19 جاستاعى بويجەتكەننٸڭ دەنەسٸ ەسٸل ٶزەنٸنەن تابىلدى, دەپ حابارلايدى "ۇلت اقپارات" نۇر-سۇلتان قالالىق پوليتسييا دەپارتامەنتٸنٸڭ باسپاسٶز قىزمەتٸنە سٸلتەمە جاساپ.
پوليتسيياعا قىزدىڭ اناسى ونىڭ جوعالعانىن ايتىپ, شاعىم تٷسٸرگەن. بويجەتكەن وسى جىلدىڭ 19 قىركٷيەگٸندە ساعات 11:00-دە ٷيٸنەن شىعىپ كەتٸپ, قايتا ورالماعان. ونى ٸزدەۋگە نۇر-سۇلتان قالالىق پوليتسييا دەپارتامەنتٸنٸڭ جەكە قۇرامى, ۇلتتىق ۇلاننىڭ جەكە قۇرامى, ەرٸكتٸلەر كٸرٸسكەن. سوڭعى رەت قىزدى باراەۆ كٶشەسٸنە قاراي كٶپٸردەن كٶرگەنٸ انىقتالدى. ونى ٸزدەۋگە سٷڭگۋٸرلەر توبى دا تارتىلدى.
«وسى جىلدىڭ 22 قىركٷيەگٸندە ساعات 11:20-دا پوليتسييا قىزمەتكەرلەرٸ تجم جەدەل-قۇتقارۋ جاساعىمەن بٸرگە ەسٸل ٶزەنٸنەن قىزدىڭ دەنەسٸن تاپتى. اتالعان فاكتٸ بويىنشا قىلمىستىق ٸس قوزعالىپ, سوت-مەديتسينالىق ساراپتاما تاعايىندالدى. وقيعانىڭ مەن-جايى انىقتالىپ جاتىر», - دەپ تٷسٸندٸردٸ ۆەدومستۆونىڭ باسپاسٶز قىزمەتٸنەن.
