كەزٸندە المانىڭ اپورت سورتىن ٶسٸرٸپ, ٶڭدەۋمەن اينالىسقان تٷلكٸباس اۋدانىنىڭ باعباندارى بۇل ٸستٸ قايتا قولعا الىپ وتىر. ەندٸ ولار تٷلكٸباستىڭ برەندٸ بولاتىن الما باۋ شارۋاشىلىعىن دامىتۋ ماقساتىنداعى جۇمىستاردى شيراتۋدا, دەپ حابارلايدى "ۇلت اقپارات" وڭتٷستٸك قازاقستان وبلىسى ەكٸمدٸگٸنٸڭ باسپاسٶز قىزمەتٸنە سٸلتەمە جاساپ.
مەسەلەن, اۋداندا سوڭعى 3 جىلدا شارۋالاردىڭ الما ەگۋگە دەگەن قىزىعۋشىلىقتارى ارتقان, ياعني, ولار بوس جاتقان 814 گا جەرگە الما باۋ ەگٸپ, مەملەكەتتەن بەرٸلەتٸن سۋبسيديياعا قول جەتكٸزگەن. ال, بيىل ولار 355 گا جەرگە الما باۋ وتىرعىزدى. ونىڭ ٸشٸندە 122 گەكتارى قارقىندى باۋ.
تٷلكٸباستىق شارۋالار كٷزگٸ تەرٸم جۇمىستارىن ۋاقىتىلى جٷرگٸزٸپ, باۋ-باقشالاردان 24 مىڭ توننادان استام الما جينادى. جينالعان المالاردىڭ باسىم كٶپشٸلٸگٸ ارنايى قويمالاردا ساقتالسا, قالعانى ەلٸمٸزدٸڭ ٶزگە ايماقتارىندا ساتىلىمعا شىعارىلۋدا. ەسٸرەسە اۋدانداعى ەڭ ٸرٸ «كٶكتال» جەنە «كەن-تاۋ» شارۋاشىلىقتارى 5970 توننا الما جيناعان.
جالپى تٷلكٸباس اۋدانى تاۋلى ايماقتا ورنالاسقان. اۋا رايى قوڭىر سالقىن, الما-باۋ جەمٸس اعاشتارىن ٶسٸرۋگە ٶتە قولايلى ايماق بولىپ ەسەپتەلەدٸ. بٷگٸنگٸ تاڭدا اۋدانداعى بارلىق جەمٸس اعاشتارىنىڭ كٶلەمٸ 3115 گەكتاردى قۇراپ وتىر. 2020 جىلعا دەيٸن اۋدان كٶلەمٸندە الما-باۋ كٶلەمٸ 3600 گەكتارعا جەتكٸزٸلٸپ, ونىڭ ٸشٸندە اۋداندا قارقىندى باۋلاردى ٶسٸرۋ دامىتىلىپ, ٶنٸم كٶلەمٸن ۇلعايتۋ جوسپارلانۋدا.
ايتا كەتەيٸك, كەشە عانا وڭتٷستٸك قازاقستان وبلىسىندا دەندٸ داقىلداردى جيناۋ جۇمىستارى تولىعىمەن اياقتالعانى حابارلانعان. بيىل وبلىس ديقاندارى استىق ٶسٸرۋدە دە وزىق تەحنولوگييالاردى, ونىڭ ٸشٸندە تەرەڭ قوپسىتۋ ەدٸسٸن قولدانۋدىڭ ارقاسىندا مول ٶنٸمگە قول جەتكٸزدٸ. مەسەلەن, وبلىس بويىنشا 258,8 مىڭ گەكتار جەرگە ەگٸلگەن دەندٸ داقىلدان شارۋالار 589 مىڭ توننا ٶنٸم العان.
