6-7-جەلتوقسان كٷندەرٸ استانا قالالىق جاستار تەاترى ساحناسىندا ايبىنى دارا, «ازاتتىقتىڭ ازاپتى جولىن» سٶز ەتكەن سٷبەلٸ سپەكتاكل دٷنيە ەسٸگٸن اشتى. بۇل قويىلىم – ەدەبيەتٸمٸزدٸڭ ەۋليەسٸ سانالاتىن ەيگٸلٸ حالىق جازۋشىسى ەبٸش كەكٸلباەۆتىڭ «ابىلاي حان» حالىقتىق قاھارماندىق درامالىق داستانىن «نارتەۋەكەل» اتىمەن كٶرەرمەن قاۋىمعا ۇسىنعان تەاتر ۇجىمىنىڭ تاعىلىمدى تاريحىمىزعا دەگەن تاعزىمى! قويىلىم رەجيسسەرٸ, قازاقستاننىڭ ەڭبەك سٸڭٸرگەن قايراتكەرٸ – نۇرقانات جاقىپباي.
بۇل شىعارما – جانرلىق جاعىنان الىپ قاراساق تا, دراماتۋرگييالىق قۇرىلىم قىرىنان زەردەلەسەك تە كٷردەلٸ دە كٶركەم تۋىندى. ەبٸش كەكٸلباەۆ سەكٸلدٸ سٶزٸ ٸرٸ, ويعا ارتار جٷگٸ اۋىر الپاۋىت دارىننىڭ ارىندى اساۋ داريياداي ارقالى تۋىندىسىن ساحنا تٶرٸنەن سٶيلەتۋگە كٸمدە-كٸمنٸڭ باتىلى بارماسى انىق. ەبٸش كەكٸلباەۆتى ساحنادان سٶيلەتپەك تٷگٸلٸ, قاراپايىم وتىرىپ وقۋدىڭ ٶزٸ وراسان زور ٶرە كٷشٸن قاجەت ەتەدٸ. اق ٶلەڭمەن ارقىراي تٶگٸلگەن سارقىرامانىڭ قۋاتىنداي قۇدٸرەتتٸ تەكستتەردٸ تٸزگٸندەۋ اسا زور اكتەرلٸك كەڭ تىنىستىلىقتى تالاپ ەتەتٸنٸن بەرٸمٸز بٸلەمٸز. ەبٸش مەكتەبٸ – ەلەمٸ بٶلەك مەكتەپ.
جاستار تەاترىنىڭ جالىندى دا جاۋجٷرەك ۇجىمى تەۋەلسٸزدٸك تويىنا تالعامى تەرەڭ, سالماعى سارا سىي جاسادى. ەلٸنٸڭ تاعدىرى مەن بولاشاعىنا الاڭداعان, ەڭسەلٸ ەگەمەندٸگٸن ارمانداعان, بەكەم بٸرلٸگٸن ويلاپ, بەرەكەلٸ بيلٸگٸمەن دٷيٸم قازاققا مەشھٷر بولعان مەرەيٸ بيٸك تاريحي تۇلعانى ساحنالاۋدا كەسٸبي ساۋاتتىلىقتارىن سارقا جۇمساعان تەاتر ۇجىمىنىڭ ۇرپاق الدىنداعى ۇلاعاتتى ۇستانىمى, پەرزەنتتٸك پەيٸلدەرٸ اتقان تاڭداي ارايلانىپ, شۇعالى ويدىڭ شۋاعىن شاشقانداي.
ەل بيلەۋدٸڭ ەرەن ەڭبەك ەكەندٸگٸن, ٷلكەن سىن ەكەندٸگٸن, ول سىندى ەردٸڭ ەرٸ كٶتەرەتٸندٸگٸن سومداعان ساحناگەرلەر اۆتور جٷكتەگەن پاراساتتى پايىمنان شابىت الىپ, ابىلايداي بابامىزدىڭ الىپ تۇلعاسىنا دەگەن قۇرمەتتەرٸن پاش ەتكەن اتاۋلى قويىلىمدارىندا تەۋەلسٸزدٸكتٸڭ وڭىمىزدان وڭاي تۋا قويماعان ەلدٸگٸمٸزدٸڭ تەمٸرقازىعى ەكەندٸگٸن استارلاپ تٷيٸندەيدٸ.
