"نوۆيچوك" ەسكەري ۋىنىڭ قالدىقتارى قالعان بٶتەلكە تومسك قوناق ٷيٸندەگٸ الەكسەي ناۆالنىيدىڭ بٶلمەسٸنەن تابىلدى. بۇل تۋرالى "پروەكت" باسىلىمى جەنە ناۆالنىيدىڭ Instagram-داعى بلوگى جازدى. وسىعان قاراپ رەسەيلٸك وپپوزيتسييالىق ساياساتكەر ەۋەجاي نەمەسە ۇشاقتا ەمەس, قوناق ٷيدە ۋلاندى دەپ توپشىلاۋعا بولادى. بۇعان دەيٸن "تايگا.ينفو" باسىلىمى قوناق ٷيدٸڭ ايماقتاعى جوعارى لاۋازىمدى شەنەۋنٸكتەر مەن كٷشتٸك قۇرىلىم ٶكٸلدەرٸمەن تىعىز بايلانىستا ەكەنٸن جازعان.
جەمقورلىقپەن كٷرەس قورى (جكق) قىزمەتكەرلەرٸنٸڭ بٸرٸ "پروەكت" باسىلىمىنا قوناق ٷيدەن بٶتەلكەنٸ بەرلينگە جكق ٶكٸلٸ مارييا پەۆچيح جەتكٸزگەنٸن ايتتى. وسىدان سوڭ رەسەي بيلٸگٸمەن تىعىز بايلانىستى اقپارات قۇرالدارى پەۆچيحتٸ قارالاپ, ونى ناۆالنىيمەن ينتيمدٸك قارىم-قاتىناستا بولدى, وعان سول ۋ بەرۋٸ مٷمكٸن دەپ ايىپتادى.
باسىلىمنىڭ جازۋىنشا, تومسك ۋاقىتىمەن تاڭەرتەڭگٸ ساعات وندار شاماسىندا ناۆالنىي مٸنگەن ۇشاق ومبىعا قونعان جەنە ول تۋرالى جاڭالىق بٸردەن ەرٸپتەستەرٸنە جەتكەن. تومسكٸدە قوناق ٷيدە قالعاندار وسى ۋاقىتتا بٸرٸنشٸ قاباتتا تاڭعى اس ٸشٸپ وتىرعان. ولار بٸردەن ۋلانۋعا قاتىسى بولۋى مٷمكٸن زاتتاردىڭ بەرٸن جيناۋعا تىرىسقان. "ايعاقتاردى سول كٷيٸندە ساقتاۋعا كٷش سالدىق" دەدٸ ناۆالنىي شتابىنىڭ تومسكٸدەگٸ ٶكٸلٸ "پروەكت" باسىلىمىنا.
بۇعان ۋاقىت تا مٷمكٸندٸك بەرگەن: ناۆالنىي قونعان بٶلمەنٸ ول كەزدە جاڭا ادامدارعا بەرٸپ تە ٷلگەرمەگەن. ال قوناق ٷيدە تازالاۋ جۇمىستارى تاڭەرتەڭگٸ ساعات 10-11-لەردە باستالادى. بۇعان سول جاقتا زەرتتەۋ ٷشٸن قونىپ شىققان "پروەكت" تٸلشٸسٸنٸڭ دە كٶزٸ جەتكەن.
ول جاقتا قالعان جكق قىزمەتكەلەرٸنە جەرگٸلٸكتٸ شتاب بەلسەندٸلەرٸ كٶمەككە كەلگەن, ولار ناۆالنىي تۇرعان 239 بٶلمەگە كەزەكشٸ قويعان. اقىرى ول جەردەن وپپوزيتسييالىق ساياساتكەر تاڭەرتەڭ قولدانعان بولۋى مٷمكٸن بٸرنەشە زات الىنعان. ولاردىڭ اراسىندا "سۆياتوي يستوچنيك" ماركالى اۋزى اشىلعان سۋ بٶتەلكەسٸ بولعان. جكق قوناق ٷي بٶلمەسٸن تەكسەرۋ كەزٸندەگٸ ۆيدەونى دا جارييالادى.
جەمقورلىقپەن كٷرەس قورى قىزمەتكەرٸنٸڭ ايتىنشا, ساياساتكەردٸڭ ٶزٸ بٶتەلكەدەن قاشان سۋ ٸشكەنٸن ەسٸنە تٷسٸرە الماعان. دەگەنمەن سۋدىڭ قۇرامىندا ۋ بولماعان سيياقتى. "نوۆيچوك" ۋىن شىعارۋعا اتسالىسقانداردىڭ بٸرٸ ۆلاديمير ۋگلەۆ "پروەكت" باسىلىمىنا ەگەر ۋ سۋمەن بٸرگە ساياساتكەردٸڭ اعزاسىنا تٷسكەن بولسا, وندا سول سەتتە-اق بٸرنەشە مينۋتتان سوڭ "دٸرٸلدەپ, قالتىراي باستار ەدٸ" دەگەن.
ناۆالنىي جاعدايىنىڭ ناشارلاۋ ديناميكاسىن ساراپتاعان ۋگلەۆ ساياساتكەردٸڭ دەنەسٸنە ۋ تييۋٸ مٷمكٸن دەپ توپشىلايدى. ال بٸراق وعان قايدان جاعىلعانى بەلگٸسٸز. قوناق ٷيدەن الىنعان ٶزگە زاتتاردان "نوۆيچوك" قالدىقتارى تابىلدى ما, جوق پا, ەزٸرگە ايتىلمايدى.
"پروەكتٸنٸڭ" جازۋىنشا, زەرتتەۋگە قوناق ٷيدەگٸ باقىلاۋ كامەراسىنا تٷسكەن جازبالار كٶمەكتەسۋٸ مٷمكٸن. ناۆالنىي بٶلمەسٸندە بولعان وقيعالار بٸردەن ەكٸ كامەراعا جازىلعان. ول جازبالار قۇقىق قورعاۋ ورگاندارىنىڭ قولىندا.
