Nur-Sultanda Ózbekstan azamaty namaz ýaqyty kezinde urlyq jasaǵan, – dep habarlaidy Polisia.kz.
"22 jastaǵy migrant elordaǵa maýsym aiynyń sońynda kelip, meshitte urlyq jasaǵan. Sheteldik azamattyń urlyqqa bailanysty alty derekke qatysy bar, urlanǵandardyń ishinde aqsha men uialy telefondar bolǵan.
Kúdikti jasaǵan qylmystarynyń beinebaqylaý kameralaryna túsip qalǵanyn bilmegen. Beinetaspalardan onyń uiashyqtardan kelýshilerdiń sómkelerin alyp, urlyq jasaǵanyn kórýge bolady.
Jedel-izdestirý is-sharalary barysynda sheteldik azamat ustalyp, qamaýǵa alyndy. Jigit kinásin moiyndady, politseiler zattai aiǵaq retinde tórt telefon tárkiledi" - delingen habarlamada.
Atalǵan faktige bailanysty QR QK-niń 188-baby (Urlyq) boiynsha sotqa deiingi tergeý amaldary júrgizilip jatyr.
Nur-Sultan qalasynyń Politsiia departamenti uiymdarǵa qoǵamdyq oryndarda qaýipsizdik sharalaryn kúsheitýdi usynady. Azamattar saq bolyp, baǵaly zattardy qaraýsyz qaldyrmaýy kerek.
