«Nur Otan» partiiasynyń Ortalyq apparatynda partiia Tóraǵasynyń Birinshi orynbasarynyń jetekshiligimen «2016-2019 jyldarǵa arnalǵan «Densaýlyq» memlekettik baǵdarlamasyn iske asyrý týraly» partiialyq tyńdaý ótti. Onda Densaýlyq saqtaý ministri Eljan Birtanov atalǵan baǵdarlama boiynsha qolǵa alynǵan bastamalar, 2016 jyly atqarylǵan jumystar jáne aldaǵy baǵyt-baǵdar jaiynda baiandama jasady.
Sondai-aq, sharaǵa qatysqan Parlament Májilisiniń depýtattary halyq densaýlyǵyn jaqsartý máselesine qatysty ózderin alańdatqan saýaldaryn joldap, tiisti mamandardan jaýap aldy.
Partiianyń sailaýaldy baǵdarlamasynda Ekonomikalyq yntymaqtastyq jáne damý uiymyna múshe elderdiń eń úzdik standarttaryn elimizdiń densaýlyq saqtaý júiesine engizýge arnalǵan tapsyrmalar naqty kórsetilgen. Solardy júzege asyrý arqyly 2021 jylǵa qarai qazaqstandyqtardyń ómir súrý uzaqtyǵyn 73 jasqa kóterý, al ólim deńgeiin 10 paiyzǵa tómendetý kózdelgen.
Jalpy 2016 jyly atqarylǵan jumystardyń nátijesi kóńil qýantatynyn aitqan E.Birtanov ómir súrý uzaqtyǵy, halyq densaýlyǵynyń indeksi, turǵyndardyń meditsinalyq kómek sapasyna qanaǵat deńgeii boiynsha oń ózgerister tirkelgenin jetkizdi. Sondai-aq partiialyq tyńdaý barysynda «Densaýlyq» baǵdarlamasyn júzege asyrýda 34 kórsetkishtiń 30-dan astamy oryndalǵany aityldy.
Sonymen qatar, is-shara barysynda Parlament Májilisiniń depýtaty, «Nur Otan» partiiasy sailaýaldy baǵdarlamasynyń «Densaýlyq saqtaý» baǵyty boiynsha kýratory Záýresh Amanjolova men Áleýmettik meditsinalyq saqtandyrý qorynyń tóraiymy Elena Bahmýtova baiandama jasap, atqarylǵan jumystar jaiynda naqty derekter keltirdi.
«Deni saýdyń jany saý» dep, halqymyz deni saý ult qana biik belesterdi baǵyndyratynyn bilgen. Elimizdiń básekege qabiletti, damyǵan 30 eldiń qataryna qosylý úshin de ult densaýlyǵynyń orny erekshe. Sondyqtan Memleket basshysy únemi bul salany jiti nazarynda ustap, «Densaýlyq» memlekettik baǵdarlamasyn qolǵa aldy. Al onyń júzege asyrylýyn «Nur Otan» partiiasynyń óz baqylaýyna alýy kóńil qýantady.
