نۇر-سۇلتاندا ەكٸ ەكولوگييالىق ساياباق سالىنادى. بۇل تۋرالى نۇر-سۇلتان قالالىق سەۋلەت, قالا قۇرىلىسى جەنە جەر قاتىناستارى باسقارماسى حابارلادى. سونىڭ بٸرٸ تالدىكٶل كٶلٸنٸڭ جانىندا بولادى. جوسپارلانعان اۋماق قالانىڭ وڭتٷستٸك-باتىس بٶلٸگٸندە ورنالاسقان. ونىڭ اۋماعى - 5700 گەكتار.
سونداي-اق اۋماق بويىندا بولاشاق بيولوگتار مەن ورنيتولوگتار ٷشٸن كٶرۋ الاڭدارى مەن ەكسكليۋزيۆتٸ بٸلٸم بەرۋ ورتالىقتارىن سالۋ جوسپارلانۋدا. وسىلايشا, ينفراقۇرىلىمدى قۇرۋ كەزٸندە تالدىكٶل ساياباعى ەكولوگييالىق تۋريزمدٸ دامىتۋ ورتالىعىنا اينالۋى مٷمكٸن.
«استانا باس جوسپارى» عزجي» جشس قىزمەتكەرلەرٸ قازاقستاننىڭ بيوالۋانتٷرلٸلٸگٸن ساقتاۋ قاۋىمداستىعىمەن بٸرگە ۇلىبريتانيياداعى ەرٸپتەستەرٸمەن بٸرلەسە وتىرىپ لوندوننىڭ باتپاقتى سۋ ايدىنى ورتالىعى, Rainham Marshes تابيعي پاركٸ, شەرۆۋد ورمانى, Minsmere Reserve قورىعى ٷلگٸسٸندە تابيعي ساياباقتاردى جوبالاۋ مەن سالۋداعى حالىقارالىق تەجٸريبەنٸ زەرتتەپ, جەتەكشٸ ورنيتولوگ ماماندارمەن كەزدەسۋلەر ٶتكٸزدٸ.
تابيعي ساياباقتىڭ قۇرىلۋى قىزىل كٸتاپقا ەنگەن جانۋارلار مەن سيرەك كەزدەسەتٸن قۇستاردىڭ تابيعي ورتاسىن ساقتاۋعا مٷمكٸندٸك بەرەدٸ.
تالدىكٶل – تاريحي ماڭىزى زور ورنيتولوگييالىق ايماق. ماۋسىمدىق قونىس اۋدارۋ كەزەڭٸندە كٶلدە جەنە وعان جاقىن جەرلەردە قۇستاردىڭ 200-گە جۋىق تٷرلەرٸن كٶرۋگە بولادى. ولاردىڭ اراسىندا پەليكان, اق قۇيرىق, سۇڭقىلداق اققۋ, اق قۇيرىقتى بٷركٸت بار. بوتانيكالىق زەرتتەۋلەر نەتيجەسٸندە كٶلدەرگە ٸرگەلەس جەرلەردە 98 ٶسٸمدٸك تٷرٸ تٸركەلدٸ.
مايبالىق كٶلٸندەگٸ ەكٸنشٸ ەكوپارك تە سول سيياقتى تارتىمدى ورىن بولماق (ەۋەجاي باعىتىنىڭ وڭتٷستٸك-شىعىس جاعى). ونىڭ جالپى اۋدانى – 400 گەكتار, سۋ قويمالارى – 120 گەكتار. ساياباق كەشەنٸندە بالىق اۋلاۋعا ارنالعان جاساندى سۋ قويمالارى, ەرەكشە قورعالاتىن جاعالاۋ ايماقتارى, سەرۋەندەۋ جەنە ۆەلوسيپەد جولدارى, سپورتتىڭ بەلسەندٸ تٷرلەرٸ ٷشٸن ايماقتار جەنە اۋماقتىڭ بٸرەگەي ەكوجٷيەسٸن ساقتاۋعا ارنالعان الاڭدار قۇرۋ قاراستىرىلعان.
تۋريستەردٸ جانۋارلار دٷنيەسٸنٸڭ الۋان تٷرٸمەن تانىستىرۋعا ارنالعان ەكولوگييالىق مارشرۋتتار مەن سوقپاقتار جاساۋ جوسپارلانۋدا.
