Qazaqstandyqtar Nur-Sultan mektebinde balalarǵa jasyryn ekpe egildi degen aqparat taratyp jatyr. Qalalyq bilim basqarmasy bul jalǵan aqparat ekenin aitty, - dep habarlaidy Tengrinews.kz tilshisi.
Buǵan deiin Jelide birneshe áiel mektepterdiń biriniń sport zalyna qalai kirgeni kórsetilgen video jariialanǵan. Video avtory ózi jýrnalist, al janyndaǵy dáriger Aina Bakeeva ekenin alǵa tartady. Sonymen qatar, videoda "balalarǵa ata-anasynyń ruqsatynsyz vaktsina salyndy" degen daýys estiledi.
Balalarǵa jasyryn ekpe salyndy degen jalǵan aqparat messendjerler arqyly taralǵan, dep jazady StopFake.
Bul aqparatqa qatysty astanalyq bilim basqarmasynyń baspasóz qyzmeti pikir bildirdi. Vedomstvo málimetinshe, №58 mektep-gimnaziiasyna úsh áiel kelip, direktormen kezdesýdi suraǵan.
"Bastapqyda úsheýi de ózin mektep oqýshylarynyń ata-anasymyz dep tanystyrǵan. Vahtaǵa tirkelgennen keiin olar mindetti túrde betperde taǵý jáne Ashyq qosymshasy arqyly mártebeni tekserý talaptaryn elemegen.
Bakeeva mektep aýmaǵynda janjal shyǵardy. Bakeeva jáne birge kelgen eki turǵynnyń basty maqsaty – mektepterde balalarǵa mindetti vaktsinatsiia júrgizildi degen taqyryppen áleýmettik jelilerde dúrbeleń týdyrý. Biz mundai aqparattyń jalǵan ekenin birneshe ret habarlaǵanbyz", - dedi vedomstvo ókilderi.
Vedomstvo málimetinshe, dene shynyqtyrý sabaǵynan keiin 9-synyp oqýshysynyń jaǵdaiy nasharlaǵan.
"Osy kezde mektep medbikesi oqýshyǵa kómek kórsetti, biraq Bakeeva erejelerdi buzyp, ózin oqýshyǵa jiberýdi talap etken. Ol videoǵa túsirmeý týraly ótinishti elemedi, al bul - balanyń quqyǵyn buzý. Mekteptiń kezekshi dárigeri oqýshyǵa alǵashqy kómek kórsetti.
Bakeeva jáne onymen birge júrgen adamdardyń dóreki qylyǵy eskerilip, mektepke politsiia shaqyryldy. Olardyń zańsyz áreketi boiynsha politsiiaǵa aryz jazyldy", - dep tolyqtyrdy baspasóz qyzmeti ókilderi.
Vedomstvo mektepterde balalarǵa ekpe egiletini týraly aqparat jalǵan ekenin málimdedi.
"Bilim berý uiymdarynda balalarǵa koronavirýsqa qarsy ekpe salý júrgizilmedi jáne júrgizilmeidi", - delingen habarlamada.
