2021 جىلدىڭ 1-توقسانىندا جەرگٸلٸكتٸ مەملەكەتتٸك ورگانداردىڭ نورماتيۆتٸك-قۇقىقتىق اكٸلەرٸن تٸركەۋ رەسٸمٸن ورتالىقتاندىرىلعان فورماتقا كٶشٸرۋ جوسپارلانۋدا. بۇل تۋرالى قر ەدٸلەت ۆيتسە-مينيسترٸ ناتاليا پان ايتتى, دەپ حابارلايدى قازاقپارات.
«زاڭدىلىق رەجيمٸن قامتاماسىز ەتۋ نورماتيۆتٸك-قۇقىقتىق اكتٸلەر (نقا) جوبالارىنا زاڭ ساراپتاماسىن جەنە نقا جوبالارىنا عىلىمي لينگۆيستيكالىق ساراپتاما جٷرگٸزۋ ارقىلى جٷزەگە اسىرىلادى. وسىلايشا, 2020 جىلى ەدٸلەت مينيسترلٸگٸ 37 672 قۇقىقتىق اكتٸلەردٸڭ جوبالارىنا ساراپتاما جٷرگٸزدٸ, ونىڭ ٸشٸندە: 109 زاڭ جوباسى; پرەزيدەنت جارلىقتارىنىڭ 100 جوباسى; پرەزيدەنت ٶكٸمٸنٸڭ 3 جوباسى; ٷكٸمەت قاۋلىلارىنىڭ 1 130 جوباسى; پرەمەر-مينيستر ٶكٸمدەرٸنٸڭ 174 جوباسى; ورتالىق جەنە جەرگٸلٸكتٸ مەملەكەتتٸك باسقارۋ ورگاندارىنىڭ 36 156 نورماتيۆتٸك قۇقىقتىق اكتٸلەرٸ. ونىڭ ٸشٸندە 12 895-سٸ تٸركەلدٸ. 94-ٸ قايتارىلدى نەمەسە تٸركەۋدەن باس تارتىلدى», - دەدٸ ول مينيسترلٸكتٸڭ كەڭەيتٸلگەن القا وتىرىسىندا.
ونىڭ ايتۋىنشا, ۆەدومستۆولىق نورماشىعارماشىلىق مەسەلەسٸ بويىنشا سەرۆيستٸك مودەلدٸ ەنگٸزۋ ەزٸرلەۋشٸ ورگاندارعا نورماتيۆتٸك قۇقىقتىق اكتٸلەردٸڭ جوبالارىن كەلٸسۋ ساتىسىندا ەدٸلەت ورگاندارىنىڭ ەسكەرتۋلەرٸن جويۋعا مٷمكٸندٸك بەردٸ. مەسەلەن, سوڭعى ەكٸ جىلدا تٸركەۋدەن باس تارتۋدىڭ تٶمەندەۋٸ بايقالدى. سونداي-اق قايتا قاراۋ نەتيجەسٸ, ولاردىڭ سانى تٸركەۋگە ۇسىنىلعان جوبالاردىڭ بٸر پايىزىنان اسپادى.
«الايدا ەدٸلەت ورگاندارىنىڭ ماقۇلداۋ ساتىسىنداعى ەسكەرتۋلەرٸ ساپاسىز پىسىقتالعاندىقتان, ەر جوبا ورتاشا ەسەپپەن 3 رەت قايتا قاراۋعا قايتارىلدى. بۇعان تٸركەلگەن 12 895 اكتٸ كۋە بولا الادى. ٶيتكەنٸ كەلٸسۋگە 36 156 نقا جوبالارى ۇسىنىلعان. مەملەكەتتٸك جەنە ورىس تٸلدەرٸندەگٸ جوبالاردىڭ سەيكەستٸگٸنە عىلىمي لينگۆيستيكالىق ساراپتاما 160 جوباعا قاتىستى جٷرگٸزٸلدٸ. ونىڭ ٸشٸندە: زاڭ جوبالارى بويىنشا - 113, حالىقارالىق شارتتاردىڭ جوبالارى بويىنشا - 47. 2019 جىلمەن سالىستىرعاندا 2020 جىلى پرەزيدەنت, ٷكٸمەت جەنە پرەمەر-مينيستر اكتٸلەرٸ جوبالارىنىڭ سانى 1,1, قايتا قاراۋعا قايتارىلعاندارى 2 پايىزعا ازايدى», - دەدٸ ناتاليا پان.
ونىڭ اتاپ ٶتۋٸنشە, پىسىقتاۋعا قايتارىلۋدىڭ تٶمەندەۋٸ مينيسترلٸكتٸڭ مەملەكەتتٸك ورگانداردىڭ زاڭ قىزمەتتەرٸمەن مەملەكەتتٸك ورگاندار جٸبەرگەن قاتەلٸكتەردٸ تالداۋ جەنە ولاردى تٷزەتۋ قاجەتتٸلٸگٸ تۇرعىسىنان جٷرگٸزەتٸن جۇمىستارىمەن بايلانىستى. سونىمەن قاتار, 2020 جىلى مەملەكەتتٸك ورگاندار تٶتەنشە جاعدايدى شەشۋگە باعىتتالعان 100-گە جۋىق نورماتيۆتٸك قۇقىقتىق اكتٸلەردٸڭ جوبالارىن ەزٸرلەگەن.
«نقا-نى ەلەكتروندىق تٸركەۋگە تولىق كٶشۋدٸ قامتاماسىز ەتۋدٸ ەسكەرە وتىرىپ, ۆەدومستۆولىق نورماشىعارۋدى ودان ەرٸ جەتٸلدٸرۋ ٷشٸن مينيسترلٸك جەرگٸلٸكتٸ مەملەكەتتٸك ورگانداردىڭ نقا تٸركەۋ رەسٸمٸن ورتالىقتاندىرىلعان فورماتقا كٶشٸرۋ جوسپارلاۋدا. پيلوتتىق جوبانىڭ قورىتىندىلارى ۇسىنىلعان تەتٸكتٸ ٸسكە اسىرۋ مٷمكٸندٸگٸن كٶرسەتتٸ. جاڭا مەحانيزمدٸ ەنگٸزۋ وسى جىلعى 1-شٸ توقسانعا جوسپارلانۋدا», - دەدٸ ۆيتسە-مينيستر.
