قر دسم قازاق ونكولوگييا جەنە راديولوگييا عىلىمي-زەرتتەۋ ينستيتۋتىنىڭ باسقارما تٶرايىمى ديليارا قايداروۆا وبىردان ەمدەلۋدەن قورىقپاۋعا شاقىردى, دەپ حابارلايدى قازاقپارات.
«ەمدەلگەندەردٸڭ كٶبٸ ٶزٸنٸڭ باستان ٶتكەرگەن پروبلەماسىن جارييا ەتۋدەن باس تارتادى. بٸزدە ونى «جامان اۋرۋ» دەيدٸ. سونىمەن قاتار, بۇل اۋرۋعا شالدىقسا دا, ٶزٸنٸڭ وتباسىنا ايتپايتىن ادامدار كەزدەسەدٸ. ادامدار ستاتيستيكانى ەستٸگەن كەزدە قاتەرلٸ ٸسٸك اۋرۋىنا بايلانىستى ٷرەيلەرٸ ارتا تٷسەدٸ. تەكسەرۋدەن بارىنشا ەرتە ٶتكەن جاعدايدا اۋرۋدى جەڭٸپ شىعۋ مٷمكٸندٸگٸ زور. سوندىقتان حالىق اۋرۋدان قورىقپاۋى تيٸس, ٶيتكەنٸ ەلٸمٸزدە وبىردان ەمدەلۋدٸڭ تيٸستٸ مٷمكٸندٸكتەرٸ بار», - دەدٸ قايداروۆا ونكولوگيياداعى دٷنيەجٷزٸلٸك كٶشباسشىلار سامميتٸندە تٸلشٸلەر ساۋالىنا جاۋاپ بەرە وتىرىپ.
ونىڭ ايتۋىنشا, 180 مىڭ ناۋقاستىڭ اراسىندا 90 مىڭى وبىردان ساۋىعىپ كەتتٸ. الايدا جىل سايىنعى ٶلٸم-جٸتٸم 15 مىڭعا جۋىق.
«تولىقتاي ساۋىعىپ كەتكەندەر 52 پايىز دەڭگەيٸندە, ولار بۇل اۋرۋدى جەڭٸپ شىققان ادامدار. ەمدەلۋشٸلەر بٸزدە بەس جىل جەنە ودان دا ارتىق مەرزٸمدە تٸركەۋدە تۇرادى », - دەدٸ د. قايداروۆا.
بۇدان بۇرىن حابارلانعانداي, بٷگٸن ەلوردادا ونكولوگيياداعى دٷنيەجٷزٸلٸك كٶشباسشىلار سامميتٸنٸڭ جۇمىسى باستالدى. شاراعا 70 ەلدەن 350 دەلەگات قاتىسىپ جاتىر.
