كريستوفەر نولاننىڭ جاڭا تۋىندىسى – «وديسسەيا» بيىلعى جىلدىڭ ەڭ كٶپ تالقىلانعان فيلمدەرٸنٸڭ بٸرٸنە اينالدى. كارتينا سىنشىلار مەن كٶرەرمەندەردٸڭ جوعارى باعاسىنا يە بولىپ, ەلەمدٸك پروكاتتا سەتتٸ باستاۋ جاسادى. ساراپشىلار فيلمنٸڭ الداعى ماراپاتتاۋ ماۋسىمىندا دا كٶپتەگەن جٷلدەگە ٷمٸتكەر بولاتىنىن ايتىپ وتىر, دەپ حابارلايدى ult.kz.
فيلمنٸڭ نەگٸزٸنە ەجەلگٸ گرەك اقىنى گومەردٸڭ ەيگٸلٸ «وديسسەيا» پوەماسى الىنعان. سيۋجەت بويىنشا ترويا سوعىسىنان كەيٸن يتاكا پاتشاسى وديسسەي (مەتت دەيمون) جۇبايى پەنەلوپاعا (ەنن حەتەۋەي) جەنە ۇلى تەلەماحقا (توم حوللاند) ورالۋعا اتتانادى. الايدا اشۋلانعان قۇدايلاردىڭ ارالاسۋىنان ونىڭ جولى جيىرما جىلعا سوزىلىپ, ساياحات بارىسىندا وديسسەي تسيكلوپپەن, سيرەنالارمەن, سيقىرشى ەيەلمەن جەنە الىپ جالماۋىزدارمەن بەتپە-بەت كەلەدٸ.
1. «وديسسەيا» ستسەنارييٸنە زاماناۋي اۋدارما نەگٸز بولدى
فيلم ستسەنارييٸ گومەر شىعارماسىنىڭ 2017 جىلى جارىق كٶرگەن اعىلشىن تٸلٸندەگٸ اۋدارماسىنا سٷيەنگەن. بۇل اۋدارمانى پەنسيلۆانييا ۋنيۆەرسيتەتٸنٸڭ كلاسسيكالىق ەدەبيەت پروفەسسورى ەميلي ۋيلسون جاساعان. XVII عاسىردان بەرٸ «وديسسەيا» اعىلشىن تٸلٸنە كەمٸندە 60 رەت اۋدارىلعانىمەن, ولاردىڭ ٸشٸندە ەيەل اۆتور جاساعان جالعىز نۇسقا وسى بولىپ سانالادى.
2. كريستوفەر نولان بۇل فيلمدٸ 20 جىل كٷتتٸ
كريستوفەر نولان كٶنە گرەك ميفولوگيياسىنا نەگٸزدەلگەن فيلم تٷسٸرۋدٸ كٶپتەن ارمانداعان. 2003 جىلى رەجيسسەرگە «ترويا» فيلمٸن قويۋ ۇسىنىلعانىمەن, جوبا كەيٸن ۆولفگانگ پەتەرسەنگە تاپسىرىلعان. سوعان قاراماستان نولان بۇل يدەيادان باس تارتپاي, جيىرما جىل بويى «وديسسەيانى» ەكرانعا شىعارۋدى جوسپارلاعان. ونىڭ ايتۋىنشا, بۇل شىعارمانى ٶمٸر بويى تٷسٸرٸپ كەلە جاتقانداي سەزٸنەدٸ.
رەجيسسەر گومەر پوەماسىن «وتباسى, كەك, سوعىس جەنە ەسەيۋ تۋرالى تەرەڭ شىعارما» دەپ سيپاتتايدى.
فوتو: kinomania.kz
3. IMAX تاريحىنداعى العاشقى تولىقمەتراجدى فيلم – «وديسسەيا»
«وديسسەيا» كينو تاريحىنا تاعى بٸر جاڭالىعىمەن ەندٸ. بۇل – تولىقتاي IMAX كامەرالارىمەن تٷسٸرٸلگەن العاشقى فيلم.
تٷسٸرٸلٸم بارىسىندا بارلىعى 609 شاقىرىم 65 ميلليمەترلٸك Kodak پلەنكاسى پايدالانىلعان. ال IMAX نۇسقاسىنىڭ ٶزٸنە عانا 17 شاقىرىم پلەنكا جۇمسالعان.
كارتيناعا 250 ميلليون دوللار بيۋدجەت بٶلٸنگەن. تٷسٸرٸلٸم 91 كٷنگە سوزىلىپ, جوسپارلانعان مەرزٸمنەن توعىز كٷن بۇرىن اياقتالعان. فيلمنٸڭ ۇزاقتىعى – 2 ساعات 53 مينۋت.
