نياگارا ٶزەنٸنٸڭ تٷبٸندەگٸ جارتاستارعا 100 جىل بۇرىن تٸرەلٸپ, سوندا قالىپ قويعان كەمەنٸ قاتتى داۋىل مەن سۋ تاسقىنى اعىزىپ كەتتٸ, دەپ حابارلايدى CBS تەلەارناسى.
ۇزىندىعى 20 مەتردەن اساتىن بارجا 1918 جىلدىڭ تامىزىندا ٶزٸن سٷيرەگەن كەمەدەن ٷزٸلٸپ كەتكەندٸكتەن, ونى ەكيپاج نياگارا ٶزەنٸنٸڭ كانادا بٶلٸگٸنە شٶكتٸرگەن. سودان بەرٸ تاعا سارقىراماسىنان (كانادا سارقىراماسى) 1,5 شاقىرىم جەردە جاتقان كەمە نياگارا كەشەنٸنٸڭ تۋريستەر قىزىقتايتىن ورىنداردىڭ بٸرٸنە اينالعان بولاتىن.
تولاسسىز جاۋعان نٶسەردەن سۋ دەڭگەيٸ كٶتەرٸلٸپ, ونى 50 مەتردەي جەرگە دەيٸن جىلجىتقان. شٶككەن كەمەنٸ ٶزەننٸڭ اعىزۋىنا دەل سول باعىتتا سوققان قاتتى داۋىل دا سەپتٸگٸن تيگٸزگەن.
كانادانىڭ نياگارا پاركٸنٸڭ كوميسسيياسى ٶزەننٸڭ كەمەنٸ بٸرتٸندەپ سارقىراماعا دەيٸن اعىزىپ اپارۋى مٷمكٸن دەپ بولجاپ وتىر.