كٶركەم وبرازدار. كيەلٸ سپەكتاكل. كٶڭٸلٸڭٸزگە كەرەمەت كٷي عارىشتان كەپ قۇيىلعانداي ەسەر قالدىرادى. مەڭگٸلٸك ەلدٸكتٸڭ مەنٸ جايلى تولعانساڭىز, وسى سپەكتاكلمەن دوستاسىڭىز. ەلباسىمىز ۇسىنعان «مەڭگٸلٸك ەل» ۇلتتىق ۇستانىمىنان باستاۋ العان بۇل تۋىندىنىڭ ازاماتتىق-فيلوسوفييالىق ماڭىزدىلىعىن كٶكٸرەگٸندە كٶزٸ بار كەز-كەلگەن «مەن – قازاقپىن!» دەيتٸن ويلى كٶرەرمەن كٶڭٸلٸنە بەرٸك ۇيالاتۋى تيٸس. وتانشىلدىق اسقاق ٷن, ساليقالى ەپيكالىق سارىن بار سپەكتاكلدە. «بٸز – باقىتتى ۇرپاقپىز. باقىتىمىز بوپ بۇيىرعان ازاتتىقتىڭ اسپانىندا ەركٸن قانات قاققان قاسيەتتٸ ۇرپاقپىز. بٸز – ۇلى دالا ۇرپاعىمىز!» دەپ ۇراندايدى قويىلىم. راس. رۋحى اسقاق ريياسىز سپەكتاكل وسىنداي بولسا كەرەك. «باقىتتىڭ كٸلتٸ – بٸرلٸكتە, ىنتىماقتا» دەپ ۇقتىرادى ول بٸزگە. بٸز باقىتىمىزدىڭ قادٸرٸنە جەتٸپ جٷرمٸز بە? سول تۋرالى ويلانىپ كٶردٸك پە?
سپەكتاكل – ساۋاتتى دا ساۋاپتى سپەكتاكل! ساۋاتتى دەۋٸمٸزدٸڭ سەبەبٸ – رەجيسسۋراداعى, اكتەرلٸك انسامبلدەگٸ, ستسەنوگرافييالىق سەندەۋدەگٸ, ەۋەندٸك ەرلەۋدەگٸ جاڭالىقتار جەتٸپ ارتىلادى. ساۋاپتى دەۋٸمٸزدٸڭ سەبەبٸ – باھادٷر بابانىڭ رۋحىن ارداقتاعانى, ۇلتتىڭ بٸرتۇتاستىعى تۋراسىندا ۇران تاستاعانى, اسىل مۇرات جولىنداعى ادالدىقتى تۋ ەتكەنٸ, نارتەۋەكەل ەرلٸكتٸڭ داڭقىن اسقاقتاتقانى.
