وڭتٷستٸك قازاقستان وبلىسىنىڭ ەكٸمٸ جانسەيٸت تٷيمەباەۆ ۇلىستىڭ ۇلى كٷنٸ – ناۋرىز مەرەكەسٸ قارساڭىندا سارىاعاش اۋدانى اباي ەلدٸ مەكەنٸندە بولىپ, ەل اعالارىمەن, اۋىل تۇرعىندارىمەن كەزدەستٸ. باسقوسۋدا ٶڭٸر باسشىسى ناۋرىز – تاتۋلىققا باستايتىن مەيرام ەكەنٸن ايتا كەلە, تۇرعىنداردى ىنتىماقپەن بٸرلەسە ەڭبەك ەتۋگە شاقىردى, دەپ حابارلادى وبلىس ەكٸمدٸگٸنٸڭ باسپاسٶز قىزمەتٸ.
"مەملەكەت رەتٸندە قالىپتاسىپ, تەۋەلسٸزدٸككە قول جەتكٸزگەنٸنە شيرەك عاسىر عانا بولعان بٸزگە تاتۋلىق پەن ىنتىماق ٶتە قاجەت. سارىاعاش – شەكارالىق ايماقتا ورنالاسقان ستراتەگييالىق اۋدان. مۇنداعى حالىقتىڭ ٶسٸمٸ ٶتە جوعارى. سوندىقتان دا ەلدٸڭ ەلەۋمەتتٸك جاعدايىن جاقسارتۋ ماقساتىندا ەلباسىمىزدىڭ قولداۋىمەن جٷيەلٸ جۇمىستار اتقارىلۋدا. مۇنىڭ بەرٸنە ەلدەگٸ تۇراقتىلىق پەن بٸرلٸكتٸڭ ارقاسىندا قول جەتكٸزٸپ وتىرمىز. وسى جەتٸستٸكتەرٸمٸزدٸ ەل اعالارى مەن تۇرعىندارى قولداپ, قۋاتتاپ وتىرسا, بۇدان دا جوعارى جەتٸستٸكتەرگە قول جەتكٸزۋگە مٷمكٸندٸگٸمٸز مول", – دەدٸ جانسەيٸت قانسەيٸتۇلى.
سونداي-اق, وبلىس ەكٸمٸ كەزدەسۋ بارىسىندا اباي اۋىلىندا بولعان وقيعاعا دا توقتالدى. بۇل مەسەلەمەن تيٸستٸ قۇزىرلى ورگانداردىڭ اينالىسىپ جاتقانىن ايتا كەلە, بولشاقتا مۇنداي جاعداي قايتالانباۋى ٷشٸن ەل اعالارى, اۋىل بيلەرٸ بٸرٸگٸپ جٷيەلٸ تٷردە جۇمىس ٸستەۋ كەرەك ەكەنٸن مەلٸمدەدٸ.
كەزدەسۋدە سٶز العان اۋىل بيٸ م.ٸلەسبەكوۆ ەل ٸشٸندەگٸ تٷرلٸ مەسەلەلەردٸڭ دەر كەزٸندە شەشٸلۋٸنە ەل بولىپ اتسالىسىپ, جۇمىلۋ قاجەتتٸگٸن جەتكٸزدٸ.
جيىن سوڭىندا وبلىس باسشىسى سارىاعاشتىق تۇرعىنداردى ناۋرىز مەرەكەسٸمەن قۇتتىقتاپ, ەلٸمٸزدە تىنىشتىق پەن بەرەكەنٸڭ سالتانات قۇرۋىن تٸلەدٸ.
