مەملەكەت باسشىسى نۇرسۇلتان نازارباەۆ لاتىن ەلٸپبيٸن ەنگٸزۋ بويىنشا سٶزدەن ٸسكە كٶشەتٸن ۋاقىت جەتكەنٸن ايتا كەلە, كەزٸندە انا تٸلٸن ۇمىتىپ قالعان كەزٸن ەسكە الدى, دەپ حابارلايدى "ۇلت اقپارات".
"نەگە, قالاي دەگەن سۇراقتاردى قويىپ, بارلىعىمىز لاتىندى ەنگٸزۋگە كٸرٸسۋٸمٸز كەرەك. كەلٸستٸك قوي, كونسەنسۋس بار, حالىقتىڭ كٶپشٸلٸگٸ توقسان بەس پايىزىنان كٶبٸ قولداپ وتىر", — دەدٸ ەلباسى جىل قورىتىندىسى بويىنشا وتاندىق بۇقارالىق اقپارات قۇرالدارىنىڭ ٶكٸلدەرٸمەن ٶتكەن كەزدەسۋدە.
مەملەكەت باسشىسىنىڭ ايتۋىنشا, حالىقتى بٸرتٸندەپ لاتىن ەلٸپبيٸنە ٷيرەتە بەرۋ كەرەك.
"قازاق تٸلدٸ باسىلىمدار بٸر-بٸر باعانادان جازا بەرٸڭٸزدەر, ەل وقي بەرسٸن. مەن ٶزٸم كابينەتتە وتىرىپ, ابايدىڭ سٶزدەرٸن جازامىن. يا دەگەندە وڭاي ەمەس, بٸراق ونشا قيىن دا ەمەس. ەپتەپ ٷيرەتە بەرۋ كەرەك. كٶشەنٸڭ, دالانىڭ اتاۋلارىن بٸرتٸندەپ لاتىن ەلٸپبيٸنە كٶشٸرەمٸز. ەل وقىپ, تٸلٸ جاتتىعادى", — دەدٸ پرەزيدەنت.
وسى جەردە نۇرسۇلتان نازارباەۆ كەزٸندە ٶزٸنٸڭ قازاق تٸلٸن ۇمىتىپ قالعان كەزٸن ەسكە الدى.
"ٶزدەرٸڭٸز بٸلەسٸزدەر, ون جەتٸ جاسىمدا قازاق مەكتەبٸن بٸتٸرٸپ, ۋكرايناعا, كەيٸن تەمٸرتاۋداعى مەتاللۋرگييا كومبيناتىنا باردىم. وسىلايشا جيىرما جىل تولىققاندى ورىس تٸلدٸ ورتادا بولىپ, تٸلدٸ ۇمىتىپ قالدىم. سودان قاراعاندىدان الماتىعا ورتالىق كوميتەتتٸڭ حاتشىسى بولىپ كەلدٸم. ماعان قازاق تٸلٸندە سٶيلەۋ كەرەك. ول كەزدە "سوتسياليستٸك قازاقستان" دەگەن گازەت بولدى عوي, سونى وقي بەر دەدٸ. قيىن بولدى, بٸراق وقىپ-وقىپ, تٸلٸم ٶز ورنىنا كەلدٸ", — دەدٸ مەملەكەت باسشىسى.