مايبالىق كٶلٸنەن شىعىسقا قاراي ورنالاسقان اۋماقتا تۋريستەر مەن قالا تۇرعىندارى ٷشٸن تارتىمدى زاماناۋي تابيعي ايماق ۇيىمداستىرۋدىڭ ەلەۋەتٸ جوعارى. ۇسىنىلىپ وتىرعان ايماق بارلىق تابيعي ەرەكشەلٸكتەردٸ – كليماتتى, فلورانى, فاۋنانى ەسكەرە وتىرىپ, ەكولوگييالىق پارك قۇرۋعا قولايلى. بۇل تەرريتورييادا ٶسٸمدٸكتەردٸڭ 100-گە جۋىق تٷرٸ ٶسەدٸ, قۇستاردىڭ 200-دەن استام تٷرٸ تٸرشٸلٸك ەتەدٸ. ونىڭ ٸشٸندە ۇيا سالاتىن جەنە جىل قۇستارى, سٷتقورەكتٸلەردٸڭ 30-دان استام تٷرٸ بار. بۇل اۋداندا بالىق ٶسٸرۋ جوسپارلانىپ وتىر. ساياباقتا بالىق مەيرامحاناسى جۇمىس ٸستەيدٸ.
ساياباقتىڭ ەرەكشەلٸگٸ – مۇندا مەكەندەيتٸن جانۋارلار مەن قۇستاردىڭ ەركٸن جاعدايدا جەنە جەرگٸلٸكتٸ تابيعات زوناسىنا تەن بولۋى.
ات سپورتى كلۋبىن اشۋ جوسپارلانۋدا. بۇل دەگەنٸمٸز, ساياباق اۋماعىن ات ٷستٸندە ارالاۋعا بولادى. مايبالىق كٶلٸنٸڭ اۋماعى ەرەكشە قورعالاتىن ايماق بولادى. ودان شىعاتىن ارنالار «تٸرٸ ارتەرييالار» سيياقتى بارلىق ازاماتتارعا كٶلگە ەمٸن-ەركٸن جەتۋگە مٷمكٸندٸك بەرەدٸ. بولاشاقتا ورمان ساياباعى قارقىندى دامىپ كەلە جاتقان قالانىڭ جاسىل ورتالىعىنا اينالادى. بۇل ەلوردانىڭ جاسىل كاپيتال يدەياسىن جالعاستىرۋ ٷشٸن ماڭىزدى قادام.
قازاقستاندىق بيوالۋانتٷرلٸلٸك قاۋىمداستىعى جوباعا ساراپتامالىق قولداۋ كٶرسەتەدٸ. قاجەت بولسا, شەتەلدٸك ماماندار تارتىلادى. قاۋىمداستىق پەن RSPB قىزمەتكەرلەرٸ بيولوگييالىق جەنە لاندشافتتىق ەرتٷرلٸلٸكتٸ تٷگەندەۋگە باعىتتالعان بٸرقاتار عىلىمي زەرتتەۋلەر جٷرگٸزەدٸ. ولاردىڭ جۇمىسىنىڭ نەتيجەلەرٸ ەكولوگييالىق پاركتٸ قۇرۋدىڭ كەلەسٸ كەزەڭدەرٸنە نەگٸز بولادى.
«بٷگٸندە قالا «نۇر-سۇلتان – جايلى قالا» باس جوسپارى اياسىندا دامىپ كەلەدٸ. وسى قۇجاتتىڭ مٸندەتتەرٸنٸڭ بٸرٸ – ەلوردا تۇرعىندارى مەن قوناقتارىنىڭ جايلىلىعى ٷشٸن تارتىمدى ورتالىقتار قۇرىپ, ٸشكٸ تۋريزمدٸ دامىتۋ. وسىنداي ەكو-پاركتەر نۇر-سۇلتاننىڭ جاسىل بەلدەۋٸن قالىپتاستىرۋ جوباسىنا سەيكەس كەلەدٸ جەنە دەمالۋشىلاردىڭ سٷيٸكتٸ ورنىنا اينالۋى مٷمكٸن. جوبانىڭ تۇجىرىمداماسى – بارلىق بيوالۋانتٷرلٸلٸك پەن تابيعي كٶرٸنٸستەرمەن بەلگٸلٸ بٸر قورعالاتىن اۋماق قۇرۋ. ەكولوگييالىق تۋريزمدٸ ات مارشرۋتتارىن قۇرا وتىرىپ دامىتۋ جوسپارلانۋدا. وسى ماقساتتا ساياباقتىڭ قوناقتارى ٷشٸن ارنايى سوقپاقتار جاسالادى», - دەيدٸ سەۋلەت, قالا قۇرىلىسى جەنە جەر قاتىناستارى باسقارماسىنىڭ باسشىسى نۇرلان ۋرانحاەۆ.
