رەسەي پرەزيدەنتٸ كراسنويار ٶلكەسٸندە مۇناي ٶنٸمدەرٸنٸڭ تٶگٸلۋٸنە بايلانىستى فەدەرالدىق دەڭگەيدە تٶتەنشە جاعداي جارييالاۋ تۋرالى ۇسىنىستى ماقۇلدادى.
29 مامىردا نوريلسك-تايمىر ەنەرگەتيكالىق كومپانيياسىنا تيەسٸلٸ قويمالاردىڭ بٸرٸندە ساڭىلاۋ پايدا بولىپ, 20 مىڭ توننا مۇناي ٶنٸمٸ تٶگٸلٸپ, 350 شارشى مەتر جەرگە جايىلعان. مۇناي ٶنٸمدەرٸ توپىراق, سۋ جەنە جولعا دا تٶگٸلگەن.
تٶتەنشە جاعداي مينيسترٸ ەۆگەنيي زينيچەۆ نوريلسكٸدە تٶتەنشە جاعداي جارييالاۋ تۋرالى ۇسىنىس ايتقان. ونىڭ سٶزٸنە قاراعاندا مينيسترلٸككە مۇنايدىڭ تٶگٸلگەنٸ تۋرالى اقپارات ەكٸ كٷن كەشٸگٸپ جەتكەن. ۆلاديمير پۋتين وعان اقپاراتتىڭ ۋاقىتىندا جەتپەۋ مەسەلەسٸن قۇقىق قورعاۋ ورگاندارى زەرتتەۋٸ تيٸس دەپ ايتقان. "كوممەرسانت" باسىلىمىنىڭ جازۋىنشا, پرەزيدەنت بيلٸكتٸڭ نوريلسكٸدەگٸ جاعدايدى ەلەۋمەتتٸك جەلٸدەن بٸلگەنٸنە نازالانعان.
بۇعان دەيٸن پۋتين قاتىسقان وتىرىستا تابيعي رەسۋرستار جەنە ەكولوگييا مينيسترٸ دميتريي كوبىلكين تٶتەنشە جاعداي مينيسترلٸگٸنٸڭ ماماندارىنسىز, تٸپتٸ ەسكەريلەردٸڭ كٶمەگٸنسٸز اپاتتىڭ سالدارىمەن كٷرەسۋگە شاماسى جەتپەيتٸنٸن ايتقان. ونىڭ ايتۋىنشا, ايماق بيلٸگٸ جينالعان وتىندى ٶرتەۋدٸ ۇسىنعان.
"جاعداي ٶتە كٷردەلٸ. اركتيكا ايماعىندا وسىنشا كٶلەمدەگٸ وتىندى قالاي جاعۋعا بولادى, ەلەستەتۋدٸڭ ٶزٸ قيىن" دەدٸ مينيستر.
تٶتەنشە جاعدايعا بايلانىستى 3 قىلمىستىق ٸس قوزعالعان. اپات بولعان تەتس-3 تسەحىنىڭ باستىعى ۇستالعان.
Greenpeace ەكولوگتارى نوريلسكتەگٸ وقيعانى اركتيكا شەڭبەرٸندەگٸ ٸرٸ اپات دەپ باعالايدى. وسىعان ۇقساس جاعداي الياسكا جاعالاۋىندا 30 جىل بۇرىن بولعان. كراسنويار ٶلكەسٸندە تٸركەلگەن "پلوتينا" ەكولوگييالىق ۇيىمىنىڭ جەتەكشٸسٸ الەكساندر كولوتوۆ نوريلسكتەگٸ اپات جىلدار بويى ٶزەن بالىقتارىنا جەنە سول ماڭداعى تٸرشٸلٸك يەلەرٸنە قاۋٸپ تٶندٸرەدٸ دەگەن.
