ل.ن. گۋميلەۆ اتىنداعى ەۇۋ ماڭىنداعى ٷش مىڭ شارشى مەترگە جۋىق جاڭا كٶپٸر الاڭى اباتتاندىرىلدى. بۇل تۋرالى نۇر-سۇلتان قالاسى ەكٸمٸ التاي كٶلگٸنوۆ ٶز «ينستاگرام» پاراقشاسىندا جازدى, دەپ حابارلايدى ەكٸمدٸكتٸڭ رەسمي سايتى.
«تۇرعىندارىمىز بەن ەلوردا قوناقتارى ٷشٸن تاعى بٸر كٶپٸراستى كەڭٸستٸك (ل.ن.گۋميلەۆ اتىنداعى ەۇۋ ماڭى) اشىلدى. ول ٷشٸن 3 مىڭعا جۋىق شارشى مەتر جەر اباتتاندىرىلدى. جاڭا قوعامدىق كەڭٸستٸك ەكٸ بٶلەك ورنالاسقان ٷلكەن اۋماقتان تۇرادى. بۇل – باسكەتبول جەنە ۆوركاۋت الاڭدارى. جاس تۇرعىندارىمىزدىڭ ٶتٸنٸشٸ بويىنشا سكەيت-الاڭ اشىلىپ, تەننيس ٷستەلٸ ورناتىلدى.
سۋرەتشٸلەرٸمٸز دە قابىرعالارعا تانىمال سپورتشىلاردى بەينەلەپ, ول دا ٶزٸندٸك سەن بەرٸپ تۇر. بۇل – بالالاردىڭ كٶز الدىندا ولارعا رۋح بەرٸپ, ٶزدەرٸنە سەنٸمدٸ بولۋى ٷشٸن ٷلگٸ بولارلىقتار كٶرٸنٸس. ٶيتكەنٸ كەسٸبي ارەنالارعا اپاراتىن جول جەنە سالاۋاتتى ٶمٸر سالتىن قالىپتاستىرۋ اۋلاداعى سپورتتان باستالاتىنى بەلگٸلٸ. ول ٷشٸن بيىل 150 اۋلا مەن 50 قوعامدىق كەڭٸستٸكتٸ اباتتاندىرامىز. وسىنىڭ ٶزٸ بٸزگە 300 مىڭنان اسا ادامنىڭ سپورتپەن اينالىسۋىنا جايلى جاعداي جاساۋعا مٷمكٸندٸك بەرەدٸ. بۇدان بٶلەك, 3 تۇرعىن الاپتا ٷلكەن سپورت كەشەنٸنٸڭ قۇرىلىسى جٷرٸپ جاتىر. سول سيياقتى بٸرقاتار سپورت نىسانىنا جٶندەۋ جٷرگٸزٸلەدٸ.
كارانتين بٸزگە دەنساۋلىققا اسا مەن بەرٸپ, يممۋنيتەتٸمٸزدٸ كٶتەرٸپ, سپورتپەن اينالىسۋ كەرەكتٸگٸن كٶرسەتتٸ», - دەپ جازدى التاي كٶلگٸنوۆ.
