ساياسي پارتييا ٷش ماڭىزدى سۇراققا جاۋاپ بەرۋٸ تيٸس. بٸرٸنشٸدەن, پارتييانىڭ ساۋاتتى ماماندارى بولۋى قاجەت. ەكٸنشٸسٸ وسى مامانداردى ۇستاپ تۇرار قارجىلىق احۋالى جەتكٸلٸكتٸ بولۋى تيٸس. سوڭعىسى - مەملەكەتتٸ باسقارۋداعى تەجٸريبەسٸ بولۋى كەرەك. «قۇر ايقايلاپ جٷرگەن, بٸراق اتالعان ٷش قۇندىلىعى قالىپتاسپاعان پارتييا نە قوزعالىسقا مەملەكەتتٸڭ تٸزگٸنٸن سەنٸپ تاپسىرۋدىڭ ٶزٸ قاۋٸپتٸ», - دەيدٸ ساياساتتانۋشى, قوعام بەلسەندٸسٸ باۋىرجان سەرٸكباەۆ. بۇل تۋرالى ول ٶزٸنٸڭ Facebook پاراقشاسىندا جازادى, دەپ حابارلايدى "ۇلت اقپارات".
«بٷگٸن «Nur Otan» پارتيياسى 2020 جىلدىڭ قارجىلىق ەسەبٸن جارييالادى. بۇل ٷردٸس 2014 جىلدان بەرٸ دەستٷرلٸ تٷردە جالعاسىپ كەلەدٸ. ايتا كەتۋ كەرەك «Nur Otan» ٶزٸنٸڭ قارجىلىق ەسەبٸن تۇراقتى جارييالاپ, اشىقتىق پرينيتسپٸن ۇستانىپ كەلە جاتقان ەلٸمٸزدەگٸ بٸردەن بٸر ساياسي پارتييا. ٶزگە ساياسي پارتييالاردان مۇنداي كەڭ كٶلەمدٸ اشىقتىقتى كٶرە المايمىز. حالىق تا ەستٸمەيدٸ», - دەپ جازادى ساياساتتانۋشى.
ونىڭ ايتۋىنشا, «Nur Otan» پارتيياسىنىڭ بارلىق اۋدان, وبلىس, قالالاردا 250-گە جۋىق فيليالدارى بار. 3 مىڭعا تارتا مامان جۇمىس ٸستەيدٸ. بۇل 3 مىڭ وتباسى جالاقى الىپ وتىر دەگەن سٶز. پاندەمييا كەزٸندە پارتييا 2,2 ملن ازاماتقا نەمەسە 650 مىڭ وتباسىنا كٶمەكتەسكەن.
«پرايمەريز كەزٸندە «Nur Otan» پارتيياسى جاڭا كادرلارمەن تولىقتى. بۇرىن سىن ايتىپ جٷرگەن تالاي ەل ازاماتتارى دەپۋتات بولدى. ەكٸم بولدى. ەندٸ نەتيجە كٶرسەتٸپ, ناقتى ٸسپەن دەلەلدەۋ دە ٶز قولدارىندا. مەن تٷسٸنبەيتٸن بٸر دٷنيە ٶزگە پارتييالار پرايمەريز ٶتكٸزٸپ مۇنداي اشىق قادامعا بارمايدى. تاسادا جٷرەدٸ. بەلسەندٸ ەمەس. ەرينە مۇنداي ٸرٸ ٸستەردٸ اتقارماعاننان كەيٸن دە سٷتتەن اق, سۋدان تازا بولادى. سەبەبٸ جاۋاپكەرشٸلٸك جوق. سۇرايتىن دٷنيە جوق», - دەپ پٸكٸرٸن بٸلدٸردٸ ساراپشى.
