دٸن ٸستەرٸ جەنە ازاماتتىق قوعام مينيسترٸ نۇرلان ەرمەكباەۆ "استانا" ارناسىنا سۇحبات بەرٸپ, ەلدەگٸ دٸني احۋال تٶڭٸرەگٸندە سٶز قوزعادى.
"مەملەكەت باسشىسى دٸن سالاسىندا ورىن الىپ وتىرعان مەسەلەلەردٸ شەشۋدٸڭ پەرمەندٸ جولىن تابۋدى تاپسىردى. زاڭنامالىق ٶزگەرٸستەرگە كەلەر بولساق, ەڭ الدىمەن مەملەكەتتٸڭ دٸن سالاسىنا كٶزقاراسىنىڭ جٷيەسٸن قالىپتاستىرۋ كەرەك دەپ ەسەپتەيمٸز. وسىعان بايلانىستى ەڭ الدىمەن مينيسترلٸك سول مەملەكەتتٸك دٸن سالاسىنداعى ساياساتتىڭ تۇجىرىمداماسىن ەزٸرلەدٸ. بۇل تۇجىرىمداما كٶپتەگەن ساراپشىلار مەن دٸنتانۋشىلاردىڭ وي-پٸكٸرلەرٸن, ۇسىنىستارىن ەسكەرٸپ, كەڭ تالقىلاۋدان ٶتتٸ. قازٸر تۇجىرىمداما دايىن, جاقىن ارادا ٷكٸمەتتٸڭ تالقىلاۋىنان ٶتٸپ, بەكٸتٸلەتٸن بولادى دەپ ٷمٸتتەنەمٸز. دٸن سالاسىنداعى مەملەكەتتٸك ساياساتتىڭ تۇجىرىمداماسى بولاشاق زاڭدارعا ٶزگەرتۋلەر نەگٸزٸ بولادى", - دەيدٸ نۇرلان مىرزا.
بۇل رەتتە ەلدە دەستٷرلٸ ەمەس دٸني اعىمداردىڭ تارالۋىنا بايلانىستى تۋىنداعان بٸرقاتار پروبلەمالالارعا توقتالدى.
"قازٸر بٸز دەسترۋكتيۆتٸ اعىم دەپ كەز كەلگەن راديكالدى فاناتيزمگە نەگٸزدەلگەن, قازاقستانعا جات جات دٸني اعىمداردى ايتىپ وتىرمىز. بٸراق ولاردىڭ ٸشٸندە قازٸرگٸ تاڭدا ەڭ ٶزەكتٸ - ول سالافيزم دەگەن راديكالدى اعىم. دەسترۋكتيۆتٸ دٸني اعىم, مىسال ٷشٸن سالافيزم بولسىن, ولار قاتەلٸك دٸني تٷسٸنٸكتەردٸ بٸزدٸڭ تاريحي دەستٷرلەرٸمٸزدەن, مەدەنيەتٸمٸزدەن, بٸزدٸڭ حالقىمىزدىڭ كٶپ ەتنوستى, كونفەسسييالىق سيپاتىنان جوعارى قويادى. ولار تەك شاريعاتقا, باياعى ەجەلگٸ دٸني تالاپتارعا نەگٸزدەلگەن مەملەكەتتٸڭ قۇرىلىسىن دۇرىس جٷيە دەپ ەسەپتەيدٸ. مۇنداي شەتٸن يدەيالار سان عاسىرلىق تاريحىمىزعا, سان عاسىرلىق مەدەنيەتٸمٸزگە قايشى كەلەتٸنٸ سٶزسٸز. شەتەلدەردەن بەلگٸلٸ بٸر شەيحتەردەن سيگنال كەلسە, ول كەز كەلگەن ۋاقىتتا قولعا قارۋ الىپ, ٶز جەرلەستەرٸنە, ٷكٸمەتكە, مەملەكەتكە قارسى شىعا الادى. سوندىقتان ولارعا سەنٸم دەگەن جوق. مينيسترلٸك مەملەكەتتٸك قۇزىرلى ورگاندارمەن بٸرلەسٸپ, زاڭسىز ۋاعىز جٷرگٸزٸپ, زاڭىز ەدەبيەت تاراتىپ, زاڭسىز دٸني جيىندارعا جول بەرمەۋ باعىتىندا كەشەندٸ جۇمىستار اتقارىلىپ كەلەدٸ", - دەدٸ مينيستر.
سونداي-اق, جٷرگٸزٸلٸپ جاتقان جۇمىستارعا توقتالىپ, مينيسترلٸكتٸڭ الداعى باعىت-باعدارى تۋراسىندا ايتىپ بەردٸ.
"ەكٸ باعىتتا جۇمىس جٷرگٸزٸلٸپ كەلەدٸ. دٸن سالاسىنا قاتىستى دۇرىس سيپاتتاعى بٸلٸم بەرۋ. ەكسترەميستٸك يدەولوگييانى جاقتىرمايتىن كٶزقاراس قالىپتاستىرۋ. ەكٸنشٸ باعىت - ول ماقساتتى رەابيليتاتسييالاۋ. ول ەڭ الدىمەن ەكسترەميزم ٷشٸن سوتتالعان جازاسىن ٶتەۋشٸ مەن ولاردىڭ وتباسى مٷشەلەرٸمەن جۇمىس جٷرگٸزۋ. 2016 جىلدىڭ ٸشٸندە 70 ادام بۇرىنعى قاتەلٸك دٸني كٶزقاراستان, دٸني رايىنان قايتتى. 150 ادام قاتەلٸك دٸني سەنٸمگە كٷمەنداندى", - دەدٸ ول.
نۇرلان ەرمەكباەۆ شەت ەلدە دٸني بٸلٸم الۋعا كەتكەن جاستار حاقىندا دا ٶز ويىن ورتاعا سالدى.
"شەتەلدە جەكەلەگەن دٸني بٸلٸم بەرۋ وقۋ ورىندارىنا كەتكەن, ٶز بەتتەرٸمەن كەتكەن جاستاردىڭ راديكالدى دٸني اعىمنىڭ ىقپالىنا تٷسۋٸ ەبدەن مٷمكٸن. شەتەلدەردەگٸ تٷرلٸ دٸني بٸلٸم بەرۋ يەلەرٸ سولار ارقىلى قوعامدى باسقارۋدى قالايدى. سوندىقتان بٸزدٸڭ ۇسىنىسىمىز, جاستار ەگەر شەتەلگە دٸني بٸلٸم الۋعا بارعىلارى كەلسە, ولار الدىمەن قازاقستان مۇسىلماندارى دٸني باسقارماسىنداعىلارمەن اقىلداسىپ, جولداما الىپ, شەتەلگە بارسا بولار ەدٸ. ەگەر ٶز بەتتەرٸمەن شەتەلگە بارىپ بٸلٸم السا, قمدب ولاردى جۇمىسقا قابىلدامايدى", دەيدٸ بۇل رەتتە.
