فوتو: ©️ Tengrinews.kz / ەليحان ساريەۆ
ەندٸ ەرلٸ-زايىپتىلاردىڭ نوتاريالدى كۋەلاندىرىلعان كەلٸسٸمٸن eGov mobile قوسىمشاسىندا ونلاين تٷردە رەسٸمدەۋگە بولادى, دەپ حابارلايدى "ۇلت اقپارات" ۇلتتىق اقپاراتتىق تەحنولوگييالار (ۇات) باسپاسٶز قىزمەتٸنە سٸلتەمە جاساپ.
"قر ەدٸلەت مينيسترلٸگٸنٸڭ, رەسپۋبليكالىق نوتارياتتىق پالاتانىڭ جەنە «ۇلتتىق اقاپاراتتىق تەحنولوگييالار» اق اقپاراتتىق جٷيەلەرٸ اراسىنداعى ينتەگراتسييا ازاماتتارعا نوتاريۋسقا بارماي-اق نوتاريات كۋەلاندىرعان قۇجاتتاردى بٸرنەشە مينۋت ٸشٸندە كۋەلاندىرۋعا مٷمكٸندٸك بەرەدٸ.
eGov موبيلدٸ قوسىمشاسىنىڭ «eNotary» قىزمەتٸندە ەرلٸ-زايىپتىلاردىڭ كەلٸسٸمٸن تالاپ ەتەتٸن قۇجاتتاردى رەسٸمدەۋدٸڭ قوسىمشا وپتسيياسى پايدا بولدى" - دەلٸنگەن حابارلامادا.
كەلٸسٸم ونلاين رەجيمدە بيومەترييالىق تەكسەرۋدەن ٶتۋ ارقىلى جاسالادى, سودان كەيٸن نوتاريۋس كليەنتتٸڭ دەرەكتەرٸن تەكسەرەدٸ, وسىلايشا كەلٸسٸمدٸ راستاعان سوڭ, نوتاريالدى كۋەلاندىرىلعان قۇجات جاسالادى.
«ٶزدەرٸڭٸز بٸلەتٸندەي, بيىل سەۋٸر ايىندا eGov mobile موبيلدٸ قوسىمشاسىندا «eNotary» قىزمەتٸ ٸسكە قوسىلدى جەنە بٷگٸندە ول قازاقستاندىقتار اراسىندا تانىمال. ازاماتتاردىڭ وسى قىزمەتتٸ پايدالانا وتىرىپ, ەلەمنٸڭ كەز كەلگەن نٷكتەسٸنەن قاجەتتٸ قۇجاتتى كۋەلاندىرۋعا مٷمكٸندٸگٸ بار. بۇل قىزمەت ىڭعايلى, ٶيتكەنٸ قۇجاتتاردى رەسٸمدەۋ ٷشٸن نوتاريۋستى ٸزدەپ, وعان بارۋدىڭ قاجەتٸ جوق. ەندٸ ەرلٸ-زايىپتىلاردىڭ كەلٸسٸمٸن بٸرنەشە مينۋت ٸشٸندە ونلاين رەجيمٸندە الۋعا بولادى», - دەيدٸ «ۇلتتىق اقپاراتتىق تەحنولوگييالار» اق باسقارما تٶراعاسى روستيسلاۆ كونياشكين.
ەرلٸ-زايىپتىلاردىڭ كەلٸسٸمٸن الۋ ٷشٸن:
- eGov Mobile قوسىمشاسىندا اۆتوريزاتسييادان ٶتۋ;
- باستى بەتتە «eNotary» قىزمەتٸن اشۋ;
- تٸزٸمنەن ەرەكەت تٷرٸن تاڭداۋ - «كەلٸسٸم»;
- ٶتٸنٸش فورماسىن تولتىرۋ جەنە بيومەترييالىق تەكسەرۋدەن ٶتۋ;
- بەينەقوڭىراۋ ارقىلى جۇبايىنىڭ كەلٸسٸمٸن الۋ;
- نوتاريالدىق قىزمەتكە اقى تٶلەۋ قاجەت.
"بەينەقوڭىراۋ اياقتالعاننان كەيٸن پايدالانۋشى «نوتارياتتىق ٸس-ەرەكەتتەر» بٶلٸمٸندە ٶتٸنٸمنٸڭ مەرتەبەسٸن كٶرە الادى. EGov Mobile قوسىمشاسىنىڭ «تسيفرلىق قۇجاتتار» بٶلٸمٸندەگٸ QR كودتى سكانەرلەۋ ارقىلى بەينەكامەرانىڭ كٶمەگٸمەن رەسمي كۋەلاندىرىلعان سەنٸمحاتتىڭ تٷپنۇسقالىعىن تەكسەرۋگە بولادى.
جاڭا سەنٸمحات «تسيفرلىق قۇجاتتار» سەرۆيسٸندە قولجەتٸمدٸ بولادى جەنە ونى تالاپ ەتۋ ورنى بويىنشا ۇسىنۋعا بولادى" - دەلٸنگەن حابارلامادا.