قويۋشى رەجيسسيور نۇرقانات جاقىپباي – ٶزٸنە عانا تەن باعىتى بار ەكەندٸگٸن دٷيٸم ەلگە دەيٸم ۋاقىت دەلەلدەپ كەلە جاتقان دارىنى دارا سۋرەتكەر. تەاتر تارلانىنىڭ قاي قويىلىمىن ەسكە الساق تا, ونىڭ ٶزگەگە ۇقساعىسى كەلمەيتٸن ٶزٸندٸك قولتاڭباسىمەن وقشاۋلاناتىنىن تانىپ-تٷسٸنۋ ويلى مامان ٷشٸن وراسان قيىندىق تۋعىزبايتىنى بەلگٸلٸ. سپەكتاكل قۇراۋدا كٶپٸرمە كٶبٸك سٶزدەن گٶرٸ, كٶرٸكتٸ ەرەكەت پەن مازمۇندى ميزانستسەناعا باسىمدىق بەرەتٸن بٸلگٸر رەجيسسەردٸڭ «رەجيسسەر, ەڭ الدىمەن, سپەكتاكلدٸ ەستي بٸلۋٸ تيٸس» دەيتٸن ۆ.مەيەرحولدتىڭ تۇجىرىمىمەن ٷندەسەتٸن تالعامى تامسانۋعا تۇرارلىق. ول – شىنىمەن, ەڭ الدىمەن, سپەكتاكلدٸ ەستي بٸلۋٸمەن, ەر ساحنانىڭ ەلدٸ دە ەسەرلٸ بولۋىنا جول اشاتىن جوعارى ساپالى مۋزىكانى دۇرىس تاڭداۋدا بٸردەن-بٸر كٶرەگەندٸگٸمەن, سەزٸم تاكتىسىنىڭ تامىرىن تاپ باساتىن تاپقىرلىعىمەن ەرەكشەلەنەتٸن قۇلاعىنىڭ قۇدٸرەتٸ بار قايراتكەر. رەجيسسەردٸڭ سپەكتاكلدەرٸ كٶزٸڭدٸ جۇمىپ كٶرۋگە بولاتىن نەزٸك كٷشكە يە. «سوقىر كٶزدەن جاس شىعاراتىن» سۋرەتكەردٸڭ كەزەكتٸ كەسەك تۋىندىسى – وسى «نارتەۋەكەل» قويىلىمى.
«نارتەۋەكەل!» دەپ ناركەسكەن نامىستارىن جانىعان جاستار تەاترى «قۇلاساق, ناردان قۇلايىق» دەگەندەي! الايدا, ولار وسى سپەكتاكلدٸ ساحنالاۋ سىنىندا قۇلاعان جوق! قايتا, قايسارلانا تٷسكەندەي! قويۋشى سۋرەتشٸ ەرلان تۇياقوۆ, حورمەيستەرلەر گٷلميرا قۇتتىباداموۆا مەن ايدا بەيسەنوۆا, حورەگراف شىرىن مۇستافينا سەكٸلدٸ مايتالمان ماماندار تاريحي قويىلىم جانرىنىڭ تازالىعىن اقتاۋعا كٷش جۇمىلدىرىپ, قويۋشى-رەجيسسەرمەن بٸرگە جۇمىس جاساۋدا شىعارماشىلىق ٷيلەسٸمدٸلٸكتٸڭ بيٸك ٷدەسٸنەن شىعا بٸلگەن.
ابىلاي حان رٶلٸندەگٸ اكتەر ەدٸل احمەتوۆتٸڭ (مەملەكەتتٸك «دارىن» جاستار سىيلىعىنىڭ لاۋرەاتى) انىق داۋىسى, ٶلەڭ جولدارىن جەتكٸزۋدەگٸ ٶتكٸرلٸگٸ كٶرەرمەن كٶكٸرەگٸندەگٸ ٶرشٸل رۋحتى وياتقانداي. اكتەر ٶز كەيٸپكەرٸنٸڭ باھادٷرلٸگٸن عانا ەمەس, مەملەكەتتٸك ماسشتابتا, ستراتەگييالىق سالماقتا ويلانا بٸلەتٸن اقىل-پاراساتتىلىعىن دا تەرەڭ اشا تٷسكەن. باتىردىڭ سابالاق-ەبٸلمانسۇر تانىلعان جاس كەزٸن كەيٸپتەگەن