«نۇر وتان» پارتيياسىنىڭ ورتالىق اپپاراتىندا پارتييا تٶراعاسىنىڭ بٸرٸنشٸ ورىنباسارىنىڭ جەتەكشٸلٸگٸمەن «2016-2019 جىلدارعا ارنالعان «دەنساۋلىق» مەملەكەتتٸك باعدارلاماسىن ٸسكە اسىرۋ تۋرالى» پارتييالىق تىڭداۋ ٶتتٸ. وندا دەنساۋلىق ساقتاۋ مينيسترٸ ەلجان بٸرتانوۆ اتالعان باعدارلاما بويىنشا قولعا الىنعان باستامالار, 2016 جىلى اتقارىلعان جۇمىستار جەنە الداعى باعىت-باعدار جايىندا بايانداما جاسادى.
سونداي-اق, شاراعا قاتىسقان پارلامەنت مەجٸلٸسٸنٸڭ دەپۋتاتتارى حالىق دەنساۋلىعىن جاقسارتۋ مەسەلەسٸنە قاتىستى ٶزدەرٸن الاڭداتقان ساۋالدارىن جولداپ, تيٸستٸ مامانداردان جاۋاپ الدى.
پارتييانىڭ سايلاۋالدى باعدارلاماسىندا ەكونوميكالىق ىنتىماقتاستىق جەنە دامۋ ۇيىمىنا مٷشە ەلدەردٸڭ ەڭ ٷزدٸك ستاندارتتارىن ەلٸمٸزدٸڭ دەنساۋلىق ساقتاۋ جٷيەسٸنە ەنگٸزۋگە ارنالعان تاپسىرمالار ناقتى كٶرسەتٸلگەن. سولاردى جٷزەگە اسىرۋ ارقىلى 2021 جىلعا قاراي قازاقستاندىقتاردىڭ ٶمٸر سٷرۋ ۇزاقتىعىن 73 جاسقا كٶتەرۋ, ال ٶلٸم دەڭگەيٸن 10 پايىزعا تٶمەندەتۋ كٶزدەلگەن.
جالپى 2016 جىلى اتقارىلعان جۇمىستاردىڭ نەتيجەسٸ كٶڭٸل قۋانتاتىنىن ايتقان ە.بٸرتانوۆ ٶمٸر سٷرۋ ۇزاقتىعى, حالىق دەنساۋلىعىنىڭ يندەكسٸ, تۇرعىنداردىڭ مەديتسينالىق كٶمەك ساپاسىنا قاناعات دەڭگەيٸ بويىنشا وڭ ٶزگەرٸستەر تٸركەلگەنٸن جەتكٸزدٸ. سونداي-اق پارتييالىق تىڭداۋ بارىسىندا «دەنساۋلىق» باعدارلاماسىن جٷزەگە اسىرۋدا 34 كٶرسەتكٸشتٸڭ 30-دان استامى ورىندالعانى ايتىلدى.
سونىمەن قاتار, ٸس-شارا بارىسىندا پارلامەنت مەجٸلٸسٸنٸڭ دەپۋتاتى, «نۇر وتان» پارتيياسى سايلاۋالدى باعدارلاماسىنىڭ «دەنساۋلىق ساقتاۋ» باعىتى بويىنشا كۋراتورى زەۋرەش امانجولوۆا مەن ەلەۋمەتتٸك مەديتسينالىق ساقتاندىرۋ قورىنىڭ تٶرايىمى ەلەنا باحمۋتوۆا بايانداما جاساپ, اتقارىلعان جۇمىستار جايىندا ناقتى دەرەكتەر كەلتٸردٸ.
«دەنٸ ساۋدىڭ جانى ساۋ» دەپ, حالقىمىز دەنٸ ساۋ ۇلت قانا بيٸك بەلەستەردٸ باعىندىراتىنىن بٸلگەن. ەلٸمٸزدٸڭ بەسەكەگە قابٸلەتتٸ, دامىعان 30 ەلدٸڭ قاتارىنا قوسىلۋ ٷشٸن دە ۇلت دەنساۋلىعىنىڭ ورنى ەرەكشە. سوندىقتان مەملەكەت باسشىسى ٷنەمٸ بۇل سالانى جٸتٸ نازارىندا ۇستاپ, «دەنساۋلىق» مەملەكەتتٸك باعدارلاماسىن قولعا الدى. ال ونىڭ جٷزەگە اسىرىلۋىن «نۇر وتان» پارتيياسىنىڭ ٶز باقىلاۋىنا الۋى كٶڭٸل قۋانتادى.
