ ەلەكتروندى جٷيەگە تٷسٸپ كەتتٸ. ەربٸر دەرٸگەر ٶزٸ ەمدەگەن ناۋقاسىن جٸكتەپ, جٷيەگە سالىپ وتىرادى. ال قازٸر دەرٸگەرلەر كٶپتەگەن اۋرۋدى ەمدەپ, ەندٸ-ەندٸ ەل جيناپ جاتىر دەسەم, ٶتٸرٸك ەمەس», - دەدٸ ۆيتسە-مينيستر.
ونىڭ دەرەگٸنشە, 2019 جىلدىڭ 1 قاڭتارى مەن 2 تامىز ارالىعىندا ەلٸمٸزدە ٶكپە قابىنۋىنان 2 033 ادام قايتىس بولعان. ال وسى جىلدىڭ دەل وسىنداي كەزەڭ ٸشٸندە 4 042 ادام ٶمٸردەن وزعان.
