توكيو وليمپياداسىنىڭ قولا جٷلدەگەرٸ نۇريسلام ساناەۆ مەملەكەت تاراپىنان بەرٸلەتٸن قوماقتى سىياقىنى مۇقتاج وتباسىلار مەن ناۋقاس بالالاردىڭ ەمٸنە جۇمساماق. بۇل تۋرالى سپورتشى جەلٸدەگٸ پاراقشاسىندا جازدى, دەپ حابارلايدى "ۇلت اقپارات".
«مەن ەس بٸلگەلٸ قيىنشىلىقتى, جوقشىلىقتى كٶرٸپ ٶستٸم. سول كەزدەگٸ بالا ارمان مەنٸ بيٸك بەلەستەرگە جەتەلەدٸ. ەڭ العاش سپورتقا قادام باسقاندا وليمپيادادا توپ جارىپ, مۇقتاج جاندارعا كٶمەكتەسۋ ارمانىم بولاتىن. بٷگٸن دە سول ارمانىما قول جەتكٸزٸپ وتىرمىن. مەملەكەت تاراپىنان ماعان بەرٸلەتٸن قوماقتى سىياقىنى مەن مۇقتاج وتباسىلار مەن ناۋقاس بالالاردىڭ ەمٸنە جۇمساماقپىن. ەلٸمٸزدە باقىتتى وتباسىلاردىڭ سانى كٶپ بولسىن!», - دەپ جازدى سپورتشى جەلٸدە.
ەسكە سالساق, توكيو وليمپياداسىندا ەركٸن كٷرەستەن 57 كەلٸگە دەيٸنگٸ سالماقتا قازاقستاندىق نۇريسلام ساناەۆ قولا جٷلدەگەر اتاندى. سپورتشىعا اقتٶبە وبلىسىنىڭ ەكٸمٸ وڭداسىن ورازالين پەتەر كٸلتٸن تابىس ەتتٸ.
