اقش كونگرەسٸنٸڭ ٶكٸلدەر پالاتاسى 18 جەلتوقساندا پرەزيدەنت دونالد ترامپقا يمپيچمەنت جارييالاۋ مەسەلەسٸ بويىنشا داۋىس بەرٸپ, باسىم بٶلٸگٸ ترامپ يمپيچمەنتٸن قولدادى. ەندٸ بۇل مەسەلەنٸ الداعى ۋاقىتتا سەنات قاراۋى تيٸس.
230 كونگرەسسمەن يمپيچمەنتتٸ قولداپ, داۋىس بەردٸ, 197-سٸ قارسى شىقتى. داۋىس بەرۋ نەگٸزٸنەن كونگرەسسمەندەردٸڭ قاي پارتييا مٷشەسٸ بولعانىنا قاراي انىقتالعان سيياقتى: دەموكراتتاردىڭ بارلىعى-دەرلٸك يمپيچمەنتتٸ قولدادى, رەسپۋبليكاشىلداردىڭ بارلىعى قارسى شىقتى.
وسىلايشا دونالد ترامپ اقش تاريحىندا كونگرەستٸڭ ٶكٸلدەر پالاتاسى يمپيچمەنت جارييالاعان ٷشٸنشٸ پرەزيدەنت اتاندى. ٶكٸلدەر پالاتاسى وعان ەكٸ ايىپ بويىنشا يمپيچمەنت جارييالاۋدى قولدادى: قىزمەتتٸك ٶكٸلەتٸن اسىرا پايدالانۋ جەنە كونگرەسس زەرتتەۋٸنە كەدەرگٸ كەلتٸرۋ. العاشقى ايىپ بويىنشا, ترامپ پرەزيدەنت ٶكٸلەتٸن پايدالانىپ, شەتەل ەرٸپتەسٸنٸڭ كٶمەگٸمەن (ناقتى جاعدايدا ۋكراينا) 2020 جىلى بولاتىن پرەزيدەنت سايلاۋىنداعى ساياسي قارسىلاسىنا قارسى ٸستٸ زەرتتەۋگە تىرىسقان. ەكٸنشٸ ايىپ بويىنشا, ترامپ يمپيچمەنت جارييالاۋ مٷمكٸندٸگٸ بويىنشا كونگرەسس زەرتتەۋٸ كەزٸندە سۇراۋ سالىنعان مىڭداعان قۇجاتتى بەرمەگەن جەنە وسى زەرتتەۋ اياسىندا كونگرەسس تالقىلاۋىنا بارماق بولعان كۋەگەرلەرگە كەدەرگٸ كەلتٸرگەن.
ەندٸ ترامپقا يمپيچمەنت جارييالاۋ مەسەلەسٸن سەنات قارايدى. بولجام بويىنشا, داۋىس بەرۋ قاڭتار ايىندا ٶتەدٸ.
ميچيگانداعى سايلاۋ كامپانيياسى كەزٸندە داۋىس بەرۋگە بايلانىستى پٸكٸرٸن ايتقان ترامپ "دەموكراتتار ونداعان ميلليون امەريكا پاتريوتىنىڭ بيۋللەتەنٸن (2016 جىلى پرەزيدەنت سايلاۋى كەزٸندە ترامپتى جاقتاعان ادامدار سانى) جارامسىز قىلۋعا تىرىسىپ جاتىر" دەدٸ.
اقش-تا يمپيچمەنت داۋى ترامپتىڭ 25 شٸلدەدە ۋكراينا پرەزيدەنتٸ ۆلاديمير زەلەنسكييمەن بولعان ەڭگٸمەسٸنەن سوڭ تۋعان. امەريكالىق باسىلىمدار ترامپ 2020 جىلى ٶتەتٸن سايلاۋدا بەسەكەلەسٸ بولۋى ىقتيمال دجو بايدەننٸڭ ٷستٸنەن جەمقورلىق داۋى بويىنشا ٸس قوزعاۋعا زەلەنسكييدٸ مەجبٷرلەمەك بولعان دەپ جازدى. سىنشىلار ترامپتى "قىزمەت ٶكٸلەتٸن اسىرا پايدالانىپ, ىقتيمال بەسەكەلەسٸنە قارسى دەرەك تابۋعا تىرىستى" دەپ ايىپتادى. دونالد ترامپ بۇل ايىپتاۋلاردى جوققا شىعاردى.
ترامپ پەن زەلەنسكيي اراسىنداعى ەڭگٸمە مازمۇنى بەلگٸلٸ بولعان سوڭ اقش كونگرەسٸ ٶكٸلدەر پالاتاسىنداعى دەموكراتتار ترامپقا "سەرتٸن بۇزعانى ٷشٸن" يمپيچمەنت جارييالاۋ پروتسەسٸن باستاعان. بۇعان دەيٸن ۋكراينا پرەزيدەنتٸ ۆلاديمير زەلەنسكيي ٶزٸنە ترامپتىڭ قىسىم جاساماعانىن ايتقان.
