فوتو: Tengrinews.kz/تۇرار قازانعاپوۆ
نۇر-سۇلتاندا قازاقستان مەن ورتالىق ازيياداعى ەڭ ٷلكەن مەشٸتتٸڭ سالتاناتتى اشىلۋى ٶتتٸ, - دەپ حابارلايدى Tengrinews.kz اگەنتتٸگٸ.
جاڭا مەشٸت قابانباي باتىر داڭعىلى مەن مەڭگٸلٸك ەل اراسىنداعى اۋماقتا, حۋسەين بەن تالال كٶشەسٸ ماڭىندا ورنالاسقان.
كٶك تٷستٸ باس كٷمبەزدٸڭ بيٸكتٸگٸ 83,2 مەترگە جۋىق, ديامەترٸ 62 مەتر بولادى.
Hill International كومپانيياسىنىڭ مەنەدجەرٸ الەكساندر ارتەمەنكو مەشٸتتەگٸ كٷمبەز قۇرىلىم تٷرٸ بويىنشا ەلەمدەگٸ ەڭ ٷلكەن كٷمبەز ەكەنٸن ايتتى.
تٶرت مۇنارا بيٸكتٸگٸ - 130 مەتر. ەر مۇنارا بەس بٶلٸكتەن تۇرادى, ولار يسلامنىڭ بەس تٸرەگٸ - يمان, ناماز, ورازا, زەكەت جەنە قاجىلىقتى بەينەلەيدٸ. سول قاناتتاعى بٸر مۇنارا كەلۋشٸلەرگە اشىلدى. قوناقتار ليفتپەن كٶتەرٸلٸپ, كٶرٸنٸستٸ تاماشالاي الادى.
مەشٸتتٸڭ كٸرەبەرٸس ەسٸگٸ ەلەمدەگٸ ەڭ بيٸك اعاش ەسٸكتەردٸڭ بٸرٸ سانالادى. ول تروپيكالىق افريكادا ٶسەتٸن يروكو قاتتى اعاشىنان قولمەن جاسالعان. ونىڭ بيٸكتٸگٸ - 12,4 مەتر, سالماعى - بٸر جارىم توننا. ەسٸكتەرٸ قازاقى ٶرنەكتەرمەن بەزەندٸرٸلگەن. ال سىرتقى قابىرعالارىندا كٶگٸلدٸر فونعا اق اراب ٶرمە جازۋى جازىلعان.
مەشٸتتٸڭ قابىرعالارى مەن كٷمبەزٸنٸڭ ٸشٸ تٷرلٸ-تٷستٸ ويۋلار, ٶرنەكتەر, قۇران اياتتارى جەنە دۇعالارمەن بەزەندٸرٸلگەن. بٸراق, نەگٸزٸنەن, قازاق ٶرنەكتەرٸ سالىنعان.
اراب كالليگرافيياسىن قازاق شەبەرٸ اسىلبەك بايزاقۇلى جازعان.
مەشٸتتٸڭ ٸشكٸ ەسٸكتەرٸنٸڭ بيٸكتٸگٸ - 12 مەتر, تەرەزەلەرٸ تٷرلٸ-تٷستٸ ويۋ-ٶرنەكتەرمەن بەزەندەرٸلگەن ەينەكتەن جاسالعان.
قۇبىلا جاقتاعى قابىرعادا اللانىڭ 99 ەسٸمٸ قاشالعان. موزايكا قابىرعانىڭ ۇزىندىعى - 100 مەتر, بيٸكتٸگٸ - 22,4 مەتر. موزايكا تٷرلٸ تٷستٸ 25 ميلليون ەينەكتەن قۇرالعان.
ٷلكەن زال مەن ەيەلدەر ناماز وقيتىن جەر تولىعىمەن قازاقى ويۋ-ٶرنەكتەرمەن كٶمكەرٸلگەن. كٸلەمنٸڭ جالپى اۋدانى 15 525 شارشى مەتر. بۇل - ەلەمدەگٸ قولدان جاسالعان ەڭ ٷلكەن كٸلەم. كٸلەمنٸڭ قالىڭدىعى - 15 ميلليمەتر. ول جاڭا زەلاندييادا 100 پايىز جٷننەن توقىلعان.
