Búgin Ońtústik Qazaqstan oblysynyń ákimi Janseiit Túimebaev oblystyq Kásipkerler palatasynyń uiytqy bolýymen ótken erkin formattaǵy kásipkerler kezdesýine qatysty. Jiyndy OQO Kásipkerler palatasynyń direktory Asqar Abýbakirov júrgizip otyrdy, dep habarlaidy "Ult aqparat" oblys ákiminiń baspasóz qyzmetine silteme jasap.
Jiynǵa oblys ákiminiń orynbasarlary men óńir kásipkerleri jáne bank direktorlary, memlekettik mekeme basshylary, damý institýttarynyń jetekshileri men BAQ ókilderi qatysty.
Kezdesý barysynda Elbasynyń «Bolashaqqa baǵdar: rýhani jańǵyrý» atty maqalasynan týyndaǵan maqsat-mindetter saralanyp, óńirdiń damý kontseptsiiasy talqylandy. Biznestiń órkendeýine memleket tarapynan jasalynyp otyrǵan qoldaýlar men kásipkerlerdi qarjylandyrý júiesiniń jańa tetikteri sóz boldy.
Týǵan jerdi túletý - ortaq paryz ekenin aitqan oblys ákimi J.Túimebaev kásipkerlerdi týǵan jerge, elge degen súiispenshilik pen janashyrlyqtyń úzdik úlgisin kórsetýge shaqyrdy.
«Búgingi tańda, memleket tarapynan biznestiń órkendeýine barlyq qolaily jaǵdailar jasalynyp otyr. Sonyń nátijesinde tek sońǵy 3 jylda oblysymyzda «Ońtústik» aimaqtyq investitsiialyq ortalyǵy arqyly jalpy quny 23,4 mlrd. teńgeni quraityn 5,7 myńǵa jýyq joba qarjylandyryldy. Bul degenińiz jaqsy kórsetkish. Desek te, alda atqarylatyn jumystar áli de az emes. Bul rette men biznestiń áleýmettik jaýapkershiligi men óńir ekonomikasyn órkendetýde jeke kásipkerlerdiń qosyp júrgen úles, yqpalynyń zor ekenin aitqym keledi», -dedi Janseiit Qanseiituly.
Sonymen qatar, ákim biznesmenderge saýda ortalyqtary men siti keshenderin salýdy toqtatyp, halyqqa qajetti turǵyn úi men stýdentterge arnalǵan jataqhana salýdy jáne óńirdiń ekonomikasyna septigin tigizetin týristtik jobalardy salý jaiyn kóterip, sol jobalardy júzege asyrýǵa shaqyrdy.
Munan bólek, jiynda oblys ákiminiń orynbasarlary óz salalalary boiynsha memlekettik-jekeshilik áriptestik aiasynda júzege asyrylýy tiis jobalardy tanystyryp, bul baǵytta memleketten kórsetiletin qoldaýlardy aityp ótti.
Onda oblys ákiminiń birinshi orynbasary Darhan Satybaldy memlekettik-jekeshilik áriptestik sheńberinde 35 joba salý usynylyp otyrǵanyn atap ótti. Al oblys ákiminiń orynbasary Baýyrjan Jamalov Túrkistan qalasy men Saryaǵash, Shardara, Tóle bi aýdandarynda iske asyrylatyn týristtik jobalar men basqa da aýdandarda iske asyrýǵa bolatyn aýyl sharýashylyq, óndiristik baǵyttaǵy jobalardy tanystyrdy.
Júzge jýyq kásipkerler bas qosqan jiynda olar biznestiń áleýmettik jaýapkershiliginen týyndaityn ideialardyń júzege asýynda jáne bizneske kedergi bolyp otyrǵan negizgi ózekti máseleler týraly pikirlerimen bólisip, oblystyń damýy boiynsha óz usynystaryn jetkizdi.
