Saiasi partiia úsh mańyzdy suraqqa jaýap berýi tiis. Birinshiden, partiianyń saýatty mamandary bolýy qajet. Ekinshisi osy mamandardy ustap turar qarjylyq ahýaly jetkilikti bolýy tiis. Sońǵysy - memleketti basqarýdaǵy tájiribesi bolýy kerek. «Qur aiqailap júrgen, biraq atalǵan úsh qundylyǵy qalyptaspaǵan partiia ne qozǵalysqa memlekettiń tizginin senip tapsyrýdyń ózi qaýipti», - deidi saiasattanýshy, qoǵam belsendisi Baýyrjan Serikbaev. Bul týraly ol óziniń Facebook paraqshasynda jazady, dep habarlaidy "Ult aqparat".
«Búgin «Nur Otan» partiiasy 2020 jyldyń qarjylyq esebin jariialady. Bul úrdis 2014 jyldan beri dástúrli túrde jalǵasyp keledi. Aita ketý kerek «Nur Otan» óziniń qarjylyq esebin turaqty jariialap, ashyqtyq prinitspin ustanyp kele jatqan elimizdegi birden bir saiasi partiia. Ózge saiasi partiialardan mundai keń kólemdi ashyqtyqty kóre almaimyz. Halyq ta estimeidi», - dep jazady saiasattanýshy.
Onyń aitýynsha, «Nur Otan» partiiasynyń barlyq aýdan, oblys, qalalarda 250-ge jýyq filialdary bar. 3 myńǵa tarta maman jumys isteidi. Bul 3 myń otbasy jalaqy alyp otyr degen sóz. Pandemiia kezinde partiia 2,2 mln azamatqa nemese 650 myń otbasyna kómektesken.
«Praimeriz kezinde «Nur Otan» partiiasy jańa kadrlarmen tolyqty. Buryn syn aityp júrgen talai el azamattary depýtat boldy. Ákim boldy. Endi nátije kórsetip, naqty ispen dáleldeý de óz qoldarynda. Men túsinbeitin bir dúnie ózge partiialar praimeriz ótkizip mundai ashyq qadamǵa barmaidy. Tasada júredi. Belsendi emes. Árine mundai iri isterdi atqarmaǵannan keiin de sútten aq, sýdan taza bolady. Sebebi jaýapkershilik joq. Suraityn dúnie joq», - dep pikirin bildirdi sarapshy.
