نۇر-سۇلتاندا ٶزبەكستان ازاماتى ناماز ۋاقىتى كەزٸندە ۇرلىق جاساعان, – دەپ حابارلايدى Polisia.kz.
"22 جاستاعى ميگرانت ەلورداعا ماۋسىم ايىنىڭ سوڭىندا كەلٸپ, مەشٸتتە ۇرلىق جاساعان. شەتەلدٸك ازاماتتىڭ ۇرلىققا بايلانىستى التى دەرەككە قاتىسى بار, ۇرلانعانداردىڭ ٸشٸندە اقشا مەن ۇيالى تەلەفوندار بولعان.
كٷدٸكتٸ جاساعان قىلمىستارىنىڭ بەينەباقىلاۋ كامەرالارىنا تٷسٸپ قالعانىن بٸلمەگەن. بەينەتاسپالاردان ونىڭ ۇياشىقتاردان كەلۋشٸلەردٸڭ سٶمكەلەرٸن الىپ, ۇرلىق جاساعانىن كٶرۋگە بولادى.
جەدەل-ٸزدەستٸرۋ ٸس-شارالارى بارىسىندا شەتەلدٸك ازامات ۇستالىپ, قاماۋعا الىندى. جٸگٸت كٸنەسٸن مويىندادى, پوليتسەيلەر زاتتاي ايعاق رەتٸندە تٶرت تەلەفون تەركٸلەدٸ" - دەلٸنگەن حابارلامادا.
اتالعان فاكتٸگە بايلانىستى قر قك-نٸڭ 188-بابى (ۇرلىق) بويىنشا سوتقا دەيٸنگٸ تەرگەۋ امالدارى جٷرگٸزٸلٸپ جاتىر.
نۇر-سۇلتان قالاسىنىڭ پوليتسييا دەپارتامەنتٸ ۇيىمدارعا قوعامدىق ورىنداردا قاۋٸپسٸزدٸك شارالارىن كٷشەيتۋدٸ ۇسىنادى. ازاماتتار ساق بولىپ, باعالى زاتتاردى قاراۋسىز قالدىرماۋى كەرەك.
