بەرليندەگٸ "شاريتە" كلينيكاسىندا ەمدەلٸپ جاتقان رەسەيلٸك وپپوزيتسييالىق ساياساتكەر الەكسەي ناۆالنىي ٶزٸنە "ۋ بەرۋ ٸسٸن" رەسەي تارابىمەن بٸرٸگٸپ تەرگەۋدٸ ۇسىنعان گەرمانييا پروكۋراتۋراسىنىڭ ۇسىنىسىنا قارسى بولعان. بۇل تۋرالى گەرمانييانىڭ قاۋٸپسٸزدٸك ورگانىنداعى جوعارى لاۋازىمدى رەسمي تۇلعاعا سٷيەنگەن The New York Times باسىلىمى حابارلادى.
باسىلىمنىڭ اقپارات كٶزٸنٸڭ ايتۋىنشا, جاقىندا عانا كومادان تۇرعان ناۆالنىي "ەسٸن تولىق جيعان, ٶز جاعدايىنان تولىق حاباردار".
دٷيسەنبٸ كٷنٸ فرانتسييا مەن شۆەتسييانىڭ تەۋەلسٸز زەرتحانالارى دا ناۆالنىيعا "نوۆيچوك" توبىنا جاتاتىن قاۋٸپتٸ ۋ بەرگەن دەگەن بۋندەسۆەر ماماندارىنىڭ قورىتىندىسىن راستاعان ەدٸ. وسى اقپارات شىققاننان كەيٸن بٸرنەشە ساعات ٶتكەن سوڭ گەرمانييا پروكۋراتۋرا ٶكٸلدەرٸ ناۆالنىيمەن كەزدەسكەن.
ناۆالنىيدان الىنعان تاعى بٸر سىناما ٷلگٸسٸ جاقىن كٷندەرٸ حيمييالىق قارۋعا تىيىم سالۋ جٶنٸندەگٸ ۇيىم ساراپشىلارىنىڭ زەرتحاناسىندا تەكسەرٸلەدٸ.
22 تامىزدا ومبىدان بەرليندەگٸ "شاريتە" كلينيكاسىنا اۋىستىرىلعان ناۆالنىيدىڭ قاۋٸپسٸزدٸگٸ كٷشەيتٸلگەن. ونىڭ دەنساۋلىعى بارعان سايىن جاقسارىپ كەلەدٸ, قازٸر وعان جاساندى تىنىس الۋ اپپاراتىنىڭ كٶمەگٸ قاجەت ەمەس, تٶسەكتەن ٶزدٸگٸمەن تۇرىپ, جٷرە الادى. كلينيكا تاراتقان سوڭعى مەلٸمەت وسىنداي.
گەرمانييانىڭ قاۋٸپسٸزدٸك ورگانىنىڭ ٶكٸلٸ باسىلىمعا ناۆالنىي جازىلعاننان كەيٸن رەسەيگە ورالاتىنىن ايتقان. "ول گەرمانييادا قالمايدى. ٷيٸنە, رەسەيگە ورالىپ, قىزمەتٸن جالعاستىرعىسى كەلەدٸ" دەدٸ اقپارات كٶزٸ.
ەزٸرگە رەسەيلٸك ساياساتكەر نە ونىڭ ٶكٸلٸ امەريكالىق باسىلىمدا جازىلعان مەلٸمەتكە تٷسٸنٸكتەمە بەرمەدٸ.
