قازاقستاندىقتار نۇر-سۇلتان مەكتەبٸندە بالالارعا جاسىرىن ەكپە ەگٸلدٸ دەگەن اقپارات تاراتىپ جاتىر. قالالىق بٸلٸم باسقارماسى بۇل جالعان اقپارات ەكەنٸن ايتتى, - دەپ حابارلايدى Tengrinews.kz تٸلشٸسٸ.
بۇعان دەيٸن جەلٸدە بٸرنەشە ەيەل مەكتەپتەردٸڭ بٸرٸنٸڭ سپورت زالىنا قالاي كٸرگەنٸ كٶرسەتٸلگەن ۆيدەو جارييالانعان. ۆيدەو اۆتورى ٶزٸ جۋرناليست, ال جانىنداعى دەرٸگەر اينا باكەەۆا ەكەنٸن العا تارتادى. سونىمەن قاتار, ۆيدەودا "بالالارعا اتا-اناسىنىڭ رۇقساتىنسىز ۆاكتسينا سالىندى" دەگەن داۋىس ەستٸلەدٸ.
بالالارعا جاسىرىن ەكپە سالىندى دەگەن جالعان اقپارات مەسسەندجەرلەر ارقىلى تارالعان, دەپ جازادى StopFake.
بۇل اقپاراتقا قاتىستى استانالىق بٸلٸم باسقارماسىنىڭ باسپاسٶز قىزمەتٸ پٸكٸر بٸلدٸردٸ. ۆەدومستۆو مەلٸمەتٸنشە, №58 مەكتەپ-گيمنازيياسىنا ٷش ەيەل كەلٸپ, ديرەكتورمەن كەزدەسۋدٸ سۇراعان.
"باستاپقىدا ٷشەۋٸ دە ٶزٸن مەكتەپ وقۋشىلارىنىڭ اتا-اناسىمىز دەپ تانىستىرعان. ۆاحتاعا تٸركەلگەننەن كەيٸن ولار مٸندەتتٸ تٷردە بەتپەردە تاعۋ جەنە Ashyq قوسىمشاسى ارقىلى مەرتەبەنٸ تەكسەرۋ تالاپتارىن ەلەمەگەن.
باكەەۆا مەكتەپ اۋماعىندا جانجال شىعاردى. باكەەۆا جەنە بٸرگە كەلگەن ەكٸ تۇرعىننىڭ باستى ماقساتى – مەكتەپتەردە بالالارعا مٸندەتتٸ ۆاكتسيناتسييا جٷرگٸزٸلدٸ دەگەن تاقىرىپپەن ەلەۋمەتتٸك جەلٸلەردە دٷربەلەڭ تۋدىرۋ. بٸز مۇنداي اقپاراتتىڭ جالعان ەكەنٸن بٸرنەشە رەت حابارلاعانبىز", - دەدٸ ۆەدومستۆو ٶكٸلدەرٸ.
ۆەدومستۆو مەلٸمەتٸنشە, دەنە شىنىقتىرۋ ساباعىنان كەيٸن 9-سىنىپ وقۋشىسىنىڭ جاعدايى ناشارلاعان.
"وسى كەزدە مەكتەپ مەدبيكەسٸ وقۋشىعا كٶمەك كٶرسەتتٸ, بٸراق باكەەۆا ەرەجەلەردٸ بۇزىپ, ٶزٸن وقۋشىعا جٸبەرۋدٸ تالاپ ەتكەن. ول ۆيدەوعا تٷسٸرمەۋ تۋرالى ٶتٸنٸشتٸ ەلەمەدٸ, ال بۇل - بالانىڭ قۇقىعىن بۇزۋ. مەكتەپتٸڭ كەزەكشٸ دەرٸگەرٸ وقۋشىعا العاشقى كٶمەك كٶرسەتتٸ.
باكەەۆا جەنە ونىمەن بٸرگە جٷرگەن ادامداردىڭ دٶرەكٸ قىلىعى ەسكەرٸلٸپ, مەكتەپكە پوليتسييا شاقىرىلدى. ولاردىڭ زاڭسىز ەرەكەتٸ بويىنشا پوليتسيياعا ارىز جازىلدى", - دەپ تولىقتىردى باسپاسٶز قىزمەتٸ ٶكٸلدەرٸ.
ۆەدومستۆو مەكتەپتەردە بالالارعا ەكپە ەگٸلەتٸنٸ تۋرالى اقپارات جالعان ەكەنٸن مەلٸمدەدٸ.
"بٸلٸم بەرۋ ۇيىمدارىندا بالالارعا كوروناۆيرۋسقا قارسى ەكپە سالۋ جٷرگٸزٸلمەدٸ جەنە جٷرگٸزٸلمەيدٸ", - دەلٸنگەن حابارلامادا.