اكتەر شىڭعىس جاقىپبايدىڭ جارقىن ٷنٸندە «جەتٸم بولسام دا جاسىمايمىن!» دەگەن جٸگەرلٸ جاڭعىرىق بار. ٶز كەيٸپكەرلەرٸنٸڭ كٶكەيكەستٸ ماقساتتارىن تەرەڭ تٷيسٸكپەن تٷسٸنە بٸلگەن اكتەرلەر بار ماقساتتارىن اسقاق ارمان مەن ۇلتتىق ۇلى مۇرات جولىنا باعىندىرعان باھادٷر بابانىڭ بەينەسٸن بەكەم سومداعان. كەيۋانا (بۇحار), ديۋانا (وراز اتالىق) سەكٸلدٸ كەيٸپكەرلەردٸ كەسكٸندەگەن اكتەرلەر باحىت حادجىباەۆ پەن جاندەۋلەت باتايدىڭ اراسىنداعى ساحنالىق تارتىس تا تابىستى ٶرٸلگەن. قالدان شەرٸ كەيپٸندەگٸ بەكبولات قۇرمانعوجاەۆ پەن ەبٸلمەمبەت كەيپٸندەگٸ عاني قۇلجانوۆ اكتەرلٸك شەبەرلٸكتٸڭ شىرقاۋ شىڭى سانالاتىن «كەيٸپكەرمەندٸلٸك» دەرەجەسٸنە كٶتەرٸلە بٸلگەن دەسەك ارتىق ايتقاندىق ەمەس (ەكٸ اكتەر دە «قازاقستاننىڭ ەڭبەك سٸڭٸرگەن قايراتكەرٸ» اتاعىنىڭ يەگەرلەرٸ). دەۋلەتباي رٶلٸندەگٸ مۇحتارحان ماناپتىڭ دا (قازاقستاننىڭ ەڭبەك سٸڭٸرگەن ارتيسٸ) بٸلٸكتٸ مامان ەكەندٸگٸن مويىندادىق. لاما دورجى جەنە 1-شٸ اق كيٸمدٸ ادام, ويرات ەلشٸسٸ رٶلدەرٸن ويلى ورىنداۋدا دانييار ورازاەۆ وزا شاۋىپ ٶنەر كٶرسەتسە, سىبان دورجى جەنە 2-شٸ اق كيٸمدٸ ادام, ەدٸگە شونجار رٶلدەرٸنٸڭ رەڭٸن اشۋدا ەلدوس شەيكەنوۆ الدىنا جان سالمادى. ەمٸرسانا رٶلٸندەگٸ مەيٸرعات امانگەلدين وبراز جاساۋدا تاۋداي تاباندىلىق تانىتتى. داۋاشى رٶلٸندەگٸ ازامات ەسقۇلوۆتىڭ, قالدان شەرٸنٸڭ قىزى توپىشتىڭ ەرەسەك شاعىن كەيٸپتەگەن اكتريسالار اينۇر راحيپوۆا, ايمان ەسەنقىزى ەڭبەكتەرٸن دە ەرەكشە بيٸك باعالايمىز. قالدان شەرٸنٸڭ قىزى توپىشتىڭ جاس كەزٸن كەلٸستٸ كەسكٸندەگەن شەحناز قازىحانوۆا, عازيزا مۇقاننىڭ جەنە دە قالدان شەرٸنٸڭ كٸشٸ ەيەلٸ كٷلپەشتٸڭ رٶلٸندەگٸ نازەركە سەرٸكبولوۆا, قۇندىز قانعوجينانىڭ جۇمىستارى دا جەمٸستٸ. قازاق باتىرى قابانباي مەن ويرات باتىرى شارىش رٶلدەرٸن سومداۋدا بەكجان كەرٸمباەۆتىڭ, قازاق شونجارى تۇرسىنباي باتىر مەن قوقان ەلشٸسٸ رٶلدەرٸن سومداۋدا اسلانبەك جانۇزاقوۆتىڭ, قازاق سۇلتانى مەن 1-شابارمان رٶلدەرٸن كەسكٸندەۋدە ەبۋتەلٸپ ەمٸرەنٸڭ, بوتاحان سۇلتان رٶلٸن سومداۋدا نۇرلىبەك تٶلەگەننٸڭ, جاقاي سۇلتان رٶلٸن سومداۋدا