«نۇر وتان» پارتيياسىنىڭ ساياسي تالداۋ جەنە ستراتەگييالىق زەرتتەۋلەر ورتالىعى «Nur Otan Talks: modernization» پٸكٸرتالاس الاڭى اياسىندا «جاڭعىرۋ مەن جاڭا يدەيالار ارقىلى جارقىن بولاشاققا» اتتى كونفەرەنتسييا ٶتكٸزدٸ. وعان بەلگٸلٸ بلوگەرلەر, پارتييا مٷشەلەرٸ ساياسات نۇربەك, دينارا سەتجان, راحىم وشاقباەۆ جەنە تەڭٸربەرگەن بەردوڭعار قاتىستى. سونداي-اق, بەلگٸلٸ ساراپشى ايدوس سارىم مەن جاس رەجيسسەر, پروديۋسسەر نۇرتاس ادامباي دا جاڭعىرۋ جٶنٸندەگٸ ٶز ويلارىمەن بٶلٸستٸ.
ٸس-شارانىڭ باستى ەرەكشەلٸگٸ وعان قاتىسۋعا نيەت بٸلدٸرۋشٸلەر تەك ينتەرنەت ارقىلى تٸركەلدٸ. سول سەبەپتٸ كونفەرەنتسيياعا قاتىسۋشىلار نەگٸزٸنەن پارتييالىق جاڭعىرۋ باستاماسىن جان-جاقتى تالقىلاپ, قاشاندا جاڭا يدەيالار ۇسىنۋعا دايىن تۇراتىن ەلەۋمەتتٸك جەلٸلەردٸڭ بەلسەندٸ قولدانۋشىلارى بولدى.
كونفەرەنتسييانىڭ مودەراتورى, «نۇر وتان» پارتيياسى تٶراعاسى بٸرٸنشٸ ورىنباسارىنىڭ كەڭەسشٸسٸ جاننا قۇرمانعاليەۆا پارتييا مٷشەلەرٸنٸڭ, ساراپشىلاردىڭ, قوعام قايراتكەرلەرٸنٸڭ, ماسس-مەديا ٶكٸلدەرٸنٸڭ جەنە ەل ەرتەڭٸنە بەيجاي قارامايتىن بارشا قازاقستاندىقتار قاتىساتىن, پارتييانى جاڭعىرتۋدىڭ ٶزەكتٸ مەسەلەلەرٸ اشىق تالقىلاناتىن مۇنداي زاماناۋي فورماتتاعى سۇحباتتاسۋ الاڭىن قۇرۋ اسا ماڭىزى باستاما ەكەنٸن ايتتى.
– «ەلەمدٸ ٶزگەرتكٸڭ كەلسە, الدىمەن ٶزٸڭدٸ ٶزگەرت» دەگەن بارشاعا مەلٸم قاعيدا بار. سوندىقتان ەلباسى جارييالاعان جاڭعىرۋ ٷدەرٸسٸنٸڭ تيٸمدٸ نۇسقاۋشىسى بولۋ ٷشٸن جەنە وسى ٸستٸڭ الدىڭعى لەگٸندە قالۋ ٷشٸن پارتييا ٶزٸنٸڭ جۇمىس فورماتىن ٶزگەرتۋٸ كەرەك. سونداي-اق, ونى اشىق اقپاراتتىق قوعامنىڭ ترەندتەرٸنە بەيٸمدەپ, زامانانىڭ كەز كەلگەن تالابىنا جاۋاپ بەرۋگە دايىن بولۋى تيٸس. سول سەبەپتٸ, بٸز بٷگٸن پارتييا جۇمىسىن جاڭعىرتۋ جولدارى جٶنٸندە ٸشكٸ پٸكٸرتالاس ٶتكٸزٸپ وتىرمىز, – دەدٸ كونفەرەنتسييانىڭ مودەراتورى, «نۇر وتان» پارتيياسى تٶراعاسى بٸرٸنشٸ ورىنباسارىنىڭ كەڭەسشٸسٸ جاننا قۇرمانعاليەۆا.
ايتا كەتەيٸك, 3 قاراشا كٷنٸ ەلباسى, «نۇر وتان» پارتيياسىنىڭ تٶراعاسى پارتييا ساياسي كەڭەسٸنٸڭ كەڭەيتٸلگەن وتىرىسىندا پارتييالىق جاڭعىرۋدى باستاپ, از ۋاقىتتا ونىڭ ناقتى جوسپارىن جاساۋدى تاپسىرعان بولاتىن.
