نۇر-سۇلتان قالاسىنىڭ قوعامدىق دەنساۋلىق ساقتاۋ باسقارماسىنىڭ باسشىسى سەۋلە قيسىقوۆانىڭ ايتۋىنشا ەلوردادا كوروناۆيرۋس ينفەكتسيياسى العاش تٸركەلگەن سەتتەن باستاپ 48 نىسان كارانتينگە جابىلعان, دەپ حابارلايدى قازاقپارات.
«ەلوردادا كوروناۆيرۋس ينفەكتسيياسىنىڭ تارالۋىنا جول بەرمەۋ ٷشٸن بٸرقاتار شارا قابىلدانىپ جاتىر. سونداي شارالاردىڭ بٸرٸ – مەديتسينا قىزمەتكەرلەرٸن قالانىڭ قوناق ٷيلەرٸنە ورنالاستىرۋ. قازٸرگٸ ۋاقىتتا 692 مەديتسينالىق قىزمەتكەر قوناق ٷيلەردە. دەمالعاننان كەيٸن قايتادان بەرٸ جۇمىسقا بارادى», - دەدٸ سەۋلە قيسىقوۆا «حابار 24» ارناسىندا ونلاين رەجيمدە ٶتكەن باسپاسٶز مەسليحاتىندا.
باسقارما باسشىسى كەلتٸرگەن مەلٸمەتكە سەيكەس, قالادا كوروناۆيرۋس جۇقتىرعان ازاماتتارمەن بايلانىستا بولعان 4 129 ادام انىقتالعان. 309 ۆيرۋس وشاعىندا دەزينفەكتسييالىق جۇمىستار جٷرگٸزٸلگەن.
«قالادا كوروناۆيرۋس ينفەكتسيياسى العاش تٸركەلگەن سەتتەن باستاپ 48 نىسان كارانتينگە جابىلدى. ولاردىڭ ٸشٸندە تۇرعىن ٷي كەشەندەرٸ, ەكٸمشٸلٸك مەكەمەلەر مەن ٶزگە دە نىساندار بار. ولاردىڭ ٸشٸندە 26 نىساندا كارانتين اياقتالدى. بٷگٸنگٸ كٷنٸ 22 نىسان ەلٸ كارانتيندە. كارانتينگە جابىلعانداردىڭ ٸشٸندە - ايتۋىنشا «شاراپات» ەلەۋمەتتٸك قىزمەت كٶرسەتۋ ورتالىعى دا بار», - دەدٸ ول.
باسقارما باسشىسى سونىمەن قاتار قالانىڭ جەكەلەگەن بٶلٸكتەرٸندە شەكتەۋ ەنگٸزۋ تۋرالى قاۋلى شىققانىن ايتىپ ٶتتٸ.
«قالادا 9 ٷي كارانتين قورشاۋىنا الىندى. كارانتيندٸك اۋماقتاردا بٷگٸن ەسكەريلەرمەن بٸرگە 200-گە تارتا ادام دەزينفەكتسييا جۇمىستارىن جٷرگٸزدٸ. 2 800 ٷيدە دە دەزينفەكتسييا جاسالدى. ەپيدەميولوگييالىق احۋال باقىلاۋدا», - دەپ تٷيدٸ سەۋلە قيسىقوۆا.
ايتا كەتسەك, بۇعان دەيٸن سەۋلە قيسىقوۆا ەلوردادا قازٸرگٸ تاڭدا كوروناۆيرۋس ينفەكتسيياسىن جۇقتىرعان 9 ادام اۋىر حالدە جاتقانىن مەلٸم ەتكەن ەدٸ.