ەربول تٸلەۋكەنوۆتٸڭ, رەسەي ەلشٸسٸ مەن قىرعىز ەلشٸسٸ رٶلدەرٸن كەسكٸندەۋدە نۇربەك ەلٸبەكتٸڭ, قىتاي ەلشٸسٸ رٶلٸن بەينەلەۋدە ايسۇلتان جەليەۆتٸڭ, جاساۋىل مەن 2-شابارمان رٶلدەرٸن بەينەلەۋدە شەرحان تالعاتۇلىنىڭ اكتەرلٸك قابٸلەت-قارىمدارى ايرىقشا جارقىراي كٶرٸندٸ. قازاق تەاتر سىنىنىڭ سايىپقىرانى, ۇلاعاتتى ۇستاز ەشٸربەك سىعاي: «...ٷلكەن ٶنەر جاساۋ ٷشٸن كٶتەرٸڭكٸ كٶڭٸل-كٷي, بيٸك سەزٸم, تازا جٷرەك كەرەك. ەنٸڭ, ٷنٸڭ, سٶزٸڭ, سەزٸمٸڭ, سەنٸڭ, سالتاناتىڭ, بٸر ارنادا توعىسىپ, بەلگٸلٸ نٷكتەدە تابىسقان شابىتتى شاقتا عانا سٸز ماماندىق سىرىن مەڭگەرگەن جەڭٸمپاز, جاسامپاز ٶنەر يەسٸ اتانباقسىز» دەپ ٶسيەت ەتكەندەي, تەاتر اكتەرلەرٸ ٶنەگەلٸ ٶنەرلەرٸمەن كٶرەرمەن كٶڭٸلدەرٸن شىن تەبٸرەنتتٸ.
تەاتر ەلەمٸندە تٶڭكەرٸس جاساعان تانىمال رەجيسسەر پيتەر برۋك: «رەجيسسەر جۇمىسىنىڭ بٸر بٶلٸگٸ – اۆتوردىڭ ايتپاعىنا قانىپ, ەدەبي نۇسقانى ساحنا تٸلٸنە اۋدارۋ. «رەجيسسەر – تەكستٸڭ قۇلى» دەيدٸ. جاۋىر بولعان بۇل تەرٸس پٸكٸر العاشىندا دۇرىس بولىپ كٶرٸنەر. رەجيسسەر – اۆتورلىق ويدىڭ قۇلى. ال, بۇل دەگەنٸڭٸز تٸپتەن بٶلەك» دەيدٸ. «نارتەۋەكەل» سپەكتاكلٸنەن بايقاعانىمىز – رەجيسسەر اۆتوردىڭ ايتپاعىن اكتەرلەرگە اشىپ تٷسٸندٸرٸپ, مەجەلٸ ماقساتقا جەتە بٸلگەن. «تٸلدٸڭ تازالىعى, ٶتكٸرلٸگٸ ٷشٸن كٷرەس – مەدەنيەت قۇرالى ٷشٸن كٷرەس. بۇل قۇرال نەعۇرلىم ٶتكٸر بولسا, سوعۇرلىم دەل باعدارلانىپ, جەڭٸمپازدىق ماعىناعا يە بولادى» دەپ ورىستىڭ ۇلى كلاسسيك جازۋشىسى م.گوركيي تۇجىرىمداعانداي, ارتيستەر اۆتور ويىن كٶرەرمەنگە ۇعىنىقتى قابىلداتۋدا ديكتسييالىق دەلدٸكتەرٸن دۇرىس پايدالانا العان دەۋگە بولادى. اكتەر شەبەرلٸگٸ مەكتەبٸنٸڭ كٷردەلٸ تەتٸگٸ سانالاتىن «ەكٸنشٸ پلانمەن» ويناۋ تەوريياسىن ەسكەرگەندٸكتەرٸنەن ەرەكشە تابىستى ەڭبەككە قول سوزعان. پوەتيكالىق قويىلىمداردىڭ سٶزدٸڭ قۇلاققا سيمفونييالىق وركەستر ويناعان مۋزىكاداي ەستٸلۋٸن, ەسەر ەتۋٸن تالاپ ەتەتٸنٸن تەرەڭ تٷيسٸنە بٸلگەن ارتيستەر ساحنا تٸلٸ مەكتەبٸندەگٸ «قيسىندى پەرسپەكتيۆا ھەم بٸرتۇتاستىلىق» تەوريياسىنىڭ ۇتىمدى كەڭەستەرٸن ۇمىتپاعان. تەاتر رەجيسسۋراسى مەكتەبٸندەگٸ ۇلاعاتتى ۇستاز ي.