Nursultan Nazarbaev Resei Federatsiiasy Úkimetiniń tóraǵasy Dmitrii Medvedevpen kezdesti, dep habarlaidy "Ult aqparat" Aqordaǵa silteme jasap.
Kezdesý barysynda taraptar eki memleket arasyndaǵy yntymaqtastyqtyń negizgi aspektilerin talqylady.
Memleket basshysy Qazaqstan men Resei arasynda ózara senimge negizdelgen jáne qarqyndy damyp kele jatqan yqpaldastyqtyń strategiialyq sipatyn atap ótti.
– Jaqynda Prezident Vladimir Pýtinmen kezdestim. Qazaqstan men Resei arasyndaǵy bailanystar úlgi etýge turarlyq. Bizge osy qarym-qatynasty saqtaý qajet, – dedi Nursultan Nazarbaev.
Sonymen qatar, Qazaqstan Prezidenti Eýraziia ekonomikalyq odaǵy, Ujymdyq qaýipsizdik sharty uiymy jáne TMD siiaqty halyqaralyq uiymdardyń aiasynda eki eldiń ózara yntymaqtastyǵyn nyǵaitý máselelerine toqtaldy.
Memleket basshysy Qazaqstan men Resei úkimetteriniń saýda-ekonomikalyq qarym-qatynastardy jáne óńiraralyq bailanystardy nyǵaitý isinde mańyzdy ról atqaratynyn atap ótip, eki jaqty yntymaqtastyqty damytýǵa qosqan úlesi úshin D.Medvedevke rizashylyq bildirdi.
Resei Federatsiiasy Úkimetiniń tóraǵasy eki memleket arasyndaǵy ózara tiimdi qarym-qatynastardyń nátijesinde Qazaqstan men Resei arasyndaǵy saýda kólemi artqanyn aitty.
– Qazaqstan – Reseidiń strategiialyq seriktesi ári odaqtasy. Bizdiń qarym-qatynasymyz aýqymdylyǵymen jáne tarihynyń tereńdigimen erekshelenedi. Joǵary deńgeide ótkiziletin kóptegen kezdesýler, sondai-aq úkimetterimiz ben biznes qoǵamdastyqtarymyz arasyndaǵy jaqsy qarym-qatynastar – sonyń dáleli. Biz jyl boiy túrli basqosýlarda jii júzdesemiz. Bul – qýantarlyq jáit. Mundai qatynastar bolmaiynsha, tolyqqandy ózara yqpaldastyq ornatý múmkin emes, – dedi D.Medvedev.
