19 jastaǵy boijetkenniń denesi Esil ózeninen tabyldy, dep habarlaidy "Ult aqparat" Nur-Sultan qalalyq Politsiia departamentiniń baspasóz qyzmetine silteme jasap.
Politsiiaǵa qyzdyń anasy onyń joǵalǵanyn aityp, shaǵym túsirgen. Boijetken osy jyldyń 19 qyrkúieginde saǵat 11:00-de úiinen shyǵyp ketip, qaita oralmaǵan. Ony izdeýge Nur-Sultan qalalyq Politsiia departamentiniń jeke quramy, Ulttyq ulannyń jeke quramy, eriktiler kirisken. Sońǵy ret qyzdy Baraev kóshesine qarai kópirden kórgeni anyqtaldy. Ony izdeýge súńgýirler toby da tartyldy.
«Osy jyldyń 22 qyrkúieginde saǵat 11:20-da politsiia qyzmetkerleri TJM jedel-qutqarý jasaǵymen birge Esil ózeninen qyzdyń denesin tapty. Atalǵan fakti boiynsha qylmystyq is qozǵalyp, sot-meditsinalyq saraptama taǵaiyndaldy. Oqiǵanyń mán-jaiy anyqtalyp jatyr», - dep túsindirdi vedomstvonyń baspasóz qyzmetinen.
