نورۆەگييانىڭ وڭتٷستٸگٸندەگٸ كونگسبەرگ قالاسىندا بولعان وقيعادان كەمٸندە 4 ادام كٶز جۇمدى, دەپ حابارلايدى قازاقپارات euronews اقپارات اگەنتتٸگٸنە سٸلتەمە جاساپ.
جەرگٸلٸكتٸ پوليتسييا ٶكٸلٸ ەيۆيند وس باسپاسٶز كونفەرەنتسيياسىندا زارداپ شەككەندەر مەن قازا بولعانداردىڭ ناقتى سانىن ايتپادى. الايدا جەرگٸلٸكتٸ باق-تىڭ حابارلاۋىنشا, كەم دەگەندە تٶرت ادام كٶز جۇمعان.
قاسكٷنەم كٶشەدە كەتٸپ بارا جاتقان ادامدارعا ساداقتان وق جاۋدىرعان. تەرتٸپ ساقشىلارى ونى ۇستادى.
قۇقىق قورعاۋ ورگاندارى بۇل شابۋىلدىڭ لاڭكەستٸك اكتٸ بولعانىن جوققا شىعارمايدى.
كونگسبەرگ – 30 مىڭ تۇرعىنى بار قالا.
ەسكە سالساق, وقيعا كەشە كەشكٸ التىدان كەيٸن باستالعان. مەرگەن ٶز قۇرباندارىنا بٸرنەشە جەردە, سونىڭ ٸشٸندە سۋپەرماركەتتە شابۋىلداعان. باق حابارلاۋىنشا, ەر ادام ٶزٸمەن بٸرگە باسقا قارۋ دا ۇستاپ جٷرگەن.
