شىمكەنتتە 21 جاستاعى نۇراي سەرٸكبايدىڭ ٶلٸمٸنە قاتىستى سوت پروتسەسٸ اياقتالىپ, شەرحان ايماحان ٶمٸر بويىنا باس بوستاندىعىنان ايىرىلدى. سونىمەن قاتار سوت ودان جەبٸرلەنۋشٸ تاراپتىڭ پايداسىنا 30 ملن تەڭگە ٶندٸردٸ, دەپ حابارلايدى ult.kz شىمكەنت قالاسىنىڭ سوتتارىنا سٸلتەمە جاساپ.
سوت مەلٸمەتٸنشە, ول نۇرايعا 35 رەت پىشاق جاراقاتىن سالعان. العان اۋىر جاراقاتتارىنىڭ سالدارىنان جەبٸرلەنۋشٸ قازا تاپقان.
سوت شەرحان ايماحاندى قىلمىستىق كودەكستٸڭ بٸرقاتار باپتارى بويىنشا كٸنەلٸ دەپ تانىپ, قىلمىستاردىڭ جيىنتىعى بويىنشا ٶمٸر بويىنا باس بوستاندىعىنان ايىرۋ جازاسىن تاعايىندادى.
سونىمەن قاتار جەبٸرلەنۋشٸ تاراپتىڭ ازاماتتىق تالاپ-ارىزى ٸشٸنارا قاناعاتتاندىرىلدى. سوتتالۋشىدان:
- 25 ملن تەڭگە – مورالدىق زييان ٷشٸن;
- 5 ملن تەڭگە – ادۆوكات قىزمەتٸنە كەتكەن شىعىن رەتٸندە ٶندٸرٸلدٸ.
وسىلايشا, جالپى 30 ملن تەڭگە ٶتەماقى تٶلەۋگە مٸندەتتەلدٸ.
سوت ٷكٸمٸ ەزٸرگە زاڭدى كٷشٸنە ەنگەن جوق.
ايتا كەتەيٸك, مارقۇمنىڭ وتباسى ايىپتالۋشى تاراپتان 10 ملرد تەڭگە كٶلەمٸندە مورالدىق جەنە ماتەريالدىق ٶتەماقى تالاپ ەتكەن ەدٸ.
