بٷگٸن مەجٸلٸس سپيكەرٸ نۇرلان نىعماتۋليننٸڭ تٶراعالىعىمەن جالپى وتىرىس ٶتتٸ. وندا دەپۋتاتتاردىڭ ٶزدەرٸ باستاماشى بولعان اۋىلدى ساپالى ينتەرنەتپەن قامتۋ تۋرالى زاڭ جوباسى بٸرٸنشٸ وقىلىمدا ماقۇلداندى, دەپ حابارلايدى تٶمەنگٸ پالاتانىڭ باسپاسٶز قىزمەتٸ.
اتالعان زاڭ جوباسىندا ەلدٸمەكەندەردٸ ۇيالى بايلانىسپەن قامتىپ, جەلٸنٸڭ ساپاسىن ارتتىرۋ ٷشٸن بايلانىس وپەراتورلارىنا تەلەكوممۋنيكاتسييالىق ينفراقۇرىلىمدى بٸرلەسٸپ پايدالانۋ ۇسىنىلادى.
وسى جٶنٸندە مەجٸلٸس تٶراعاسى نۇرلان نىعماتۋلين: «ەلٸمٸزدٸڭ تسيفرلىق دامۋ جولىندا ينتەرنەت مەسەلەسٸنٸڭ باستى نازاردا ەكەنٸن ٶزدەرٸڭٸز جاقسى بٸلەسٸزدەر. ەسٸرەسە, اۋىلدى جەرلەردٸ ساپالى ينتەرنەتپەن قامتاماسىز ەتۋ — بٷگٸنگٸ كٷننٸڭ باستى تالابى. سەبەبٸ, مەملەكەت باسشىسى قاسىم-جومارت توقاەۆ ۇلتتىق كەڭەس وتىرىسىندا بٸلٸم جەنە دەنساۋلىق سالالارىن زامانعا ساي رەفورمالاۋ تۋرالى ايتقان بولاتىن. وسى جولدا, ەرينە, تسيفرلىق جەنە ەلەكتروندىق قىزمەتتەردٸڭ قاجەتتٸلٸگٸ ٶتە ماڭىزدى», - دەدٸ.
نۇرلان نىعماتۋلين اتاپ ٶتكەندەي, وسى زاڭ جوباسى اۋىل تۇرعىندارىن ساپالى جەنە قولجەتٸمدٸ ينتەرنەتپەن قامتاماسىز ەتۋگە جاڭا سەرپٸن بەرەتٸنٸ سٶزسٸز.
جالپى, بۇل قۇجات اۋىلدىق ەلدٸمەكەندەردٸ ينتەرنەتكە كەڭجولاقتى قولجەتٸمدٸلٸكپەن قامتاماسىز ەتۋ ماقساتىندا ەزٸرلەنگەن.
سونىمەن قاتار, بايلانىس وبەكتٸلەرٸن سالۋ كەزٸندە جەر ۋچاسكەلەرٸن رەسٸمدەۋ بويىنشا رۇقسات بەرۋ رەسٸمدەرٸن وڭايلاتۋعا جەنە بايلانىس وپەراتورلارىنىڭ بارلىعىنا تەلەكوممۋنيكاتسييالىق ينفراقۇرىلىمعا تەڭ قول جەتكٸزۋ مٷمكٸندٸگٸن بەرۋگە باعىتتالعان.
