بٷگٸن وڭتٷستٸك قازاقستان وبلىسىنىڭ ەكٸمٸ جانسەيٸت تٷيمەباەۆ وبلىستىق كەسٸپكەرلەر پالاتاسىنىڭ ۇيىتقى بولۋىمەن ٶتكەن ەركٸن فورماتتاعى كەسٸپكەرلەر كەزدەسۋٸنە قاتىستى. جيىندى وقو كەسٸپكەرلەر پالاتاسىنىڭ ديرەكتورى اسقار ابۋباكيروۆ جٷرگٸزٸپ وتىردى, دەپ حابارلايدى "ۇلت اقپارات" وبلىس ەكٸمٸنٸڭ باسپاسٶز قىزمەتٸنە سٸلتەمە جاساپ.
جيىنعا وبلىس ەكٸمٸنٸڭ ورىنباسارلارى مەن ٶڭٸر كەسٸپكەرلەرٸ جەنە بانك ديرەكتورلارى, مەملەكەتتٸك مەكەمە باسشىلارى, دامۋ ينستيتۋتتارىنىڭ جەتەكشٸلەرٸ مەن باق ٶكٸلدەرٸ قاتىستى.
كەزدەسۋ بارىسىندا ەلباسىنىڭ «بولاشاققا باعدار: رۋحاني جاڭعىرۋ» اتتى ماقالاسىنان تۋىنداعان ماقسات-مٸندەتتەر سارالانىپ, ٶڭٸردٸڭ دامۋ كونتسەپتسيياسى تالقىلاندى. بيزنەستٸڭ ٶركەندەۋٸنە مەملەكەت تاراپىنان جاسالىنىپ وتىرعان قولداۋلار مەن كەسٸپكەرلەردٸ قارجىلاندىرۋ جٷيەسٸنٸڭ جاڭا تەتٸكتەرٸ سٶز بولدى.
تۋعان جەردٸ تٷلەتۋ - ورتاق پارىز ەكەنٸن ايتقان وبلىس ەكٸمٸ ج.تٷيمەباەۆ كەسٸپكەرلەردٸ تۋعان جەرگە, ەلگە دەگەن سٷيٸسپەنشٸلٸك پەن جاناشىرلىقتىڭ ٷزدٸك ٷلگٸسٸن كٶرسەتۋگە شاقىردى.
«بٷگٸنگٸ تاڭدا, مەملەكەت تاراپىنان بيزنەستٸڭ ٶركەندەۋٸنە بارلىق قولايلى جاعدايلار جاسالىنىپ وتىر. سونىڭ نەتيجەسٸندە تەك سوڭعى 3 جىلدا وبلىسىمىزدا «وڭتٷستٸك» ايماقتىق ينۆەستيتسييالىق ورتالىعى ارقىلى جالپى قۇنى 23,4 ملرد. تەڭگەنٸ قۇرايتىن 5,7 مىڭعا جۋىق جوبا قارجىلاندىرىلدى. بۇل دەگەنٸڭٸز جاقسى كٶرسەتكٸش. دەسەك تە, الدا اتقارىلاتىن جۇمىستار ەلٸ دە از ەمەس. بۇل رەتتە مەن بيزنەستٸڭ ەلەۋمەتتٸك جاۋاپكەرشٸلٸگٸ مەن ٶڭٸر ەكونوميكاسىن ٶركەندەتۋدە جەكە كەسٸپكەرلەردٸڭ قوسىپ جٷرگەن ٷلەس, ىقپالىنىڭ زور ەكەنٸن ايتقىم كەلەدٸ», -دەدٸ جانسەيٸت قانسەيٸتۇلى.
سونىمەن قاتار, ەكٸم بيزنەسمەندەرگە ساۋدا ورتالىقتارى مەن سيتي كەشەندەرٸن سالۋدى توقتاتىپ, حالىققا قاجەتتٸ تۇرعىن ٷي مەن ستۋدەنتتەرگە ارنالعان جاتاقحانا سالۋدى جەنە ٶڭٸردٸڭ ەكونوميكاسىنا سەپتٸگٸن تيگٸزەتٸن تۋريستتٸك جوبالاردى سالۋ جايىن كٶتەرٸپ, سول جوبالاردى جٷزەگە اسىرۋعا شاقىردى.
مۇنان بٶلەك, جيىندا وبلىس ەكٸمٸنٸڭ ورىنباسارلارى ٶز سالالالارى بويىنشا مەملەكەتتٸك-جەكەشٸلٸك ەرٸپتەستٸك اياسىندا جٷزەگە اسىرىلۋى تيٸس جوبالاردى تانىستىرىپ, بۇل باعىتتا مەملەكەتتەن كٶرسەتٸلەتٸن قولداۋلاردى ايتىپ ٶتتٸ.
وندا وبلىس ەكٸمٸنٸڭ بٸرٸنشٸ ورىنباسارى دارحان ساتىبالدى مەملەكەتتٸك-جەكەشٸلٸك ەرٸپتەستٸك شەڭبەرٸندە 35 جوبا سالۋ ۇسىنىلىپ وتىرعانىن اتاپ ٶتتٸ. ال وبلىس ەكٸمٸنٸڭ ورىنباسارى باۋىرجان جامالوۆ تٷركٸستان قالاسى مەن سارىاعاش, شاردارا, تٶلە بي اۋداندارىندا ٸسكە اسىرىلاتىن تۋريستتٸك جوبالار مەن باسقا دا اۋدانداردا ٸسكە اسىرۋعا بولاتىن اۋىل شارۋاشىلىق, ٶندٸرٸستٸك باعىتتاعى جوبالاردى تانىستىردى.
جٷزگە جۋىق كەسٸپكەرلەر باس قوسقان جيىندا ولار بيزنەستٸڭ ەلەۋمەتتٸك جاۋاپكەرشٸلٸگٸنەن تۋىندايتىن يدەيالاردىڭ جٷزەگە اسۋىندا جەنە بيزنەسكە كەدەرگٸ بولىپ وتىرعان نەگٸزگٸ ٶزەكتٸ مەسەلەلەر تۋرالى پٸكٸرلەرٸمەن بٶلٸسٸپ, وبلىستىڭ دامۋى بويىنشا ٶز ۇسىنىستارىن جەتكٸزدٸ.
