قر ەكولوگييا, گەولوگييا جەنە تابيعي رەسۋرستار مينيسترلٸگٸ ورمان شارۋاشىلىعى جەنە جانۋارلار ەلەمٸ كوميتەتٸ ەلوردا كٶشەلەرٸندە جٷرگەن ور قويانعا قاتىستى ۆيدەوعا پٸكٸر بٸلدٸردٸ, دەپ حابارلايدى "ۇلت اقپارات".
ەلەۋمەتتٸك جەلٸدە مينيسترلٸكتەر ٷيٸنٸڭ ماڭىندا جٷرگەن قويان تۋرالى ۆيدەو تارادى. ۆيدەو اۆتورى كارانتيننٸڭ تابيعاتقا وڭ ەسەر ەتٸپ جاتقانىن, اڭ-قۇستاردىڭ ادامنان قورىقپايتىنىن ايتادى.
«شىن مەنٸندە تابيعاتتىڭ جاندانۋىنا كارانتيننٸڭ ەش قاتىسى جوق. قويان, تٷلكٸ, ەلٸك سىندى جابايى اڭدار استانامىزدا باياعىدان بار», - دەپ جاۋاپ بەردٸ ورمان شارۋاشىلىعى جەنە جانۋارلار ەلەمٸ كوميتەتٸنٸڭ باسپاسٶز حاتشىسى سەكەن دٸلداحمەت.
ونىڭ ايتۋىنشا, مينيسترلٸكتەر ٷيٸنٸڭ ارتىندا, اقوردا جاقتا شاعىن ورمان بار. ۆيدەوداعى قويان سول ورماننان كەلۋٸ مٷمكٸن.
«نۇر-سۇلتاندا اڭ-قۇستىڭ تٷر-تٷرٸ بار. 1997 جىلى ەلوردانىڭ جاسىل بەلدەۋٸ قۇرىلا باستادى جەنە ەلباسىنىڭ جىل سايىن تابيعاتقا قىرعاۋىل مەن ەلٸك جٸبەرۋٸ دەستٷرگە اينالدى. ەسٸل ٶزەنٸندە سپورتتىق بالىق اۋلاۋدى دامىتۋ, ٶزەندەر جٷيەسٸن ساقتاۋ ٷشٸن جىل سايىن 200 مىڭ شاباق جٸبەرەمٸز. ودان بٶلەك, سۋ بەتٸنە اققۋ, قاز, قوقيقازدار ۋاقىتشا قوناقتايدى. قالا ٸشٸ نەعۇرلىم ورمانعا تولسا, سوعۇرلىم ەكولوگييالىق تەڭگەرٸم ساقتالادى», - دەدٸ سەكەن دٸلداحمەت.
ايتا كەتەيٸك, اگەنتتٸك تٸلشٸسٸ «ۆيدەو اۆتورى كارانتين كەزٸندە قىدىرىپ جٷرگەنٸ ٷشٸن جاۋاپقا تارتىلۋى مٷمكٸن بە?» دەگەن سۇراقتى پوليتسييا دەپارتامەنتٸنە قويعان ەدٸ.
«ەگەر شىن مەنٸندە قىدىرعان بولسا, ەرينە جاۋاپقا تارتىلادى. بٸراق, قازٸرگٸ ۋاقىتتا ول كٸسٸ (ۆيدەو اۆتورى - رەد.) تۋرالى مەلٸمەت جوق», - دەدٸ نۇر-سۇلتان قالالىق پوليتسييا دەپارتامەنتٸنٸڭ باسپاسٶز حاتشىسى ەلميرا شەۋلەنوۆا.