4. نولان فيلمٸندەگٸ شىنايىلىققا باسىمدىق
كريستوفەر نولان كومپيۋتەرلٸك گرافيكانى مٷمكٸندٸگٸنشە از قولداناتىن رەجيسسەر رەتٸندە تانىمال. سوندىقتان فيلمدەگٸ كٶپتەگەن كٶرٸنٸستەر تابيعي ورتادا تٷسٸرٸلگەن.
ترويانىڭ تٷنگٸ شابۋىلىن تٷسٸرۋ ٷشٸن وپەراتور حويتە ۆان حويتەما جٷزدەگەن جارىقديودتى شام ورناتىپ, وتتىڭ تابيعي جارىعىن دەل قايتالاعان.
ال وديسسەي مٸنگەن كەمە رەتٸندە نورۆەگييادان تابىلعان شىنايى «دراكەن» ۆيكينگ كەمەسٸ پايدالانىلعان. سونىڭ نەتيجەسٸندە اكتەرلەرگە تەڭٸزدە جٷزۋدٸ مەڭگەرۋگە تۋرا كەلگەن.
5. قيىن تٷسٸرٸلٸمدەر «وديسسەيادا»
باستى رٶلدٸ سومداعان مەتت دەيمون ٷشٸن تٷسٸرٸلٸم وڭاي بولماعان. ول سيتسيلييادا ەكٸ اپتا بويى كٷن سايىن قامالعا دەيٸن 45 مينۋت جاياۋ جٷرگەن. يسلانديياداعى تٷسٸرٸلٸم كەزٸندە نٶسەر جاڭبىر استىندا جۇمىس ٸستەسە, ماروككوداعى قاتتى جەل مەن قۇم دا اكتەرگە ەدەۋٸر قيىندىق تۋعىزعان.
ال شالعاي ايماقتارعا اۋىر IMAX كامەرالارىن جەتكٸزۋ ٷشٸن ستۋدييا رەجيسسەرگە ارنايى تٸكۇشاق بٶلگەن.
فوتو: Universal Pictures
6. پراكتيكالىق ەففەكتٸلەر مەن VFX ٷيلەسٸمٸ
نولان دەستٷرٸنە ساي پراكتيكالىق ەففەكتٸلەرگە باسىمدىق بەرگەنٸمەن, كەيبٸر ميفولوگييالىق كەيٸپكەرلەردٸ جاساۋ ٷشٸن كومپيۋتەرلٸك گرافيكا قولدانىلعان. مىسالى, التى باستى ستسيللا تولىقتاي تسيفرلىق تەحنولوگييا ارقىلى جاسالعان.
ال بٸركٶزدٸ پوليفەمدٸ بەينەلەۋ ٷشٸن الىپ قۋىرشاق قۇراستىرىلىپ, قوزعالىستى تٷسٸرۋ تەحنولوگيياسى پايدالانىلعان. ونىڭ بەينەسٸن جاساۋ كەزٸندە فرانسيسكو گوييانىڭ ەيگٸلٸ «ساتۋرن بالالارىن جەپ جاتىر» كارتيناسى شابىت كٶزٸ بولعان.
تسيكلوپقا قاتىستى كٶرٸنٸستەر گرەكيياداعى پەلوپوننەس ٶڭٸرٸندەگٸ اڭىزعا اينالعان نەستور ٷڭگٸرٸندە تٷسٸرٸلگەن.
7. «وديسسەيا» فيلمٸنٸڭ مۋزىكاسىنداعى ەرەكشە شەشٸم
فيلمنٸڭ مۋزىكاسىن ٷش مەرتە «وسكار» يەگەرٸ ليۋدۆيگ گورانسسون جازعان. الايدا بۇل جولى كريستوفەر نولان كومپوزيتورعا وركەستر قولدانباۋدى تاپسىرعان.
ونىڭ ورنىنا گورانسسون ەرتٷرلٸ كٶلەمدەگٸ 35 قولا گونگتىڭ ٷنٸن سينتەزاتورلارمەن ٷيلەستٸرٸپ, ەرەكشە دىبىستىق اتموسفەرا قالىپتاستىرعان. ال جىرشىنىڭ رٶلٸنە امەريكالىق رەپەر ترەۆيس سكوتت شاقىرىلعان. رەجيسسەردٸڭ پٸكٸرٸنشە, ەجەلگٸ دەۋٸردەگٸ اۋىزشا جىر ايتۋ دەستٷرٸ قازٸرگٸ رەپ مەدەنيەتٸمەن ٷندەسەدٸ.
