پارلامەنت سەناتىنىڭ جالپى وتىرىسىندا پالاتا دەپۋتاتتارى «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە نوتاريات مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» زاڭدى قابىلدادى, دەپ حابارلايدى قازاقپارات.
قۇجات پارلامەنت دەپۋتاتتارى باستاماشىلىعىمەن دايىندالدى.
«ەلٸمٸزدە قىزمەتٸ جٷيەلٸ, قالىپتاسقان نوتارياتتىق قىزمەت اتقارىلادى.17 ايماقتىق, 1 رەسپۋبليكالىق نوتارياتتىق پالاتادا, 4267 نوتاريۋس قىزمەت اتقارىپ كەلەدٸ. زاماناۋي نوتاريات قىزمەتٸن ودان ەرٸ نورماتيۆتٸك رەتتەۋ ٷشٸن جاڭا قاجەتتٸلٸكتەر تۋىنداپ وتىر. ماقسات - نوتاريات سالاسىندا ازاماتتاردىڭ زاڭدى مٷددەلەرٸن قورعاۋدىڭ قۇقىقتىق جٷيەسٸن جەتٸلدٸرۋ. جوبادا «نوتارياتتىق اكت» ۇعىمىن ەنگٸزۋ, نوتارياتتىق قۇپييانى رەگلامەنتەۋ, باسقارۋ ورگاندارىنىڭ ٶكٸلەتتٸكتەرٸن ناقتىلاۋ, جاڭا نوتارياتتىق ٸس ەرەكەتتەردٸ ەنگٸزۋ, ەلەكتروندىق نوتاريات قالىپتاستىرۋ جەنە تاعى باسقا ماڭىزدى ناقتىلاۋلار بار», - دەدٸ سەنات دەپۋتاتى لەززات سٷلەيمەن.
اتاپ ايتقاندا, نوتارياتتىق قىزمەتتٸ ودان ەرٸ تسيفرلاندىرۋ ەسكەرٸلگەن. نوتارياتتىق قۇجاتتاردىڭ ەلەكتروندىق نىساندا ساقتالۋىن, ەسەپكە الىنۋى مەن پايدالانىلۋىن قامتاماسىز ەتەتٸن ەلەكتروندىق جٷيە (رەپوزيتاريي) قۇرۋ كٶزدەلٸپ وتىر. بۇل جەردە, زاڭ جوباسى قاعازداعى قۇجات پەن ەلەكتروندىق قۇجاتتىڭ تەڭ مەندٸلٸگٸن كۋەلاندىرۋدٸ قامتاماسىز ەتۋدٸ دە مٸندەتتەپ وتىر. نوتارياتتىق قۇجاتقا QR-كود بەرٸلەدٸ, وسى نەگٸزدە ساقتالادى, تٷپنۇسقالىعى راستالادى. بۇل رەپوزيتاريي 2022 جىلعى 1 قاڭتاردان جٷزەگە اسا باستاۋى تيٸس.
بٸرىڭعاي نوتارياتتىق اقپاراتتىق جٷيەگە مەلٸمەتتەردٸ ەنگٸزۋ, قول جەتكٸزۋ, پايدالانۋ, قورعاۋ تەرتٸبٸن ۋەكٸلەتتٸ ورگاندار ناقتى رەگلامەنتتەپ, ايقىنداۋى قاجەت. بۇل باعىتتا ەدٸلەت مينيسترلٸگٸ, تسيفرلاندىرۋ مينيسترلٸگٸ, رەسپۋبليكالىق پالاتا الدىندا وسى قىزمەتتٸ ساۋاتتى ٷيلەستٸرۋ مٸندەتتەرٸ تۇر.
«نوتاريۋستاردىڭ قىزمەتتەرٸنە شاعىمداردى قارايتىن – تەرتٸپتٸك كوميسسييا قۇرىلادى, ول تەۋەلسٸز ورگان بولىپ سانالادى جەنە رەسپۋبليكالىق نوتارياتتىق پالاتانىڭ سەزٸندە سايلانىپ, ەسەپ بەرەدٸ. 2020 جىلى 33 نوتاريۋستىڭ ليتسەنزيياسى ۋاقىتشا توقتاتىلعان.
ەنگٸزٸلٸپ وتىرعان ٶزگەرٸستەر, نوتاريۋستار مەن زاڭگەرلەر كەزدەسۋٸ بارىسىندا تۋىنداعان ۇسىنىستاردىڭ نەتيجەسٸ», - دەدٸ سەناتور.
سەنات سپيكەرٸ مەۋلەن ەشٸمباەۆ اتالعان زاڭ ەلٸمٸزدە نوتاريات ينستيتۋتىن ودان ەرٸ جەتٸلدٸرۋدٸ كٶزدەيتٸنٸن اتاپ ٶتتٸ.
«قازٸرگٸ تاڭدا قازاقستاندا بۇل سالادا جۇمىس ٸستەيتٸن تٶرت مىڭنان استام نوتاريۋس بار. وسى زاڭ حالىققا نوتارياتتىق قىزمەت كٶرسەتۋ كەزٸندە تسيفرلىق تەحنولوگييالاردىڭ قولدانۋ اياسىن كەڭەيتۋگە مٷمكٸندٸك بەرەدٸ. سونداي-اق, نوتارياتتىق قىزمەتكە قويىلاتىن تالاپتاردى كٷشەيتۋگە قۇقىقتىق نەگٸزدەر قالىپتاستىرادى», - دەپ اتاپ ٶتتٸ سەنات تٶراعاسى.
