مينيسترلٸكتەر ٷيٸندەگٸ بۇزاقىلىعى ٷشٸن التى ەيەل 70 مىڭ تەڭگەدەن استام ايىپپۇل تٶلەيدٸ. بۇل تۋرالى نۇر-سۇلتان پوليتسييا دەپارتامەنتٸنٸڭ باسپاسٶز قىزمەتٸ حابارلادى.
پوليتسييانىڭ اقپاراتىنشا, 19 شٸلدەدە اشۋلى ەيەلدەر مينيسترلٸكتەر ٷيٸنٸڭ عيماراتىنا باسا-كٶكتەپ كٸرمەك بولدى.
ولار تەرتٸپ ساقشىلارىنا تٸل تيگٸزٸپ, قول-اياعىمەن ۇرىپ, دەنساۋلىق ساقتاۋ مينيسترلٸگٸنٸڭ قىزمەتكەرلەرٸ مەن كٷزەتشٸلەرگە سۋ شاشقان.
"مينيسترلٸكتٸڭ جاۋاپتى قىزمەتكەرلەرٸ ديالوگ قۇرىپ, پروبلەمالارىن تٷسٸنٸپ, ونىڭ شەشٸمٸن تابۋعا تىرىسقاندا, ەيەلدەر ولارعا بالاعات سٶزدەر ايتىپ, جۇدىرىق الا جٷگٸرگەن, بەتتەرٸنەن ۇرىپ, كيٸمٸن تارتىپ جۇلقىلاعان", - دەپ مەلٸمدەدٸ دەپارتامەنتتەگٸلەر.
بۇزاقىلىق ەرەكەتتەرٸ ٷشٸن التى ەيەل ەكٸمشٸلٸك جاۋاپقا تارتىلدى: ولاردىڭ ەربٸرٸنە 25 اەك (72 925 تەڭگە) ايىپپۇل سالىندى. پوليتسييا نارازى ەيەلدەر مينيسترلٸككە قانداي تالاپپەن كەلگەنٸن ناقتىلاعان جوق.
