بٷگٸن مەجٸلٸس سپيكەرٸ نۇرلان نىعماتۋليننٸڭ تٶراعالىعىمەن پالاتانىڭ جالپى وتىرىسى ٶتتٸ. وندا دەپۋتاتتار «تەحنيكالىق رەتتەۋ» تۋرالى زاڭ جوباسىن بٸرٸنشٸ وقىلىمدا ماقۇلدادى, دەپ حابارلايدى "ۇلت اقپارات" تٶمەنگٸ پالاتانىڭ باسپاسٶز قىزمەتٸنە سٸلتەمە جاساپ.
اتالعان ماڭىزدى قۇجاتتى تالقىلاۋ بارىسىندا مەجٸلٸس تٶراعاسى جاڭا زاڭ جوباسىنىڭ سالماقتى تۇستارىنا ەرەكشە نازار اۋداردى. ول بۇل زاڭ جوباسىنىڭ قازاقستاندىق نارىقتى ساپاسىز تاۋارلاردان قورعاۋعا باعىتتالعانىن ايتا كەلٸپ: «ەڭ باستىسى, ٶنٸم قاۋٸپسٸز بولۋ كەرەك. باسقا مەسەلەلەردٸ, مىسالى - ٶنٸمگە ماركيروۆكا جاساۋ, ول جاعدايدى كەسٸپكەرلەردٸڭ ٶزدەرٸ شەشەتٸن مٷمكٸندٸگٸ بار. ول ٷشٸن توۆاردى قايتارۋعا, نەمەسە ٶتكٸزبەۋگە جول بەرمەۋ كەرەك. سەبەبٸ, بۇل - كەسٸپكەرلەر ٷشٸن ٶتە ٷلكەن شىعىن», - دەپ اتاپ ٶتتٸ.
ەندٸ وسى زاڭ جوباسىنا سەيكەس, مەملەكەتتٸك باقىلاۋ ٶنٸمدٸ ٶتكٸزۋ ساتىسىندا عانا ەمەس, ونى ەلٸمٸزدٸڭ اۋماعىنا ەكەلگەنگە دەيٸن جٷرگٸزەتٸن بولادى.
«جاسىراتىنى جوق, وسىعان دەيٸن باسقاشا بولدى. مىسالى, كەز كەلگەن ٶنٸمدٸ بٸز ەڭ الدىمەن ەلگە كٸرگٸزەمٸز دە, سودان كەيٸن تەكسەرەمٸز. قاۋٸپتٸ جاعداي بولسا, سوندا عانا انىقتاۋ باستالادى. ەندٸ ٶنٸم قازاقستانعا كٸرمەي تۇرىپ, مەملەكەتتٸك باقىلاۋدان ٶتەدٸ. قاۋٸپتٸ جاعداي انىقتالسا, بٸردەن ول تاۋاردى ەرينە, قايتارامىز. بۇل - ٶتە ماڭىزدى, ٶتە قاجەتتٸ قادام. سوندىقتان بۇل نورمانى مٸندەتتٸ تٷردە قولداۋىمىز كەرەك», - دەدٸ نۇرلان نىعماتۋلين.
پالاتا سپيكەرٸنٸڭ پٸكٸرٸنشە, زاڭ جوباسىنا ەنگٸزٸلگەن تٷزەتۋلەر تۇتىنۋشىلاردى قاۋٸپتٸ تاۋارلاردان قورعاۋدى كٷشەيتەدٸ.
سونىمەن قاتار وتىرىس بارىسىندا دەپۋتاتتار جاۋاپتى مەملەكەتتٸك ورگاننىڭ باسشىسىنا بٸرقاتار سۇراقتارىن قويدى.
ەسكە سالا كەتەيٸك, زاڭ جوباسى مەملەكەت باسشىسىنىڭ جاڭا رەداكتسيياداعى تەحنيكالىق رەتتەۋ تۋرالى زاڭدى دايىنداۋ قاجەتتٸگٸ تۋرالى تاپسىرماسىن ٸسكە اسىرۋ ماقساتىندا ەزٸرلەندٸ.