م.تۋمانوۆ «قويىلىمدارىڭدا قانداي تەحنيكالىق جەتٸستٸكتەردٸ قولدانساڭدار دا, باستى كەيٸپكەر اكتەر ەكەندٸگٸن ۇمىتپاڭدار. ونىڭ ەڭبەگٸ مەن ورىنىن ەشتەڭە اۋىستىرا المايدى. تەاتر سونىسىمەن مەڭگٸلٸك. رەجيسسەردٸڭ بارلىق ويلاپ تاپقان ەففەكتٸلەرٸ قويىلىمنىڭ تٷپكٸ ماقساتىنا جەتۋ ٷشٸن ارپالىسىپ جٷرگەن اكتەرلەرگە قىزمەت ەتۋٸ كەرەك. ول رەجيسسەردٸڭ كٶركەمدٸك شەشٸمٸن ٸسكە اسىرۋداعى كٶپ تەسٸلٸنٸڭ بٸرٸ عانا» دەپ تٷسٸندٸرگەنٸندەي, بۇل سپەكتاكلدەگٸ بارلىق رەجيسسەرلٸك شەشٸمدەر اكتەرلەر ٸزدەنٸسٸنە دەم بەرٸپ, قويىلىمنىڭ تٷپكٸ ماقساتىن, ناقتى تاقىرىبىن دٶپ تاۋىپ, سپەكتاكل ستيلٸنە ساي ۇتىمدى قولدانىلعان.
تەاترداعى قويىلىمنىڭ كٶركەمدٸك تۇتاستىعى ۇجىمداعى ەڭبەك ەتۋشٸ ەر ادامنىڭ بەلگٸلٸ ورتاق ماقساتقا قول جەتكٸزۋگە مٷددەلٸ بولىپ, ۇيىمشىلدىقپەن ٸزدەنۋلەرٸنە تٸكەلەي بايلانىستى ەكەنٸن بەرٸمٸز تٷسٸنەمٸز. «نارتەۋەكەل» سپەكتاكلٸنٸڭ زور جەتٸستٸككە جەتۋٸنٸڭ باستى سەبەبٸ رەجيسسەر مەن ديرەكتوردان باستاپ, بٷتٸندەي شىعارماشىلىق ۇجىمنىڭ وي-ارمانىنىڭ بٸر بولۋىندا, ەتيكالىق ھەم ەستەتيكالىق كٶزقاراستارىنىڭ ورتاق مۇراتتاستىقتارىندا دەپ بٸلەمٸز. تەاتردىڭ كٶركەمدٸك جەتەكشٸسٸ نۇرقانات جاقىپباي مەن تەاتر ديرەكتورى ەرنار جۇماتاەۆتىڭ «تەاتر – شىعارماشىلىق بيٸك ماقساتتاردى جٷزەگە اسىراتىن مۇراتتاس مامانداردىڭ كيەلٸ ورىنى, قاسيەتتٸ ورداسى» دەگەن عيبراتتى ويلارى كٶڭٸل قۋانتادى. ديرەكتور ەرنار جۇماتاەۆ ٶز ٸسٸنٸڭ دارىندى مامانى ەكەندٸگٸن العاشقى اياق الىسىنان-اق انىق اڭعارتتى. تەاتردى تەورييالىق تۇرعىدان عانا ەمەس, ناقتى ٸس جٷزٸندە تەرەڭ تٷسٸنەتٸندٸگٸن دەلەلدەدٸ. مۇنىڭ بٸر سىرى ەرنار مىرزانىڭ نۇرقانات جاقىپبايداي دارا تۇلعانىڭ دەرٸستەرٸن تىڭداپ, ساحنا ساڭلاعىنىڭ شەبەرحاناسىندا تەلٸم الىپ, تەربيەلەنۋٸندە جاتسا كەرەك. «ۇستازى جاقسىنىڭ ۇستامى جاقسى» دەيدٸ دانا حالقىمىز. ۇستامدى باسشى, تالاپتى ۇيىمداستىرۋشى دەگەن اسىل قاسيەتتەر بٸر بويىندا ٷيلەسٸم تاپقان تەاتر ديرەكتورىنىڭ كٸشٸپەيٸلدٸگٸ مەن ٶز كەسٸبٸنە دەگەن ادالدىعى – ٶسكەلەڭ جاس ۇرپاققا ٶرەلٸ ٶنەگە بولماق.
