ەلباسى «استانا حاب» ٸت-ستارتاپتار حالىقارالىق تەحنولوگييالىق پاركٸنٸڭ رەسمي اشىلۋ رەسٸمٸنە قاتىستى, دەپ حابارلايدى "ۇلت اقپارات" اقورداعا سٸلتەمە جاساپ.
مەملەكەت باسشىسى ٸس-شارا باستالار الدىندا قازاقستاندىق ستارتاپ-كومپانييالاردىڭ جوبالارىمەن تانىسىپ, عىلىمي-زەرتتەۋ زەرتحانالارىن ارالاپ كٶردٸ, سونداي-اق IT-ۋنيۆەرسيتەتتٸڭ جۇمىسى مەن «تسيفرلىق قازاقستان» مەملەكەتتٸك باعدارلاماسىنىڭ ٸسكە اسىرىلۋ بارىسى جٶنٸندەگٸ باياندامالاردى تىڭدادى.
نۇرسۇلتان نازارباەۆ سالتاناتتى اشىلۋ رەسٸمٸندەگٸ قۇتتىقتاۋ سٶزٸندە «استانا حاب» ٸت-ستارتاپتار حالىقارالىق تەحنولوگييالىق پاركٸن رەسمي تٷردە ٸسكە قوسۋ شاراسىنا قاتىسۋشىلارعا ريزاشىلىق بٸلدٸردٸ.
– سٸزدەرمەن قوناقجاي ەرٸ جاس ەلوردامىز – استانادا جٷزدەسكەنٸمە قۋانىشتىمىن. اشىلۋ رەسٸمٸنە قاتىسىپ وتىرعان ەستونييا پرەمەر-مينيسترٸ يۋري راتاس مىرزاعا جەنە شەتەلدٸك قوناقتاردىڭ بەرٸنە العىس بٸلدٸرەمٸن. بۇل شارا تٶرتٸنشٸ ٶنەركەسٸپتٸك رەۆوليۋتسييا جاعدايىندا قازاقستان ٷشٸن ٶزەكتٸ بولىپ سانالادى, – دەدٸ ەلباسى.
قازاقستان پرەزيدەنتٸ ەلٸمٸز بەن قوعامىمىزدى ودان ەرٸ دامىتۋ ٸسٸندە تسيفرلاندىرۋ ٷدەرٸسٸنٸڭ مەنٸ زور ەكەنٸن اتاپ ٶتتٸ.
– ينتەرنەت, جاساندى ينتەللەكت, 3D-باسپا تەحنولوگييالارى جەنە بلوكچەين ادامزات ٶمٸرٸنٸڭ بٷكٸل سالاسىنا بەلسەندٸ تٷردە ەنٸپ كەلەدٸ. بۇل – قازٸرگٸ زاماننىڭ نەگٸزگٸ ٷردٸسٸ. تسيفرلاندىرۋ مەملەكەتتەردٸڭ دامۋى مەن بەسەكەگە قابٸلەتتٸلٸگٸنٸڭ ماڭىزدى فاكتورلارىنىڭ بٸرٸنە اينالدى. بٷگٸندە ەلەمنٸڭ جەتەكشٸ ەلدەرٸ, سونداي-اق ولاردىڭ G-20 جەنە ەۋروپا وداعى سيياقتى بٸرلەستٸكتەرٸ ٶزدەرٸنٸڭ تسيفرلاندىرۋ جٶنٸندەگٸ ستراتەگييالىق قۇجاتتارىن قابىلدادى, – دەدٸ مەملەكەت باسشىسى.
نۇرسۇلتان نازارباەۆ ەلٸمٸزدەگٸ تسيفرلاندىرۋ باعدارلاماسىنىڭ جٷزەگە اسىرىلۋ ٷدەرٸسٸ مەن وسى باعىتتا قول جەتكٸزٸلگەن نەتيجەلەرگە ارنايى توقتالدى.
– قازاقستان – تمد-دا مەملەكەتتٸك قىزمەت كٶرسەتۋ ٸسٸن ەلەكتروندى فورماتقا كٶشٸرۋدٸ بٸرٸنشٸ بولىپ باستاعان ەلدەردٸڭ بٸرٸ. بىلتىر قازاقستاننىڭ ٷشٸنشٸ جاڭعىرۋىنا قادام باستىق. ناقتى جەتٸستٸكتەرٸمٸز دە بار, – دەدٸ ەلباسى.
قازاقستان پرەزيدەنتٸ «استانا حاب» ٸت-ستارتاپتار حالىقارالىق تەحنولوگييالىق پاركٸ قازٸرگٸ يننوۆاتسييالىق ەكوجٷيەنٸڭ ٶزەگٸنە اينالۋعا تيٸس ەكەنٸن ايتتى.
– تەحنوپاركتىڭ جۇمىسىنا قاتىسۋشىلار جەڭٸلدەتٸلگەن ۆيزا جەنە ەڭبەك رەجٸمدەرٸن پايدالانا الادى, سونداي-اق ولارعا سالىق جەنە باسقا دا جەڭٸلدٸكتەر بەرٸلەدٸ. تەحنوپارك بازاسىندا تەلٸمگەرلٸك ينستيتۋتى قۇرىلدى. ونىڭ اياسىندا ساراپشىلار ستارتاپ-كوماندالارعا قامقورلىق جاسايتىن بولادى, – دەدٸ مەملەكەت باسشىسى.
سونىمەن قاتار, نۇرسۇلتان نازارباەۆ ٸت-تەحنولوگييالاردى دامىتۋعا تارتىلعان دارىندى جاستاردى قولداۋ قاجەتتٸگٸنە نازار اۋداردى.
– بٸزگە ٸت-تالانتتاردىڭ جاڭا بۋىنىن قالىپتاستىرۋ كەرەك. باستى ماقساتىمىز – اقىلدى ەرٸ قابٸلەتتٸ بالالارعا كٶمەك كٶرسەتۋ. بٸز جەكە باستامالاردى, باعدارلاما جاساۋ مەكتەپتەرٸن, روبوتتىق تەحنيكا مەن كيبەر-سپورتقا قاتىستى سپارتاكيادالار مەن وليمپيادالاردى جان-جاقتى قولدايمىز. جوعارى وقۋ ورىندارىندا وقۋ باعدارلامالارى جاڭارتىلدى, – دەدٸ قازاقستان پرەزيدەنتٸ.
سونداي-اق, ەلباسى قازاقستاندا بيزنەستٸ جەبەۋشٸلەر كلۋبىن (QazAngels), ۆەنچۋرلٸك كاپيتاليستەر قاۋىمداستىعىن جەنە بٸرلەسە ينۆەستيتسييالاۋ قورىن قۇرۋ مەسەلەسٸ جٶنٸندە ايتتى.
سوڭىندا نۇرسۇلتان نازارباەۆ بارشا جۇرتتى يننوۆاتسييالار مەن تسيفرلىق تەحنولوگييالاردى دامىتۋ ٸسٸنە بەلسەنە اتسالىسۋعا شاقىرىپ, بۇل سالانى ٸلگەرٸلەتۋ ٷشٸن زور مٷمكٸندٸكتەر بار ەكەنٸن اتاپ ٶتتٸ.
