مەجٸلٸس تٶراعاسى نۇرلان نىعماتۋلين ٶزبەكستان وليي ماجليسٸ زاڭ شىعارۋشى پالاتاسى تٶراعاسىنىڭ ورىنباسارى بوريي اليحانوۆ باستاعان ٶزبەكستاننىڭ پارلامەنتتٸك دەلەگاتسيياسىن قابىلدادى, دەپ حابارلايدى "ۇلت اقپارات" مەجٸلٸستٸڭ باسپاسٶز قىزمەتٸنە سٸلتەمە جاساپ.
ن. نىعماتۋلين اتاپ ٶتكەندەي, ٶزبەكستان ورتالىق ازيياداعى قازاقستاننىڭ ماڭىزدى ستراتەگييالىق سەرٸكتەسٸ بولىپ تابىلادى جەنە ەكٸ ەل اراسىنداعى دوستىق پەن ىنتىماقتاستىق ساياساتى بۇدان ەرٸ تەرەڭدەي تٷسپەك.
مەجٸلٸس تٶراعاسىنىڭ ايتۋىنشا, ەلدەردٸڭ ٶزارا بايلانىسىنىڭ كەڭەيۋٸنە جاڭا سەرپٸن بەرگەن قازاقستان مەن ٶزبەكستان پرەزيدەنتتەرٸ نۇرسۇلتان نازارباەۆ پەن شاۆكات ميرزيەەۆتىڭ مەملەكەتتٸك ساپارلارى بولدى. مەملەكەت باسشىلارىنىڭ كەزدەسۋٸ نەتيجەسٸندە ستراتەگييالىق سەرٸكتەستٸكتٸ ودان ەرٸ تەرەڭدەتۋ جەنە تاتۋ كٶرشٸلٸكتٸ نىعايتۋ تۋرالى بٸرلەسكەن دەكلاراتسيياعا قول قويىلدى.
ن.نىعماتۋلين ٶزبەكستاننىڭ ەكٸ پالاتالى پارلامەنتٸنٸڭ قىزمەتٸندە ٶزبەك دەپۋتاتتارىنىڭ العاشقى ساپارى ەكٸجاقتى قارىم-قاتىناستاردى ودان ەرٸ دامىتۋعا وڭ ىقپال ەتەتٸنٸنە سەنٸم بٸلدٸردٸ. سونىمەن قاتار, مەجٸلٸس تٶراعاسى ەلٸمٸزدٸڭ حالىقارالىق ارەناداعى باستامالارىنا, اتاپ ايتقاندا 2017-2018 جىلدارداعى بۇۇ قك مٷشەلٸگٸ, استانادا ٶتكەن ەكسپو-2017 كٶرمەسٸنە قولداۋ كٶرسەتكەنٸ ٷشٸن العىس بٸلدٸردٸ.
سونىمەن قوسا ٶزبەكستاننىڭ پارلامەنتتٸك دەلەگاتسيياسىن مەجٸلٸستٸڭ قىزمەتٸمەن تانىستىرىپ, قازاقستان رەسپۋبليكاسى پرەزيدەنتٸنٸڭ «قازاقستان-2050» ستراتەگيياسىندا جەنە قازاقستاننىڭ ٷشٸنشٸ جاڭعىرۋى مٸندەتتەرٸن ورىنداۋ بويىنشا اتقارىلعان جۇمىستار تۋرالى ايتتى.
تاراپتار ەڭگٸمەلەسۋ بارىسىندا پارلامەنتارالىق ىنتىماقتاستىق توپتارىنىڭ ەلەۋەتٸن بەلسەندٸ پايدالانۋعا, سونداي-اق, پالاتالاردىڭ بەيٸندٸ كوميتەتتەرٸمەن تىعىز قارىم-قاتىناستا جۇمىس ٸستەۋگە شاقىردى.
جالپى پارلامەنتارالىق ىنتىماقتاستىق توپتارىنىڭ بٸرٸنشٸ بٸرلەسكەن وتىرىسىنىڭ كٷن تەرتٸبٸ ساۋدا-ەكونوميكالىق جەنە مەدەني-گۋمانيتارلىق ٶزارا ٸس-قيمىل, سۋ رەسۋرستارىن باسقارۋ مەسەلەلەرٸن تالقىلاۋعا ارنالدى.
ٶزبەكستاننىڭ پارلامەنتتٸك دەلەگاتسيياسى ساپار بارىسىندا قىزىلوردا جەنە وڭتٷستٸك قازاقستان وبلىستارىنا بارۋدى جوسپارلاعان.
