9 سەۋٸردەن بەرٸ ەلوردادا 5 مىڭعا جۋىق ادامعا ەكسپرەسس-تەستٸلەۋ جٷرگٸزٸلدٸ. بۇل تۋرالى ەلوردانىڭ قوعامدىق دەنساۋلىق ساقتاۋ باسقارماسىنىڭ باسشىسى سەۋلە قيسىقوۆا ايتىپ بەردٸ, دەپ حابارلايدى قازاقپارات.
«9-13 سەۋٸر ارالىعىندا نۇر-سۇلتان قالاسىندا 4 766 ادامعا كوروناۆيرۋس ينفەكتسيياسىنا بايلانىستى ەكسپرەسس تەستٸلەۋ جٷرگٸزٸلدٸ. ونىڭ 61 جاعدايىندا نەمەسە 1,2% تەستٸلەۋ وڭ نەتيجە كٶرسەتتٸ», - دەپ اتاپ ٶتتٸ باسقارما باسشىسى «حابار 24» تەلەارناسىنداعى بريفينگتە.
باس مەملەكەتتٸك سانيتارلىق دەرٸگەردٸڭ قاۋلىسىنا سەيكەس, بۇل ادامدار ەرٸ قارايعى تەكسەرۋ جۇمىستارى ٷشٸن پروۆيزورلىق ستاتسيونارعا جاتقىزىلدى.
«ياعني, پوليمەرازدى-تٸزبەكتٸ رەاكتسييا ەدٸسٸمەن كوروناۆيرۋس ينفەكتسيياسىنا تەكسەرۋ جٷرگٸزٸلەدٸ. 61 ادامنىڭ 30-ى تەرٸس نەتيجەمەن اۋرۋحانادان شىعارىلدى», - دەدٸ س. قيسىقوۆا.
بۇعان دەيٸن باسقارما باسشىسى نۇر-سۇلتاندا كوروناۆيرۋس ينفەكتسيياسىنان قايتىس بولعان ادام تۋرالى ايتىپ بەرگەن ەدٸ.
قازٸرگٸ ۋاقىتتا ەلوردادا جۇقتىرعاندار سانى 264 ادامعا جەتتٸ. سوڭعى ەكٸ كٷندە - 12-13 سەۋٸر كٷندەرٸ 29 جاعداي تٸركەلدٸ.