مەشٸتتٸڭ اشىلۋ سالتاناتىنا قازاقستاننىڭ تۇڭعىش پرەزيدەنتٸ نۇرسۇلتان نازارباەۆ قاتىستى.
"بٷگٸن قاسيەتتٸ جۇمادا ەلوردامىزدا كەرەمەت مەشٸتتٸ اشىپ جاتىرمىز. بۇل بارشا مۇسىلمان تۇرعىندارىمىز ٷشٸن ماڭىزدى وقيعا. (...) تەۋەلسٸزدٸك العاننان بەرٸ ەلٸمٸزدٸڭ بارلىق ايماعىندا مەشٸتتەر اشىلىپ جاتىر. اللا تاعالا وسى مەشٸتتەردە وقىلعان دۇعالاردى قابىل ەتسٸن. 2019 جىلدىڭ ناۋرىزىندا مەملەكەت باسشىسى رەتٸندەگٸ ٶكٸلەتٸمدٸ توقتاتپاس بۇرىن وسى مەشٸتتٸڭ العاشقى كٸرپٸشٸن قالاعان بولاتىنمىن... تەۋەلسٸز مەملەكەتٸمٸزدٸڭ كٶركەيە بەرۋٸن تٸلەيمٸز. بۇل مۇسىلماندىق پارىز, وتان الدىنداعى پەرزەنتتٸك پارىز ەدٸ. جاڭا تەۋەلسٸز قازاقستاندى قۇرۋ جولىنداعى ەڭبەگٸمدٸ اللا جارىلقادى دەپ ويلايمىن", - دەدٸ نازارباەۆ.
مەشٸت ورنالاسقان جەر تەلٸمٸنٸڭ اۋدانى 10 گەكتاردى قۇرايدى. جالپى اۋدانى 68 062 شارشى مەترگە جەتەدٸ. عيماراتتىڭ اينالاسىندا ٷلكەن ساياباق بار.
سونىمەن قاتار, مەشٸتتٸڭ جەراستى قاباتىندا 440 ورىنعا ارنالعان بانكەت زالى, 405 ورىنعا ارنالعان جابىق اۆتوتۇراق, ۆەستيبيۋل, دەرەتحانا, تەحنيكالىق جەنە دٸني قىزمەت كٶرسەتەتٸن ورىن, قۇرباندىق شالاتىن ورىن جەنە باسقا دا ٷي-جايلار بار.
بٸرٸنشٸ جەنە ەكٸنشٸ قاباتتاردا ناماز وقيتىن ورىننان بٶلەك وقۋ سىنىپتارى, مەجٸلٸس زالى, نەكە زالى, قۇران وقۋ زالى, تەلەستۋدييا, كەڭسەلەر, قىزمەتتٸك بٶلمەلەر, دٷكەندەر, مۋزەي جەنە تەحنيكالىق بٶلمەلەر بار.
مەشٸتتٸڭ جالپى سىيىمدىلىعى 235 000 ادامدى قۇرايدى, ياعني وسىنشا ادام قاتارعا تۇرىپ, بٸر ۋاقىتتا ناماز وقي الادى.
عيماراتتىڭ اشىق الاڭىندا شامامەن 200 000 ادام جايعاسا الادى. زالداردا بٸر مەزگٸلدە 30 000 ەر ادام مەن 5 000 ەيەل ناماز وقي الادى.
مەشٸتتٸڭ سىيىمدىلىعى بويىنشا نۇر-سۇلتان قالاسىنداعى رەسپۋبليكالىق باس مەشٸت ەلەمدەگٸ ەڭ ٷلكەن 10 مەشٸتتٸڭ قاتارىنا كٸرەدٸ.
ونىڭ اشىلۋىنا پرەمەر-مينيستردٸڭ ورىنباسارى ەرالى توعجانوۆ, بۇرىنعى پرەمەر-مينيستر اسقار مامين, جامبىل وبلىسىنىڭ ەكس-ەكٸمٸ بەردٸبەك ساپارباەۆ, الماتى وبلىسىنىڭ بۇرىنعى ەكٸمٸ اماندىق باتالوۆ, ەكس-دەپۋتات قۋانىش سۇلتانوۆ, BI-Group حولدينگٸ باسشىسى ايدىن راحىمباەۆ جەنە باسقا دا تانىمال تۇلعالار قاتىستى.