ابىلاي بابامىزدىڭ اسقاق رۋحى استانا قالالىق جاستار تەاترى ساحناسىنىڭ تٶرٸندە جاڭعىردى. اتا-بابالارىمىز ۇلى مۇراتتار مەن قۇندىلىقتاردى, ەل مەن جەردٸ, تٸل مەن دٸلدٸ, دەستٷر مەن سالتتى, ەدەبي مۇرالارىمىز بەن مەدەني جەدٸگەرلەرٸمٸزدٸ بٸزگە امانات ەتكەن عوي. اماناتتى ارداقتاۋدىڭ ايبىندى نىشانى – «نەرتەۋەكەل» قويىلىمىنىڭ سەتتٸ ساحنالانۋى. «بٸزدٸڭ ماقساتىمىز – ەلٸ باقىتتى, جەرٸ گٷلدەنگەن قاسيەتتٸ وتانىمىز قازاقستاندى مەڭگٸلٸك ەل ەتۋ! رۋحى بيٸك, ەڭبەگٸ ەرەن, بٸرلٸگٸ مىعىم مەڭگٸلٸك ەل بولۋ ٷشٸن بٸزدە بەرٸ بار. تەۋەلسٸزدٸكتٸڭ تۋىن جەلبٸرەتٸپ, تۇعىرىن نىعايتقان بٸزدٸڭ تاريح الدىندا جٷزٸمٸز جارقىن! بٸزدٸڭ تٸرەگٸمٸز – تەۋەلسٸزدٸك, تٸلەگٸمٸز – تۇراقتىلىق, بٸلەگٸمٸز – بٸرلٸك!» دەپ ەلباسىمىز ن.ە.نازارباەۆ ٶز جولداۋىندا ايقىن اتاپ كٶرسەتكەنٸندەي, ٶنەگەلٸ ٶنەر جولىنداعى ٶرەلٸ ازاماتتار رەتٸندە جاستار تەاترىنىڭ جارقىن جولداۋدى قۋاتتايتىن قادامى قازاق ەلٸن رۋحاني باي قازىناسىمەن قاۋىشتىردى. استانا قالالىق جاستارى تەاترى – ٶنەر جولىندا ٶز يميدجٸن قالىپتاستىرىپ ٷلگەرگەن, ۇستانعان باعىتى بەكەم تەاتر. تالانتتى دا تالاپتى تەاتر ۇجىمى جاس ۇرپاقتى وتانسٷيگٸشتٸك, ۇلتجاندىلىق, مەملەكەتشٸلدٸك رۋحتا تەربيەلەپ, قازاق مەدەني ٶمٸرٸنٸڭ دامۋىنا ەرقاشان ٷلكەن ٷلەستەرٸن قوسىپ كەلە جاتىر دەپ ماقتانىشپەن ايتۋعا تولىق نەگٸز بار.
بالتابەك نۇرعاليەۆ, ٶنەرتانۋ ماگيسترٸ
ۇلت پورتالى
