Norvegiianyń ońtústigindegi Kongsberg qalasynda bolǵan oqiǵadan keminde 4 adam kóz jumdy, dep habarlaidy QazAqparat euronews aqparat agenttigine silteme jasap.
Jergilikti politsiia ókili Eivind Os baspasóz konferentsiiasynda zardap shekkender men qaza bolǵandardyń naqty sanyn aitpady. Alaida jergilikti BAQ-tyń habarlaýynsha, kem degende tórt adam kóz jumǵan.
Qaskúnem kóshede ketip bara jatqan adamdarǵa sadaqtan oq jaýdyrǵan. Tártip saqshylary ony ustady.
Quqyq qorǵaý organdary bul shabýyldyń lańkestik akti bolǵanyn joqqa shyǵarmaidy.
Kongsberg – 30 myń turǵyny bar qala.
Eske salsaq, oqiǵa keshe keshki altydan keiin bastalǵan. Mergen óz qurbandaryna birneshe jerde, sonyń ishinde sýpermarkette shabýyldaǵan. BAQ habarlaýynsha, er adam ózimen birge basqa qarý da ustap júrgen.
