كەشە استانادا «ابۋ-دابي پلازا» قۇرىلىس كەشەنٸنٸڭ 400-گە جۋىق جۇمىسشىسى زاڭسىز جۇمىستان شىعارىپ جٸبەرٸلگەنٸ تۋرالى مەلٸمدەمە جاسادى. ٶزدەرٸنٸڭ ايتۋىنشا, ولار جۇمىستان شىعارۋ تۋرالى ەشقانداي ەسكەرتۋ الماعان. اتالعان قىسقارتۋلار جايىندا تەك جۇمىسقا كەلگەن كەزدە بٸر-اق بٸلگەن.
قۇرىلىسشىلار وسى شيەلەنٸسكەن جاعدايدى شەشۋ ٷشٸن «نۇر وتان» پارتيياسىنا جٷگٸنگەن بولاتىن.
سوعان وراي كەشە ولار پارتييانىڭ استانا قالالىق فيليالى باسشىلىعىمەن كەزدەستٸ.
وسى مەسەلەگە قاتىستى «نۇر وتان» پارتيياسى تٶراعاسىنىڭ بٸرٸنشٸ ورىنباسارى مەۋلەن ەشٸمباەۆ ٶز پٸكٸرٸن بٸلدٸردٸ. ونىڭ ايتۋىنشا, «نۇر وتان» استانا قالالىق پروكۋراتۋراسىمەن بٸرلەسٸپ جۇمىس ٸستەۋدە. بٷگٸندە قالالىق پروكۋراتۋرا بۇل شەشٸمنٸڭ قانشالىقتى زاڭدى ەكەنٸن تەكسەرۋ ٷستٸندە. مەسەلەنٸڭ مەنٸن انىقتاۋ ٷشٸن استانا قالاسىنىڭ ەكٸمدٸگٸ دە تارتىلعانىن اتاپ ٶتكەن جٶن.
«وسى مەسەلەنٸ وڭتايلى شەشۋ ٷشٸن بارلىق قاجەتتٸ جۇمىستار قولعا الىندى. بۇل جاعدايدى «نۇر وتان» پارتيياسى ٶز باقىلاۋىندا ۇستايدى. مۇنداي سەتتە سابىرلىق تانىتۋدىڭ ماڭىزى زور. قالانىڭ قۇقىق قورعاۋ ورگاندارى مەن ەكٸمدٸگٸ دە جۇمىس ٸستەۋدە. وسىلاي كٷش بٸرٸكتٸرۋ ارقىلى بۇل كەلەڭسٸز جاعدايدىڭ وڭ شەشٸلۋٸنە سەنٸم بٸلدٸرەمٸن», – دەدٸ مەۋلەن ەشٸمباەۆ.
