نۇرسۇلتان نازارباەۆ رەسەي فەدەراتسيياسى ٷكٸمەتٸنٸڭ تٶراعاسى دميتريي مەدۆەدەۆپەن كەزدەستٸ, دەپ حابارلايدى "ۇلت اقپارات" اقورداعا سٸلتەمە جاساپ.
كەزدەسۋ بارىسىندا تاراپتار ەكٸ مەملەكەت اراسىنداعى ىنتىماقتاستىقتىڭ نەگٸزگٸ اسپەكتٸلەرٸن تالقىلادى.
مەملەكەت باسشىسى قازاقستان مەن رەسەي اراسىندا ٶزارا سەنٸمگە نەگٸزدەلگەن جەنە قارقىندى دامىپ كەلە جاتقان ىقپالداستىقتىڭ ستراتەگييالىق سيپاتىن اتاپ ٶتتٸ.
– جاقىندا پرەزيدەنت ۆلاديمير پۋتينمەن كەزدەستٸم. قازاقستان مەن رەسەي اراسىنداعى بايلانىستار ٷلگٸ ەتۋگە تۇرارلىق. بٸزگە وسى قارىم-قاتىناستى ساقتاۋ قاجەت, – دەدٸ نۇرسۇلتان نازارباەۆ.
سونىمەن قاتار, قازاقستان پرەزيدەنتٸ ەۋرازييا ەكونوميكالىق وداعى, ۇجىمدىق قاۋٸپسٸزدٸك شارتى ۇيىمى جەنە تمد سيياقتى حالىقارالىق ۇيىمداردىڭ اياسىندا ەكٸ ەلدٸڭ ٶزارا ىنتىماقتاستىعىن نىعايتۋ مەسەلەلەرٸنە توقتالدى.
مەملەكەت باسشىسى قازاقستان مەن رەسەي ٷكٸمەتتەرٸنٸڭ ساۋدا-ەكونوميكالىق قارىم-قاتىناستاردى جەنە ٶڭٸرارالىق بايلانىستاردى نىعايتۋ ٸسٸندە ماڭىزدى رٶل اتقاراتىنىن اتاپ ٶتٸپ, ەكٸ جاقتى ىنتىماقتاستىقتى دامىتۋعا قوسقان ٷلەسٸ ٷشٸن د.مەدۆەدەۆكە ريزاشىلىق بٸلدٸردٸ.
رەسەي فەدەراتسيياسى ٷكٸمەتٸنٸڭ تٶراعاسى ەكٸ مەملەكەت اراسىنداعى ٶزارا تيٸمدٸ قارىم-قاتىناستاردىڭ نەتيجەسٸندە قازاقستان مەن رەسەي اراسىنداعى ساۋدا كٶلەمٸ ارتقانىن ايتتى.
– قازاقستان – رەسەيدٸڭ ستراتەگييالىق سەرٸكتەسٸ ەرٸ وداقتاسى. بٸزدٸڭ قارىم-قاتىناسىمىز اۋقىمدىلىعىمەن جەنە تاريحىنىڭ تەرەڭدٸگٸمەن ەرەكشەلەنەدٸ. جوعارى دەڭگەيدە ٶتكٸزٸلەتٸن كٶپتەگەن كەزدەسۋلەر, سونداي-اق ٷكٸمەتتەرٸمٸز بەن بيزنەس قوعامداستىقتارىمىز اراسىنداعى جاقسى قارىم-قاتىناستار – سونىڭ دەلەلٸ. بٸز جىل بويى تٷرلٸ باسقوسۋلاردا جيٸ جٷزدەسەمٸز. بۇل – قۋانتارلىق جەيت. مۇنداي قاتىناستار بولمايىنشا, تولىققاندى ٶزارا ىقپالداستىق ورناتۋ مٷمكٸن ەمەس, – دەدٸ د.مەدۆەدەۆ.
