اتىراۋ وبلىسىنىڭ ەكٸمٸ نۇرلان نوعاەۆ وبلىستىق پەريناتالدى ورتالىقتاعى سەبي ٶلٸمٸنە قاتىستى ٷكٸمەت وتىرىسىنىڭ ٷزٸلٸسٸ كەزٸندە پٸكٸر بٸلدٸردٸ, دەپ حابارلايدى "ۇلت اقپارات" اتىراۋ وبلىسى ٶڭٸرلٸك كوممۋنيكاتسييالار قىزمەتٸنە سٸلتەمە جاساپ.
جۋرناليستەر ساۋالىنا جاۋاپ بەرگەن نۇرلان نوعاەۆ تەرگەۋدٸڭ اياقتالۋىن كٷتٸپ, ٸستٸڭ اق-قاراسى انىقتالعانشا قورىتىندى جاساماۋدى ٶتٸندٸ.
«رەسمي ورگاندار رەسمي پٸكٸر بٸلدٸردٸ. قازٸر تەرگەۋ شارالارى جٷرگٸزٸلۋدە. سونىڭ اياقتالعانىن كٷتۋ كەرەك. مينيستر ٶز پٸكٸرٸن بٸلدٸردٸ, ۆيتسە-پرەمەر دە كەلدٸ. تەرگەۋ قورىتىندىسى شىقپاي تۇرىپ بٸز باعا بەرە المايمىز, - دەدٸ ەكٸم. – بۇل مەسەلەنٸڭ بارلىق تٷيٸتكٸلدەرٸن مۇقييات تەكسەرۋ كەرەك. بٸرٸنشٸدەن, تەرگەۋ عانا بارلىق ساۋالداردىڭ جاۋابىن تابا الادى. دٷنيەگە كەلگەن سەبيلەردٸڭ 80 پايىزىنا جۋىعى وڭالتۋ بٶلٸمٸنە تٷسەدٸ, سالماعى ٶتە از, كٷنٸ جەتپەگەن. بۇل باعىتتاعى جۇمىسىمىزعا بٷگە-شٷگەسٸنە دەيٸن توقتالماي-اق قويايىن, ايتايىن دەگەنٸم, سەبي ٶلٸمٸ جەنە انا مەن بالا كٷتٸمٸ باستى نازاردا بولماق. بۇل باعىتتا ٷلكەن جۇمىستار اتقارىلۋدا. ٶتكەن جىلعى كٶرسەتكٸشتەردٸ بيىلعىمەن سالىستىراتىن بولساق, تٶمەندەۋ بايقالادى. بٸراق ەلدەبٸر سەبەپتەرمەن تامىز ايىندا قايتادان سەبي ٶلٸمٸ ٶرشٸپ كەتتٸ. تامىزدا - 26, قىركٷيەكتە - 17 سەبي شەتٸنەگەن. تيٸستٸ شارالاردى قولعا الامىز. بوساناتىن 75 ەيەلدٸ قالالىق پەرزەنتحانا مەن ٶزگە دە اۋرۋحانالارعا كٶشٸردٸك. بۇل كەڭەستٸ تەرگەۋ بارىسىندا ارنايى كوميسسييا بەرگەن بولاتىن. دەنساۋلىق ساقتاۋ مينيسترلٸگٸنٸڭ كوميسسيياسى, ٶزگە دە ورگانداردىڭ توپتارى قىزمەت اتقارۋدا. جٷيەلٸ جۇمىس جٷرٸپ جاتىر. انا مەن بالا ٶمٸرٸ - باعا جەتپەس بايلىعىمىز, سەبي ٶلٸمٸ - بٸز ٷشٸن تراگەدييا».
نۇرلان نوعاەۆ وبلىستىق دەنساۋلىق ساقتاۋ باسقارماسى باسشىسىنىڭ جاۋاپكەرشٸلٸگٸ تۋرالى جۋرناليستەر ساۋالىنا:
«باسقارما باسشىسى قىزمەتٸنەن كەتۋ جٶنٸندە ارىز جازدى, قازٸر مەسەلە قارالۋ ٷستٸندە», - دەپ جاۋاپ قاتتى ەكٸم.
ايتا كەتەيٸك, 2019 جىلى ٶڭٸرگە 123 دەرٸگەر كەلٸپ, ونىڭ ٸشٸندە 54 مامان پەرزەنتحانا مەن ٶزگە دە بالالار ۇيىمدارىنا جٸبەرٸلگەن (13 اكۋشەر-گينەكولوگ, انەستەزيولوگ-رەانيماتولوگ, 3 نەوناتولوگ, 19 بالا دەرٸگەرٸ, 14 تەراپەۆت), ونىڭ ٸشٸندە 12 مامان وبلىستىق پەريناتالدىق ورتالىققا جولدانعان بولاتىن.
وبلىس ەكٸمٸ رەزيدەنتۋراعا - 48 گرانت, ونىڭ ٸشٸندە 27 گرانتتى پەرزەنتحانالار مەن بالالار ۇيىمدارىنا بٶلدٸ. بۇل - گرانتتاردىڭ 56 پايىزى (9 اكۋشەر-گينەكولوگ, 4 نەوناتولوگ, 5 انەستەزيولوگ-رەانيماتولوگ, 5 ينفەكتسيونيست, 1 بالالار نەۆرولوگى, 1 بالالار دەرٸگەرٸ).
ەسكە سالا كەتسەك, اتىراۋ وبلىسى پەريناتالدى ورتالىعىنىڭ باسشىسى مەن دەرٸگەرٸ جاڭا تۋعان نەرەستەنٸ توڭازىتقىش كامەراسىنا سالىپ ٶلتٸردٸ دەگەن كٷدٸككە ٸلٸنگەن بولاتىن.
